20 ¹ God i mekim olgeta dispela tok, ² "Mi God Yawe bilong yupela, husait i bin kisim yupela i kamaut long graun bilong Isip, long haus kalabus na hatwok. ³ Yu mas i nogat arapela god i kisim ples bilong mi. ⁴ Yu mas noken wokim wanpela piksa bilong man long diwai o wankain samting i stap antap long heven, o ol samting i stap aninit long graun na ol samting aninit long wara. ⁵ Yu mas noken brukim skru i go long ol na lotu long ol, mi God Yawe bilong yupela, mi God bilong jeles. Long sin bilong ol tumbuna lain mi givim hevi long ol pikinini i kamap bihain long 3-pela na long 4-pela lain tumbuna, husait i les long mi. ⁶ Tasol mi soim tok promis na stap tru long tok bilong mi long planti tausen manmeri husat i save laikim mi na bihainim ol lo bilong mi. ⁷ Yu mas i noken kolim nem bilong God Yawe nating tating. Mi no inap pasim belhat bilong mi long husait i kisim nem bilong mi long giaman pasin. ⁸ Tingim dei Sabat na lukautim dispela dei i holi. ⁹ Yu i mas hatwok na mekim olgeta wok long 6-pela dei. ¹⁰ Tasol namba 7-dei em i Sabat dei bilong God Yawe. Long dispela dei yupela i noken mekim wanpela wok, yu na pikinini man na meri bilong yupela na ol wokboi na wokmeri na ol bulmakau na man long narapela kantri, husait i stap wantaim yu. ¹¹ Long 6-pela dei Yawe i wokim heven na graun na solwara na olgeta samting i stap insait long en. Na em i malolo long namba 7-dei. Olsem na Yawe i blesim Sabat dei na mekim i kamap holi. ¹² Aninit long papa na mama bilong yu na bai yu stap longpela taim long dispela graun, God Yawe, i givim yupela. ¹³ Yupela ino ken kilim man i dai. ¹⁴ Yupela i mas noken mekim pasin pamuk. ¹⁵ Yupela i mas i noken stil long wanpela man. ¹⁶ Yupela i noken tok giaman long ol lain i stap klostu long yupela. ¹⁷ Yu mas noken mangal long haus bilong narapela na noken mangal long meri bilong narapela na ol wokboi bilong en na ol wokmeri bilong en na ol bulmakau bilong en na ol donki bilong en o arapela samting bilong em." ¹⁸ Olgeta lain i lukim klaut i pairap na lait bilong klaut na ol i harim bigul i krai na ol i lukim maunten i smuk. Ol manmeri i lukim na ol i guria na sanap longwe tru. ¹⁹ Ol i tokim Moses, "Yu toktok na bai mipela i harim yu, noken larim God i toktok long mipela, nogut bai mipela i dai.'' ²⁰ Moses i tokim ol lain manmeri, "Yupela i noken pret, God i kam long traim yumi, long wanem, yumi mas aninit long em na yumi i no ken mekim sin." ²¹ Na ol manmeri i stap longwe tru na Moses i go klostu long bikpela tudak we God i stap long em. ²² God Yawe i tokim Moses, ''Dispela yu mas tokim ol lain Israel, ''Yupela yet i bin lukim, mi stap long heven na toktok long yupela. ²³ Yupela bai i no inap mekim ol narapela god giaman long kisim ples bilong mi, olsem god ol i mekim long silva na gol. ²⁴ Yu mas wokim alta bilong mi long graun na yu mas mekim ofa bilong paia i kukim olgeta, wantaim wanbel ofa, sipsip na bulmakau. Long olgeta ples we mi bai mekim nem bilong mi bai i stap antap, bai mi kam na blesim yupela. ²⁵ Sapos yupela i mekim wanpela alta wantaim ston, noken katim na wokim. Sapos yupela i katim wantaim ol tul bilong yupela, yupela yet bai i bagarapim ol alta bilong yupela. ²⁶ Noken i go antap long alta bilong mi long lata, nogut bodi bilong yupela bai i kamap ples klia."