4 ¹ Adam i bin slip wantaim meri bilong en Iv. Meri i gat bel na karim Ken. Meri i tok, "Mi kamapim pikinini man wantaim helpim bilong Yahweh." ² Na bihain meri i karim brata bilong en Ebel. Na Ebel i kamap olsem wasman bilong sipsip, tasol Kein i wok long graun na mekim ol gaden. ³ Wanpela taim i kamap, na Kein i kisim ol sampela kaikai bilong gaden i kam bilong givim ofa i go long Yahweh. ⁴ Na Ebel tu i kisim ol sampela pat-pela sipsip, na em i kam bilong mekim ofa. Yahweh i amamas long Ebel na ofa bilong en, ⁵ tasol Kein i kisim ofa bilong God, tasol em i no amamas. Na Kein i belhat nogut tru, na pes bilong en i senis. ⁶ Yahweh i tokim Kein, "Bilong wanem yu belhat na pes bilong yu i senis? ⁷ Sapos yu mekim samting stret, mi bai amamas long yu? Tasol sapos yu no mekim samting i no stret, oriait sin bai daunim yu long haus dua bilong yu na i laik bosim yu, tasol yu mas strong long abrusim dispela." ⁸ Kein i tokim brata bilong en, Ebel. Dispela i kamap taim tupela i bin stap long ples bilong wok, na Kein i kirap na kilim brata bilong en Ebel. ⁹ Na Yahweh i askim Kein, "We stap brata bilong yu Ebel?" Na em i tok, "Mi no save. Mi wasman bilong brata bilong mi ah?" ¹⁰ Yahweh i tok, "Yu mekim wanem samting? Blut bilong brata bilong yu i singaut i kam long mi long graun. ¹¹ Nau, bagarap i kamap pinis antap long graun,em i opim maus bilong em long kisim blut bilong brata bilong yu long han bilong yu. ¹² ''Taim yu brukim graun, graun bai i no gat gris bilong en, na em bai i no inap karim gutpela kaikai. Na yu bai i stap olsem man i nogat as ples bilong en, na yu bai raun olsem trip man long dispela graun." ¹³ Kein i tokim Yahweh olsem, "Hevi bilong mi em i bikpela tumas long mi long karim. ¹⁴ I olsem long dispela de, yu rausim mi long dispela graun mi stap long en, na mi bai hait long pes bilong yu. Mi bai stap olsem man i nogat as ples bilong em, na raun nating tasol long graun, na ol man i lukim mi bai ol i kilim mi." ¹⁵ Yahweh i tokim em, "Sapos wanpela man i kilim yu, orait bai mi bekim asua bilong em 7-pela taim." Na Yahweh i putim wanpela mak long Kein, taim wanpela man i painim em, dispela man bai i no inap kilim em. ¹⁶ Olsem na Kein i lusim Yahweh na i go stap long graun ol i kolim Not, long hap san kamap long Iden. ¹⁷ Kein i slip wantaim meri bilong en, na meri bilong en i gat bel. Na em i karim Inok. Kein i wokim wanpela taun na kolim nem bilong dispela taun olsem, Inok. ¹⁸ Inok em i papa bilong Irad. Irad em i papa bilong Mehusael. Mehusael em i papa bilong Metusael. Metusael em i papa bilong Lamek. ¹⁹ Lamek maritim tupela meri, nem bilong wanpela em Ada, na nem bilong narapela em Sila. ²⁰ Adam i karim Jabal. Jabal em i tumbuna bilong ol man i save lukautim ol bulmakau na i stap long haus sel. ²¹ Nem bilong brata bilong en Jubal. Em i papa bilong ol man i save mekim musik long gita na mambu. ²² Na long Sila, em i karim Tubal Kein, em i man bilong mekim ol kain samting olsem bras na ain. Sista bilong Tubal Kein em Nama. ²³ Lamek i toktok long tupela meri bilong en, "Ada na Sila. Yutupela harim tok bilong mi, yutupela meri bilong mi Lamek, harim wanem samting mi tok long en. Wanpela yangpela man i bin paitim mi na mi bin kilim em i dai pinis. ²⁴ Longpela taim i go pinis, God i tok, ''Sapos wanpela man i kilim Kein, orait God bai bekim asua bilong en i nap 7-pela taim. Na sapos man i kilim Lamek, God bai bekim dispela asua bilong en tu inap long 77 taim.'' ²⁵ Adam i bin slip wantaim meri bilong en gen, na meri bilong em i karim narapela pikinini man gen. Em i kolim nem bilong em Set na i tok, "God i givim mi narapela pikinini bilong kisim ples bilong Ebol,we Kein i bin kilim em i dai. ²⁶ Na long Set, wanpela pikinini man i kamap, na Set i kolim em Enos. Long dispela taim ol manmeri i stat long lotu long nem bilong Yahweh.