8
1
''Winim biugel long maus bilong yu! Wanpela tarangau i kam long haus bilong God Yawe, bilong wanem ol manmeri bilong mi i brukim tok kontrak na givim baksait long lo bilong mi.
2
Ol i krai long mi olsem, 'God bilong mipela, mipela ol manmeri bilong Israel i save long yu.'
3
Tasol Israel i no laik long mekim gutpela pasin olsem na ol birua bai bihainim em.
4
Ol i putim ol king tasol i no long tingting bilong mi. Ol i makim ol pikinini man bilong king tasol i no wantaim save bilong mi. Wantaim ol silva na gol bilong ol, ol i mekim dispela ol pasin long ol bai i kisim bagarap.
5
Samaria, mi no laikim ol bulmakau bilong yu. Belat bilong mi i olsem paia i lait antap long ol dispela manmeri. Hamaspela taim ol bai stap wantaim pasin nogut?
6
Dispela ol god giaman i kam long Israel, God Yawe i no wokim ol dispela god giaman, em ol wokman i mekim na em i no God! Olsem na god giaman bilong Samaria bai bruk i go liklik, liklik.
7
Long wanem ol manmeri i planim win na ol i kamaut strongpela win. Wit i sanap i nogat het bilong en, em i no save karim gut kaikai. Sapos em i kamap bikpela, ol man long narapela hap bai bagarapim ol.
8
Ol i daunim Israel, olsem na Israel i stap long olgeta hap long kantri olsem ol lain i nogat wok long en.
9
Ol i go antap long Asiria olsem ol wel donki long laik bilong em yet. Efrem i baim ol man long narapela hap long helpim em.
10
Maski taim ol i baim ol man long ol narapela kantri, nau mi bai bungim ol wantaim. Ol bai stat long bagarap, long wanem ol i bihainim pasin nogut bilong ol pikinini man bilong king.
11
Long wanem Efrem i gat planti ol alta bilong mekim ofa, tasol ol i kamap olsem alta bilong mekim pasin nogut.
12
Mi inap long raitim lo bilong mi long helpim ol 10 000-pela taim tasol ol bai i lukim olsem samting ol i no save long en.
13
Long sekrifais ol i mekim olsem ofa long mi, ol i mekim sekrifais long mit na kaikaim ol, tasol mi God Yawe i no save kisim dispela ofa. Nau mi bai mekim save long ol pasin nogut bilong ol na ol bai i go bek long Isip.
14
Israel i lusim tingting long mi, man i mekim ol na wokim ol haus king. Juda i mekim strongpela banis long ol biktaun, tasol mi bai salim paia long ol biktaun na em bai bagarapim olgeta samting bilong ol.