3 ¹ Moses i wok yet long lukautim lain sipsip bilong Jetro tambu bilong em husait i pris bilong Midian. Moses i bringim ol sipsip i go longwe long ples nating na kamap long Horeb, maunten bilong God. ² Na ensel bilong God Yawe i kamap long Moses olsem paia lait antap long liklik bus. Moses i lukim paia i lait long bus,tasol paia i no kukim bus. ³ Moses i tok, "bai mi tanim na lukim narakain samting i kamap, bilong wanem na paia i no kukim bus. ⁴ Taim God Yawe i lukim olsem Moses i tanim pinis long lukluk, God Yawe i singautim em long liklik bus na i tok, "Moses, Moses'' Na Moses i tok, "Mi stap hia." ⁵ Na God i tok olsem, '' Noken kam klostu! Rausim ol su long lek bilong yu, ples we yu sanap antap long en, em i holi graun na em i bilong mi yet.'' ⁶ Em i tok moa olsem, "Mi God bilong ol papa bilong yupela, Mi God bilong Abraham na God bilong Aisak na God bilong Jekop." Na Moses i karamapim pes bilong em, long wanem em i pret long lukim pes bilong God. ⁷ God Yawe i tok olsem, "Mi lukim tru pen ol manmeri bilong mi i stap long Isip i karim. Mi harim pinis krai singaut bilong ol long wanem ol bosman bilong ol tasol, na Mi save long pen ol i karim. ⁸ Mi kam daun long rausim ol long kalabus na long bringim ol i kam antap long dispela graun na kisim ol igo insait long gutpela na bikpela graun, em graun i pulap tru long milk na hani, insait long bikpela ples bilong ol Kena, Hit, Amo,Peris, Hiv, na ol Jebus. ⁹ Na krai singaut bilong ol manmeri bilong ol Israel em kam pinis long mi. Mi lukim pinis planti bagarap ol i kisim long han bilong ol Isip. ¹⁰ Nau yet bai mi salim yu i go long Fero na bai yu bringim ol manmeri bilong mi, ol Israel, i kam aut long Isip." ¹¹ Tasol Moses i tokim God olsem, "Mi husait, na bai mi go long Fero na bringim ol lain Israel i kam aut long Isip.?'' ¹² God i bekim tok olsem, "Tru tumas bai mi stap wantaim yu.Na dispela bai wanpela mak bilong yu olsem Mi bin salim yu Taim yu bringim ol manmeri i kam ausait long Isip pinis, yupela bai lotu long mi long dispela maunten." ¹³ Moses i tokim God olsem,"taim mi go long ol lain Israel na tokim ol olsem,"God bilong ol lain tumbuna bilong yupela em i salim mi kam long yupela,'' na taim ol i askim mi, ''Wanem em nem bilong em?'' Bai mi tok wanem long ol?" ¹⁴ God i tokim Moses olsem, "MI EM MI YET, " God i tok. ''Yu mas tokim ol lain Israel olsem,"MI YET'' salim mi kam long yupela. ¹⁵ God i tokim Moses tu olsem, "Yu mas tokim ol lain Israel olsem, ''God Yawe, em God bilong ol lain tumbuna bilong yupela, em God bilong Abraham, em God bilong Aisak, na em God bilong Jekop, em i salim mi i kam long yupela. Dispela em i nem bilong mi oltaim oltaim, na olgeta lain tumbuna i kam bihain bai ol i kolim mi long dispela nem.'' ¹⁶ Go na bungim olgeta hetman bilong ol lain Israel wantaim.Tokim ol olsem,''God Yawe, em God bilong ol tumbuna bilong yupela, em God bilong Abraham, na bilong Aisak, na bilong Jekop em i bin kamap ples klia long mi na i tok olsem, "Tru tumas mi lukim pinis yupela na olgeta samting ol mekim long yupela long Isip. ¹⁷ Ol i bin daunim yupela nogut long Isip na mi bin promis long bringim yupela i kam antap na go long graun bilong ol Kenan,Hitai,Amo,Peris,Hivai na Jebus,em graun pulap tru long milk na hani."' ¹⁸ Ol bai i harim yu.Yu na ol hetman bilong Israel i mas i go long King bilong Isip, na yupela i mas tokim em,'' God Yawe, em God bilong ol Hibru, em i bin bung wantaim mipela pinis. Olsem na larim mipela i wokabaut 3-pela de long ples nating, olsem mipela i ken mekim ofa, long God Yawe bilong mipela.' ¹⁹ Tasol mi save olsem King bilong ol Isip bai i no inap larim yupela i go, inap mi yet bai kirapim em long mekim olsem. ²⁰ Mi bai pait wantaim ol Isip long olgeta mirakel han bilong mi bai i mekim namel long ol. Bihain long dispela samting em bai larim yupela i go. ²¹ Mi bai mekim bel gut bilong mi long ol dispela lain man meri na taim ol i lusim Isip na i go, ol bai i no nap i go han nating. ²² Olgeta meri bai askim long ol silva na gol, ol naispela ston na ol klos bilong ol Isip i stap klostu long ol na long ol narapela ol meri nabaut tu ol i stap insait long ol haus bilong ol Isip. Na bai yupela i putim ol dispela klos long ol pikinini man na pikinini meri bilong yupela. Long dispela pasin bai yupela i rausim olgeta samting bilong ol Isip.