15 ¹ Bihain Moses na ol lain manmeri bilong Israel i singim song i go long God Yawe. Ol i singsing olsem, "Bai mi singim song i go long God Yawe, bilong wanem em i winim bikpela pait, em i tromoi ol hos na ol man sindaun long hos i go insait long solwara. ² God Yawe em i stron bilong mi na song bilong mi na em i kamap olsem helpim bilong mi. Dispela em i God bilong mi na bai mi preisim em, God bilong papa bilong mi na bai mi litimapim em. ³ God Yawe em man bilong pait, Yawe em nem bilong em. ⁴ Em i tromai karis na ami bilong Fero i go insait long solwara. Solwara bilong Rid i bin daunim ol opisa bilong Fero. ⁵ Na dip i karamapim ol na ol i go ananit tru long dip olsem ston. ⁶ God Yawe, hansut bilong yu i gat stron na biknem. God Yawe, hansut bilong yu i bagarapim ol birua. ⁷ Wantaim bikpela stron yu tromai ol lain husait i kilap olsem birua bilong yu. Yu salim belhat bilong yu i go aut na em i kukim ol olsem drai gras. ⁸ Win long nus bilong yu i bungim ol wara i go antap, wara i save ron long en i sanap na bung i go antap stret na dip wara i go stron insait long namel bilong solwara. ⁹ Na ol birua i tok, "bai mi bihainim ol, bai mi abrusim ol, bai mi skelim kago bilong ol, bai mi inapim laik bilong mi antap long ol, bai mi rausim bainat na han bilong mi bai bagarapim ol." ¹⁰ Tasol yu winim win bilong yu na solwara i karamapim ol, ol i go pas ananit tru long stronpela solwara. ¹¹ God Yawe, husait em i olsem yu namel long ol god? husait em i olsem yu, yu stronpela God i holi tru, ol i litimapim biknem bilong yu na yu man bilong mekim mirakel? ¹² Yu surukim hansut bilong yu na graun i daunim ol. ¹³ Yu holim tru kontrak bilong yu na i go pas long ol manmeri yu yet yu kisim bek. Long stron bilong yu yet, yu kisim ol i go long ples holi we yu save stap. ¹⁴ Ol manmeri bai harim na bai ol i guria, olgeta lain bilong Pilistia bai pret nogut tru. ¹⁵ Olgeta bikman bilong Idom bai pret, ol soldia bilong Moap bai seksek na olgeta hap bilong Kenan bai malomalo stret. ¹⁶ Bikpela poret bai pudaun antap long ol. Long stron bilong han bilong yu, ol bai stap isi olsem ol ston inap ol lain manmeri bilong yu i kam go, God Yawe, ol manmeri yu bin kisim bek ol bai kam go . ¹⁷ Yu bai kisim ol na planim ol antap long maunten bilong yu stret, long dispela ples, God Yawe, yu yet yu wokim long stap long en, em i holipela ples, bikpela bilong mipela, em han bilong yu yet i mekim. ¹⁸ God Yawe bai stap oltaim oltaim." ¹⁹ Tru tumas ol hos wantaim karis bilong Fero na ol man i save sidaun antap long hos i go insait long solwara. God Yawe i bungim solwara kam bek ken antap long ol. Tasol ol lain Israel i bin wokabaut long graun drai insait long namel long solwara. ²⁰ Miriem, meriprofet na susa bilong Aron i kisim tambarin na olgeta meri i kisim tambarin i go aut na danis wantaim em. ²¹ Miriem singsing i go long ol olsem, "Singsing i go long God Yawe, em i daunim ol birua na winim pait. Ol hos wantaim ol man i save sindaun antap em i tromai ol i go insait long solwara. ²² Moses i kisim ol lain Israel na ol i lusim solwara long Rids na ol i bin go yet. Ol i bin go aut long ples drai long Sur. Ol i bin go yet long tripela dei long ples drai na ol i no painim wara. ²³ Na ol i bin kam kamap long Mara tasol ol i no inap drigim wara long hap long wanem wara i bin pait. Olsem na ol i kolim dispela ples Mara. ²⁴ Olsem na ol manmeri i toktok planti i go long Moses na i tok, bai mipela drin wanem? ²⁵ Moses i bin krai i go long God Yawe na God Yawe i sowin em wanpela diwai. Moses i bin tromoi dispela diwai i go insait long wara na dispela wara i kamap swit long drin. Long dispela hap tasol God Yawe i bin givim stronpela lo na long dispela hap em i bin traim ol. ²⁶ Em bin tok, sapos yu harim gut tok bilong Yawe God bilong yu na mekim wanem samtin em i gutpela long ai bilong em na sapos yu givim iyau long toktok na bihainm gut olgeta lo, mi bai i no inap putim ol kainkain sik mi bin putim antap long ol lain Isip, long wanem mi God Yawe husait save oraitim yu. ²⁷ Na ol manmeri i bin kam long Elim, long hap i bin gat 12-pela liklik wara na mak long 70 diwai pam na ol i bin kemp arere long wara.