12 ¹ Long dispela taim bai yu tok, ''Mi bai givim tenkyu long yu, God Yawe. Maski yu bin belhat long mi, yu bin lusim belhat bilong yu i go pinis na yu mekim gut long mi. ² Lukim, God em i man bilong kisim bek mi, bai mi bilip na mi no inap pret, long God Yawe, tru tumas, God Yawe em strong bilong mi na bai mi singim song long em. Em i kamap man bilong kisim bek mi.'' ³ Wantaim amamas yu bai pulimapim wara long hul wara na em bai kamap olsem wara bilong kisim bek. ⁴ Long dispela dei bai yu tok, ''Givim tenkyu long God Yawe na singaut long nem bilong em, tokaut long ol samting em i mekim namel long ol manmeri, sanap na tokim ol manmeri olsem nem bilong em i mas i go antap. ⁵ Singim song long God Yawe, long em i bin mekim ol bikpela samting, Ol i mas save long ol dispela samting long olgeta hap bilong ples graun.'' ⁶ Krai bikmaus na singaut wantaim amamas, yupela ol manmeri bilong Saion, long wanem Bikpela Holi God bilong Israel i stap namel long yupela.''