14 ¹ God Yawe bai marimari long Jekop; em bai makim ol lain Israel gen na kisim ol i go long graun bilong ol yet. Ol lain bilong narapela hap bai kam bung na i stap pas wantaim lain bilong Jekop. ² Ol kantri bai kisim ol i go long ples bilong ol yet. Ol lain manmeri bilong Israel bai kisim ol olsem wokboi na wokmeri i go long graun bilong God Yawe. Ol bai kalabusim ol lain, pastaim ol yet bin i stap aninit long strong bilong ol na bai ol mekim ol lain i bin givim hevi long ol, i kam aninit long strong bilong ol gen. ³ Long dispela dei God Yawe bai givim yupela malolo long wanem, ol pein na bagarap yupela i bin kisim na wanem ol hatwok yupela i bin mekim, ⁴ bai yupela singim song bilong tok pilai na sutim bel bilong king bilong Babilon, "Olsem wanem dipela lain i save givim hevi i kamap long pinis bilong ol, man i save belhat na apim em yet i bungim pinis bilong em! ⁵ God Yawe i brukim strong bilong man nongut, strong bilong ol dispela king, ⁶ ol i no malolo long paitim ol manmeri nogut tru wantaim belhat, insait long belhat man i lukautim olgeta kantri, wantaim kalabus ol i no inap long stap fri. ⁷ Olgeta hap graun i malolo na i no mekim nois; ol i stat amamasim dispela dei wantaim song. ⁸ Na tu ol diwai sipres i amamas long yu wantaim diwai sida bilong Lebanon; ol i tok, 'taim yumi i stap daunbilo tru, nogat wanpela sap samting bilong katim diwai i kam antap long katim yumi i go daun.' ⁹ Ples Tudak daunbilo i gat bikpela laik long bungim yu taim yu go long hap. Em kirapim ol man i dai pinis i kam beken long yu, em i mekim olgeta king bilong graun i lusim sia king na kirap, olgeta king bilong olgeta hap kantri. ¹⁰ Olgeta bai toktok long yu na i tok, 'strong bilong yu i go daun pinis olsem mipela. Yu kamap wankain olsem mipela pinis. ¹¹ Biknem bilong yu wantaim nois bilong string gita i go daun pinis long ples Tudak. Ol liklik waitpela binatan olsem sinek bai i go antap long yu na ol sinek i stap insait long graun i karamapim yu pinis.' ¹² Yu pudaun olsem wanem long heven, sta bilong dei taim, pikinini man bilong monin! Olsem wanem na yu kam daun olgeta long graun na yu daunim olgeta kantri i kam aninit long yu! ¹³ Yu tok insait long bel bilong yu na i tok, 'bai mi go antap long heven, bai mi liptimapim sia king bilong mi i go antap long ol sta bilong God na bai mi sidaun antap long maunten blong ol manmeri long hap i go olsem long not. ¹⁴ Bai mi abrusim ol kilaut i go antap moa yet, bai mi i stap wankain olsem God em i Antap Tru.' ¹⁵ Tasol bai yu i go daun long ples Tudak, long hul i go daun tru. ¹⁶ Ol man bai lukluk strong long yu na bai ol i tingim yu. Ol bai i tok, 'em dispela man i save mekim graun i guria na mekim ol kantri i seksek, ¹⁷ man husait i save mekim graun i kamap ples nating, man husait i bagarapim na daunim olgeta biktaun na i no larim ol kalabus manmeri bilong em i go long haus?' ¹⁸ Olgeta king bilong olgeta hap kantri i kam brukim skru long givim biknem, wanwan bilong ol long matmat bilong ol yet. ¹⁹ Ol i rausim yu long matmat na tromoim yu i go longwe olsem wanpela han bilong diwai. Dai i karamapim yu olsem klos, ol lain bainat i sutim, ol i go daun long hul pulap long ol ston. ²⁰ Yu i no inap i stap wantaim ol man bai ol planim ol long graun, bilong wanem yu bagarapim graun bilong yu na kilim i dai manmeri bilong yu. Nem bilong ol pikinini lain bilong ol man husait i save mekim pasin nogut bai i no inap stap." ²¹ Yu redi long kilim i dai ol pikinini lain, long sin bilong ol tumbuna papa laim i bin mekim, long bai ol i no ken kirap na kisim graun na pulapim dipela olgeta hap graun wantaim ol biktaun. ²² "Bai mi kirap na mekim birua wantaim ol" God Yawe bilong olgeta samting i tok. "Bai mi rausim nem bilong ol long Babilon, ol tumbuna pikinini lain na ol pikinini lain bai kam bihain tu" God Yawe i tok. ²³ "Bai mi mekim ples bilong dispela meri kamap ples bilong pisin aul bilong nait na tu mekim em i kamap raun wara, bai mi rausim dispela meri wantaim bikpela bagarap" God Yawe bilong olgeta samting i tok. ²⁴ God Yawe bilong olgeta samting i mekim tok promis, "Em tru olsem wanem tingting mi gat, em bai i kamap na wanem as tingting mi gat, em bai sanap olsem. ²⁵ Bai mi bagarapim Asiria long graun bilong mi yet na bai mi krukutim em i go daun long lek bilong mi long ol maunten bilong mi. Bai mi rausim hap palang i stap antap long ol na rausim hevi i stap long solda bilong ol." Hevi bilong hap palang i stap antap long solda bilong ol bai mi rausim." ²⁶ Dispela em i tingting i stap olsem long wanem bai kamap long olgeta hap bilong graun, dispela han bai mi apim i go i kam long olgeta hap kantri. ²⁷ God Yawe bilong olgeta samting i mekim dispela tingting, husait bai inap long pasim em? Taim em i apim han bilong em, husait bai inap long rausim han bilong em? ²⁸ Long dispela yia king Ahas i dai pinis, dispela toktok i kam. ²⁹ Noken tru amamas, yupela ol Pilistia, olsem stik i bin paitim yupela i bruk pinis. Bilong wanem posin sinek bai kam aut long narapela sinek, dispela pikinini em i karim bai kamap sinek nogut bilong flai olsem paia i lait. ³⁰ Namba wan pikinini bilong ol turangu man bai mekim ol sipsip i kaikai gutpela gras, ol lain i sot long samting bai i stap gut na i no nap painim hevi. Bai mi kilim yu i dai long hap yu i stap long en wantaim bigpela hangre na kilim i dai olgeta manmeri bilong yu i stap laip. ³¹ Pilim pein na singaut, dua, krai bikpla, biktaun, olgeta bai kamap olsem wara na lus pinis, Pilistia. Hap long sait not kilaut bilong simuk bai i kam na bai nogat man bai lusim lain bilong em na i go lus. ³² Olsem wanem bai ol inap long harim tok bilong man bilong karim toksave bilong dispela kantri? "God Yawe i painim Saion pinis, insait long dispela meri tasol ol manmeri bilong em i bagarap pinis bai painim gutpela sidaun."