21 ¹ Sapos wanpela man ol i kilim em na dai i stap long dispela graun God Yawe i promis long givim yupela, na nogat wanpela man i save long husait i kilim em, ² orait ol man husait i save skelim kot wantaim ol bikman bilong yupela i mas i go long ol dispela biktaun i stap klostu long hap dai i kamap, na painim aut dai bilong dispela man. ³ Orait ol bikman long dispela biktaun i stap klostu long hap dispela man i dai na stap, ol i mas kisim wanpela bulmakao i no bin karim hap diwai na mekim wok. ⁴ Ol i mas pulim dispela bulmakao i go daun long wanpela ples daun lo wara i save ron. Long dispela ples daun, i nogat wanpela man i bin wokim gaden yet long en. Long dispela hap, ol i mas katim nek bilong bulmakao. ⁵ Ol pris insait long pikinini lain bilong Levi i mas kam aut, long wonem God Yawe i makim ol pinis long mekim wok bilong en, na mekim gut wok long nem bilong God Yawe, na long skelim tok billong ol manmeri long stretim hevi kamap namel long ol. ⁶ Na olgeta bikman husait ol i stap klostu long dispela man i dai pinis, ol i mas wasim han bilong ol antap long dispela bulmakao ol i katim nek bilong en na stap long dispela ples daun, ⁷ na ol i mas tok aut olsem, 'Blut bilong dispela man ino pas long han bilong mipela na ai bilong mipela i no lukim tu. ⁸ God Yawe, lusim wrong bilong manmeri bilong yu Israel, em yu bin kisim bek ol, na yu noken putim asua long mipela ol manmeri bilong yu Israel.' ⁹ Sapos yupela i mekim olsem long ai bilong God Yawe, bai yupela i nogat asua. ¹⁰ Taim yupela i go long pait wantaim ol birua bilong yupela, na God Yawe, God bilong yupela i putim ol birua long han bilong yupela na yupela i kisim ol i go olsem kalabus. ¹¹ Sapos yupela lukim wanpela gutpela meri namel long ol na i laikim dispela meri long maritim em, ¹² orait em i ken kisim em i go long haus bilong en, dispela meri bai katim grass bilong en na katim pinga kapa bilong en. ¹³ Orait em bai rausim klos em i putim taim ol i kisim em olsem kalabus, em bai stap long haus bilong yu na krai na sori long papamama bilong en inap long wanpela mun. Orait bihain yu i ken slip wantaim em na stap man bilong em na em bai kamap meri bilong yu. ¹⁴ Tasol, sapos yu i no painim hamamas long stap wantaim dispela meri, orait yu ken lusim dispela meri i go long wonem hap em i laik long go long en. Noken salim em long moni, na yu noken mekim pasin nogut long em olsem wanpela wok meri. Long wonem, yu givim nem nogut long em pinis. ¹⁵ Sapos wanpela man i gat tupela meri na tupela meri wantaim i karim pikinini man. Na man i laikim wanpela meri na les long narapela meri, tasol meri i karim namba wan pikinini man pastaim, em dispela meri man i les long en, ¹⁶ orait long dispela taim bilong putim olgeta samting bilong papa i go long bilong pikinini man, em bai ino inap putim olgeta samting i go long han bilong namba wan pikinini man bilong dispela meri, em i save laikim em. ¹⁷ Nogat, em i mas luksave gut long husait em kamap pastaim tru olsem namba wan pikinini, em pikinini bilong dispela meri em i save les long en. Olsem na olgeta samting papa bilong en i gat, em i mas givim em tupela taim moa. Long wonem, dispela pikinini em namba wan strong bilong papa, na em i gat dispela nem olsem, em namba wan pikinini. ¹⁸ Sapos wanpela man i gat pikinini man na em pikinini bilong bikhet nambaut na givim baksait long mama na papa bilong en, na ino save bihain tok bilong papa na mama bilong en, na tu ino save harim na bihainim tok lukaut. ¹⁹ Orait papa na mama i mas holim dispela pikinini na kisim em igo long geit bilong biktaun bilong en, na putim em long han bilong ol bikman. ²⁰ Ol i mas tokim ol bikman bilong biktaun bilong en olsem, 'Dispela pikinini man bilong mitupela, em pikinini bilong bikhet nambaut na givim baksait long mitupela, em i no inap long harim tok na bihainim, em i save drin planti na pinisim kaikai.' ²¹ Orait olgeta man long biktaun bilong en bai tromoi ston antap long em na kilim em i dai. Long dispela kain rot bai yupela rausim pasin nogut i stap namel long yupela. Taim olgeta manmeri Israel i harim dispela stori, ol i pret. ²² Sapos wanpela man i mekim wanpela pasin nogut na em inap long dai, orait ol bai kilim dispela man na hangamapim em long diwai. ²³ Noken larim dispela dai man i stap long dispela diwai wanpela nait, tasol yupela i mas planim em long dispela dei yet. Husait i hangamap long diwai long soim belhay bilong God. Bihainim lo biLong wonem, man husait i hangamap long diwai, em soim belhat bilong God.