6 ¹ Long dispela yia taim king Usia i dai, mi lukim God Yawe i sindaun long sia king na em i sindaun antap tru na klos bilong em i karamapim tempel. ² Anatap long ples God Yawe i sindaun, ol ensel i stap. Wanwan bilong ol i gat 6-pela wing. Tupela wing i karamapim pes na tupela i karamapim lek na wantaim tupela ol i flai. ³ Wanwan i singaut na tok, "God Yawe em i holi, holi na holi! Biknem na glori bilong em i karamapim olgeta hap graun." ⁴ Na ol pos bilong haus bilong brukim wit guria na suruk long krai bilong ol manmeri na haus i pulap wantaim smok bilong paia. ⁵ Na mi pret na tok, " Sori long mi! Mi no gutpela man, maus bilong mi i pulap wantaim toktok nogut na mi stap namel long olgeta manmeri maus bilong ol ino klin, long wanem ai bilong mi i lukim God Yawe, bikpela king i stap antap tumas!" ⁶ Na wanpela ensel i holim paia lait em i kisim long alta wantaim na flai i kam long mi. ⁷ Na em i tasim maus bilong mi wantaim paia na i tok, "Lukim dispea paia i kukim asua bilong yu na rausim sin bilong yu." ⁸ Na mi harim nek bilong God Yawe i singaut na i tok, "Bai mi salim husait na husait bai makim mipela na go?" Na mi tok, "Mi stap, salim mi." ⁹ God Yawe i tok, "Go na tokim ol dispela manmeri, 'Harim tasol i no save klia, lukim tasol i no save kisim tok gut.' ¹⁰ Mekim bel bilong dispela ol manmeri i strong na tu yau bilong ol i pas na ai bilong ol i pas. Nogut bai ol i lukim wantaim ai bilong ol na harim wantaim yau bilong ol na kisim gut tok long bel bilong ol na tanim baksait long sin bilong ol na kamap orait." ¹¹ Na mi askim God Yawe, "Bai wanem taim dispela samting i kamap? Na em i bekim na i tok, "Inap olgeta biktaun i bagarap. Nogat manmeri bai stap moa na dispela ples bai kamap ples nating, ¹² inap God Yawe i salim ol manmeri i go longwe ples na dispela graun bai i bagarap olgeta. ¹³ Na sapos wanpela hap ten manmeri tasol i stap long dispela ples, God Yawe bai bagarapim, wankain olsem diwai terebin o diwai oak ol i katim na pundaunim tasol wanpela sit i holi, em i kamap long as bilong dispela diwai."