13 ¹ Toksave bilong Babilon olsem Aisaia pikinini man bilong Amos i kisim; ² Long maunten i nogat samting long en ol i sanapim flek bilong soim sain, singaut bikpela long ol na tromoi han long ol long i kam insait long dua bilong ol lida man. ³ Mi bin tokim ol gutpela man bilong mi, yes, mi bin singautim ol strongpela man bilong mi long kilim ol na pinisim belhat bilong mi, na ol ami bilong mi bai i amamas wanem ol i mekim. ⁴ Ol nois bilong planti lain insait long maunten, dispela em nois bilong planti lain man bilong pait! Na singaut bilong planti lain grup man long kingdom olsem plati biktaun man i bung wantaim! God Yawe i gat olgeta strong i bungim ol Ami bilong pait. ⁵ Ol i kam long kantri istap longwe tru na abrusim mak bilong graun tu. Em God Yawe skelim ol samting bilong em wantaim na bagarapim olgeta hap graun. ⁶ Ol singaut i go long wanem de bilong God Yawe em i kam klostu, bagarap em kam wantaim stron bilong God Yawe. ⁷ Long dispela as olgeta han bai lus na slek, olgeta bel bilong ol bai i malomalo. ⁸ Ol bai i pret na pilim pen insait long ol olsem meri i laik karim pikinini. Ol bai lukim narapela tu i bilim pen, pes bilong ol bai olsem paia lait. ⁹ Lukim de bilong God Yawe i kam wantaim bagarap long pinisim behat, long mekim ol graun i nogut na long bagarapim ol manmeri i mekim sin long en. ¹⁰ Ol sta bilong heven i save bung na lait ol bai i no inap givim lait bilong ol. Na san bai kamap tudak yet maski em monging na mun bai i no inap lait. ¹¹ Mi bai kalabusim olgeta kantri long sin pasin nogut bilong ol. mi bai putim stop long daunim ol man i amamas na daunim ol man i no sori long ol narapela. ¹² Mi bai mekim moa bagarap long man olsem gutpela gol na olgeta kain man bai hat long painim gol stret bilong Ofir. ¹³ Long dispela as mi bai mekim Heven i lusim ples bilong en na graun bai guria na lusim ples bilong en, em laik bilong God Yawe i gat olgeta strong na bikpela belhat bilong mi long dispela de. ¹⁴ Olsem man i ronim abus olsem sipsip i no gat gras na i no gat wasman bilong em, olgeta man bai tanim na biahainim ol manmeri bilong ol yet na i go nambaut long graun bilong ol. ¹⁵ Olgeta man ol i lukim ol bai i kilim ol na olgeta man husait ol i holim ol bai i katim ol long bainat. ¹⁶ Na ol liklik pikinini bilong ol tu ol bai holim na katim ol long ai bilong ol. Na ol bai i bagarapim haus bilong ol na paulim meri bilong ol. ¹⁷ Lukim, mi redi long taim ol Midia i pait long ol, husait bai i no inap tingting long silva, ol i no inap wari long gol. ¹⁸ Ol bunara bilong ol bai pairap antap long ol yangpela man, ol bai i no inap sori long ol bebi na ol i no inap marimari long ol pikinini. ¹⁹ Orait Babilon, ol i save laikim moa long ol arapela kingdom, gutpela bilong ol tumbuna bilong ol, God bai bagarapim olsem Sodom na Gomora. ²⁰ Em bai i no inap wanpela i stap insait o istap inap long ol tumbuna i go tumbuna. Na Arab bai i no inap taitim sel bilong ol long dispela hap na ino inap ol wasman bai i kisim ol lain bilong ol i kam malolo long hap. ²¹ Tasol wel animol bilong ples drai bai i slip stap long hap. Na haus bilong ol bai pulap long ol pisin bilong nait, muruk na wel meme bai kalap nambaut long hap. ²² Hainas bai krai insait long stronpela tawa bilong ol na wel dok bai i stap insait long gutpela haus bilong king. Nau taim i kam klostu na nau dei bai i no inap weit.