4 ¹ Long dispela dei, 7-pela meri bai kisim wanpela man na tok olsem, "Bai mipela i kaikai kaikai bilong mipela yet na bai mipela yet, bai mipela i putim klos bilong mipela yet. Tasol larim mipela i kisim nem bilong yu long rausim sem bilong mipela." ² Long dispela dei, ol han bilong diwai bilong God Yawe bai kamapim nupela kru na bai i kamap gutpela tru. Na graun bai kamapim gutpela kaikai na frut bilong ol manmeri bilong Israel i no bin bagarap na i stap yet. ³ Em bai kamap long wanpela husat i stap yet long Saion na long wanpela husat i stap yet long Jerusalem, ol bai kolim ol holi na long olgeta husat bilong ol i stap long Jerusalem. ⁴ Dispela bai kamap long taim Bikpela i bin rausim pasin nogut bilong pikinini meri bilong Saion na bai i klinim ol blut i pas namel long taun Jerusalem wantaim strong bilong spirit bilong skelim wantaim lait bilong paia bilong spirit. ⁵ Na long olgeta hap long Maunten Saion na long ples bilong bung, God Yawe bai mekim bikpela klaut na smok i kamap long dei na nait na lait bilong paia bai i lait lantap long olgeta hap. ⁶ Em bai i kamap olsem haus long karamapim yupela long hot bilong san long dei taim na bai kamap olsem ples hait long haitim yupela long taim bilong win na rein.