10 ¹ Ol lo bilong Moses em i piksa tasol long gutpela samting bai kam, em i no ol samting tru bilong ol yet. Husait manmeri i kam klostu long God bai no inap long kamap stret long wanpela ofa ol pris i save bringim long wanwan yia long olgeta taim. ² Nogut, ol dispela ofa bai i pinis olgeta? Sapos dispela ofa God bai rausim sin na ol lotu lain i kamap klin long sin wanpela taim na i no inap long luksave long sin. ³ Tasol ol dispela ofa i save bringim tingting bilong sin olgeta yia. ⁴ Blut bilong bulmakau na sipsip i no inap tru long rausim sin. ⁵ Taim Krais i kam long dispela graun, em i tok, "Ofa mi no laikim tumas, tasol wanpela bodi yu redim pinis bilong mi. ⁶ Long narapela tingting, I no long olgeta ofa long paia na ofa long pinisim sin yu save amamas long em." ⁷ Na mi tok olsem, "Lukim, Mi kam kamap nau, olgeta tok i stap long buk bilong God em i stretpela tok long mi, long kamapim tok na laik bilong yu." ⁸ Em i tok namba wan taim, "I no long ofa, o long ofa long paia, o long ofa bilong sin yu laikim, o yu save amamas long ol dispela ol samting. Dispela em ol ofa i save bihainim lo." ⁹ Na bihain em i tok;" Lukim, mi stap nau long bihainim tingting na laik bilong yu." Em rausim namba wan pasin bilong stap gut na kamapim namba tu pasin bilong stap gut. ¹⁰ Long dispela tingting na laik bilong God, yumi kamap stret pinis long ofa long bodi bilong Jisas Krais wanpela taim na pinisim olgeta. ¹¹ Ol pris i save sanap wanwan de long mekim wok bilong God. Em i save kisim wankain ofa tasol, tasol ol i no save rausim sin, ¹² tasol Krais i mekim wanpela ofa tasol long rausim sin olgeta, na em i sindaun pinis long han sut bilong God. ¹³ Em i wet i stap long lukim ol birua bilong em i kamap long lek bilong em olsem sia bilong putim lek antap. ¹⁴ Long wanpela ofa tasol em stretim olgeta lain husait God i makim pinis bilong em. ¹⁵ Holi Spirit i tok aut pinis long yumi. Long namba wan taim em i tok pinis. ¹⁶ "Dispela em kontrak mi bai mekim wantaim ol long dispela taim, Bikpela i tok. Mi bai putim lo bilong mi long bel bilong ol, na mi bai raitim long tingting bilong ol. ¹⁷ Mi no inap moa tingim na holim sin bilong ol. ¹⁸ Nau long pasin bilong lusim rong bilong ol narapela, em bai nogat moa ofa bilong rausim sin. ¹⁹ Olsem na ol brata, yumi noken pret na tingting planti long go long ples holi wantaim blut bilong Jesus. ²⁰ Dispela nupela rot i gat laip Krais i opim long yumi long bodi bilong em taim laplap i pasim ples holi i bin bruk. ²¹ Long wanem, yumi gat wanpela bikpela het pris long was long haus bilong God, ²² Olsem na yumi kam wantaim stretpela bel na strongpela bilip, na tingting bilong yumi mas i stap klin long olgeta tingting nogut, na klinpela wara i ken wasim bodi bilong yumi. ²³ Yumi holim gut tok bilong yumi na wanem samting bel bilong yumi i laikim long em, noken pret, long wanem, God husait i givim promis, em bai kamapim dispela tok promis. ²⁴ Yumi mas tingting long kirapim bel na tingting bilong ol narapela long laikim ol narapela manmeri na long mekim gutpela pasin. ²⁵ Yumi noken lusim pasin bilong bung wantaim, olsem ol narapela lain manmeri i save mekim. Yumi mas helpim ol narapela moa yet, long wanem, de bilong Krais i wok long kam klostu . ²⁶ Na sapos yumi save yet na go het na mekim sin taim yumi kisim tok tru pinis, orait ofa bilong sin bai i no inap stap moa. ²⁷ Long senisim dispela, i gat bikpela kot bilong God i wetim yumi i stap, na bikpela paia bai bagarapim ol birua bilong God. Orait, ofa bilong sin i no moa wok. ²⁸ Husait manmeri i no bihainim lo bilong Moses ol i dai na nogat marimari i bin stap taim tupela o tripela man i tokaut long sin bilong ol. ²⁹ Wanem kain bikpela kot bai yu tingim, ol manmeri bai kisim sapos ol i daunim na bagarapim pikinini man bilong God na mekim kontrak olsem samting nating na dispela blut i stret na klinim ol na tok nogut long spirit bilong marimari? ³⁰ Yumi save long dispela tok ,"Belhat na pasin bilong bekim bek rong em bilong mi." Na em i tok tu olsem, "Bikpela bai skelim ol manmeri bilong em." ³¹ Em i bikpela samting long pret long pundaun insait long han bilong God i gat laif! ³² Tasol tingim taim bipo, taim tingting bilong yu i kamap klia, taim yu sanap strong na winim bikpela pen na hevi. ³³ Yu stap ples klia long olgeta lain taim ol i bagarapim yu, ol i tok nogut na mekim kainkain pasin nogut long yu, na yu skelim ol samting wantaim olgeta manmeri i stap long wankain hevi. ³⁴ Yu gat bel sori long ol lain husait i stap long kalabus, yu amamas tasol taim ol man i mekim nogut na kisim ol samting bilong yu. Long wanem, yu luksave olsem yu gat gutpela na bikpela ol samting i stap oltaim oltaim. ³⁵ Olsem na i noken lusim bilip bilong yu, dispela bilip i gat bikpela pe. ³⁶ Yu mas stap bel isi, na yu bai kisim promis bilong God, taim yu wokim pinis laik na tingting bilong God. ³⁷ "Klostu taim nau, husait bai kam long em, em bai kam klostu na em no inap long wet longpela taim. ³⁸ Ol stretpela manmeri bilong mi bai stap long bilip tasol. Tasol sapos em i surik bek na lusim bilip mi no inap long amamas long em. ³⁹ "Tasol yumi i no bilong ol lain manmeri husait i save suruk bek na bagarap. Tasol yumi ol lain husait i save holim bilip strong na lukautim bel bilong yumi.