12
1
Efreim i save bihainim win bilong hap sankamap. Olgeta de em i save giaman na mekim nogut long ol arapela man. Ol i mekim kontrak wantaim Asiria na karim oliv wel i go long Isip.
2
God Yawe i gat wanpela kot tu bilong bagarapim ol Juda na em bai mekim nogut long Jekop long wanem samting em i bin mekim, em bai i bekim pe long ol pasin nogut bilong em.
3
Insait long bel bilong mama, Jekop i holim strong lek bilong brata bilong em na long taim em i kamap bikpela man, em i pait wantaim God.
4
Em i pait wantaim ensel na winim em. Em i krai na askim long blesing bilong em. Em i bungim God long Betel na long dispela hap God i toktok wantaim em.
5
Dispela em i God Yawe, em God i gat olgeta strong, bai yumi i kolim em olsem.
6
Olsem na tanim i go bek long God bilong yupela. Holim strong bilip bilong yupela na bihainim ol lo na wetim God bilong yupela long olgeta de.
7
Ol man bilong wok bisnis i save giaman na skelim ol samting long han bilong ol yet na ol i laikim tumas long giamanim ol man i kam salim samting long ol.
8
Efreim i tok, ''Bai mi i gat planti samting tru, mi bin painim ol moni samting bilong mi yet. Long olgeta wok mi mekim ol bai i no inap painim wanpela asua bilong mi na wanem samting em i olsem sin mi bin mekim.''
9
"Mi God Yawe, God bilong yupela long graun bilong ol Isip. Bai mi mekim yupela i stap insait long ol haus sel wankain olsem long taim bilong mekim pati na amamas ol i bin makim.
10
Mi bin toktok long ol profet na givim planti driman bilong yupela long ol. Long maus bilong ol profet bai mi mekim ol tok bokis.
11
Sapos i gat ol man bilong mekim pasin nogut i stap long Gileat, tru tumas ol dispela man i nogat wok bilong ol. Long Gilgal ol i mekim ofa wantaim ol bulmakau na ol alta bilong ol bai luk olsem ol man i bungim ol ston insait long ol bikpela baret i stap long ol hap graun.
12
Jekop i ranawe i go long graun bilong ol Aram, Israel i wok long wanem em i laik maritim wanpela meri olsem na em i lukautim planti sipsip bilong baim meri bilong em.
13
God Yawe i kisim ol Israel i go aut long Isip long han bilong wanpela profet na long han bilong dispela profet em i was long ol.
14
Efreim i bin mekim God Yawe i belhat nogut tru long em. Olsem na Bikpela bilong em bai lusim em wantaim blut bilong em yet na givim baksait long em bilong wanem em i bin sakim tok.