11 ¹ I gat wanpela nupela kru i kamap long ol lain bilong Jesi, insait long as rop bilong dispela diwai, han bilong en bai karim kaikai. ² Na Spirit bliong God Yawe i stap antap long em, em Spirit bilong gutpela tingting na save, Spirit bilong skulim man long gutpela rot na bikpela strong, Spirit bilong save long ol samting na pret bilong God Yawe. ³ Bikpela hamamas na bel bilong em bai stap long pret bilong God bikpela, em bai i no i nap skelim man long wanem ai bilong em i lukim , o skelim wanem tupela iau bilong em harim. ⁴ Tasol, em bai skelim ol rabis man na ol man i sot long samting wantaim stretpela pasin bilong em na kamapim gutpela tingting long man i daunim em yet long dispela graun. bai em i bagarapim ol man bilong graun wantaim tok i stap long maus bilong em na wantaim win long maus bilong em bai kilim ol man nogut. ⁵ Stretpela pasin bilong em bai i olsem let i pasim namel bilong em na pasin bilong bilip strong olsem let tu i raunim em. ⁶ Ol weldok bai istap gut wantaim ol sipsip na ol welpusi bai slip isi tru wantaim ol yangpela meme, ol pikinini bulmakau, ol yangpela laion na ol patpela bulmakau olgeta wantaim. Ol liklik pikinini tru bai i go paslain long ol. ⁷ Na ol bulmakau na ol bea bai pas gut na kaikai wantaim na ol yangpela pikinini bilong ol i slip gut wantaim. Ol laion bai kaikai gras olsem ol bulmakau. ⁸ Liklik pikinini tru bai pilai antap long hul bilong snek na ol pikinini i lusim pinis susu bilong mama bai putim han bilong ol long hul bilong ol posin snek. ⁹ Ol bai i no i nap kisim hevi o bagarap long maunten holi bilong mi, long dispela pasin tasol, dispela graun bai i pulap long save bilong God Yawe, olsem wara i karamapim solwara. ¹⁰ Na long dispela dei,ol lain tumbuna bilong Jesi bai stap olsem mak bilong olgeta manmeri. Olgeta manmeri bai wok long painim em na ples malolo bilong em bai i gat bikpela lait. ¹¹ Na long dispela dei, God bikpela bihain bai surukim han bilong em long oraitim gen ol liklik lain manmeri bilong em husat i stap yet long Asiria, Isip, Patros, Kus,Elam, Sinar. ,Hamat na olgeta ailan long solwara. ¹² Em bai putim kamap wanpela sain bilong olgeta manmeri na bai bungim ol lain Israel istap autsait long lain bilong ol yet na ol Juda i stap nabaut nabaut long 4-pela kona bilong graun. ¹³ Em bai i senisim olgeta tingting nogut bilong ol Epraim na bel hevi bilong ol Juda tu bai pinis olgeta. Epraim bai no i nap tingting nogut moa long Juda na Juda tu i no i inap bel hevi long Epraim. ¹⁴ Tasol ol bai hariap tru i go daun long ol maunten bilong ol Pilistia long hap san i go daun na ol bai i bagarapim ol manmeri long hap san i kamap. Ol bai i go pait wantaim ol Edom na Moab na ol manmeri bilong Amon bai bihainim tok bilong ol. ¹⁵ God Yawe bai pinisim tru na bagarapim olgeta lain long basis bilong solwara bilong Isip. Wantaim hatpela win em bai hapim han bilong em i go antap long bikpela wara Yupretis na bai tilim wara igo long 7-pela han wara, olsem bai ol ken brukim wara long sendal i stap long lek bilong ol. ¹⁶ Long dispela hap ples bai i gat bikpela rot bilong ol liklik lain manmeri bilong God we ol i kam bek long Asiria, wankain tasol ol Israel bipo i kam long graun bilong Isip.