17 ¹ Yupela i noken mekim ofa long Yawe, God bilong yupela wantaim ol bulmakau o sipsip i gat sua na bagarap i stap long em, sapos yupela i mekim olsem bai yupela i mekim pasin i no stret long ai bilong Yawe God. ² Sapos ol i lukim wanpela man o meri namel long yupela, insait long olgeta hap bilong banis dua bilong biktaun bilong Yawe God i givim yupela, olgeta man o meri husait i mekim dispela pasin i no stret long ai bilong Yawe God na bagarapim bokis kontrak bilong em, ³ sapos wanpela man o meri i bin go brukim skru na lotu long wanpela god giaman, olsem long san, mun, o araplea ol samting i stap long heven- em mi no bin tokim yupela long mekim olsem- ⁴ na sapos ol arapela i tokim yupela long dispela pasin o sapos yupela i bin harim long ol, orait yupela i mas lukim gut na painim aut. Sapos yupela i lukim olsem em i tru na yupela i luksave long pasin nogut bilong ol Israel, em yupela i mas mekim olsem. ⁵ Yupela i mas bringim dispela man o meri, husait i bin mekim pasin nogut long banis dua bilong biktaun, kisim dispela man o meri, tromoi ston long em na kilim em i dai. ⁶ Long maus bilong tupela o tripela man husait i harim na stretim tok, em dispela man o meri i redi long dai, yupela i mas kilim em i dai; tasol sapos yupela i harim long maus bilong wanpela man i harim na stretim, yupela i noken kilim em i dai. ⁷ Han bilong husait man i harim na stretim tok i mas putim namba wan han pastaim long kilim em i dai na bihain long dispela, han bilong olgeta manmeri. Long dipela rot bai yupela i rausim ol pasin nogut i stap namel long yupela. ⁸ Sapos dispela hevi i kamap na em hatwok tru long yupela i stretim - sampela askim bilong man i kilim arapela i dai o man i bungim hevi long rot na i dai, long gutpela bilong wanpela man o gutpela bilong narapela man, ol askim bilong wanpela man i bin kisim bagarap long han bilong narapela man o bungim arapela ol hevi, olsem hevi bilong tok pait namel long dua bilong biktaun - olsem, em yupela i mas go antap long ples Yawe God bai makim olsem haus lotu. ⁹ Yupela i mas go long ol pris, em ol tumbuna lain bilong Levi na long jas husait bai i helpim yupela long dispela taim; yupela bai askim na kisim tingting bilong ol na bai ol givim yupela tok orait. ¹⁰ Yupela i mas bihain dispela lo em i bin givim long yupela long ples bilong Yawe God na em bai makim olsem haus lotu bilong em.Yupela bai was gut long mekim olgeta samting ol i soim yupela long mekim. ¹¹ Bihainim dispela lo em i skulim yupela na mekim long inapim wanem ol i bin pasim long givim long yupela. Noken givim baksait long wanem ol i tokim yupela, long han sut o long han kais. ¹² Sapos wanpela man i mekim pasin i no stret, i no laik long harim tok bilong ol pris husait i save helpim wok bilong Yawe God, o em i no laik long harim tok bilong jas, dispela man bai i dai na long dispela rot yupela bai i rausim pasin nogut bilong Israel. ¹³ Olgeta manmeri i mas putim yau gut, yupela i mas pret na noken mekim pasin nogut moa. ¹⁴ Taim yupela i kamap long graun Yawe, God bilong yupela i givim na taim yupela i kisim olgeta graun na olgeta samting bilong ol i stap long en, bihain yupela tok, 'Mi bai makim wanpela king long lukautim yupela, olsem olgeta kauntri i raunim mi,' ¹⁵ Bihain yupela i mas makim olsem king bilong yupela, em dispela man Yawe, God bilong yupela bai makim. Yupela i mas makim olsem king bilong yupela, em wanpela bilong brata bilong yupela. Yupela i noken makim wanpela man bilong narapela hap lain, husait em i no brata bilong yupela. ¹⁶ Tasol em i noken gungim planti hos bilong en, noken rausim ol manmeri i go gen long Isip, sapos yupela i mekim olsem bai em i kamapim planti hos, dispela em Yawe God i bin tok olsem long yupela, 'yupela bai i no inap kamap long dispela rot gen'. ¹⁷ Em i noken kisim planti meri na maritim ol, na bel bilong em i noken i stap longwe. Em i noken bungim planti ol silva na gol. ¹⁸ Taim em i sindaun long sia king bilong kingdom, em yet i mas raitim insait long buk olsem namba tu hap bilong dispela lo, em dispela lo i bin stap longtaim long ol pris i no kamap yet, em ol lain Livai. ¹⁹ Dispela buk bilong lo i mas i stap wantaim em na em i mas ritim long olgeta taim em i stap laip, olsem bai em i lainim long givim biknem long Yawe God, em God bilong em, olsem na em bai bihainim olgeta tok bilong lo na bihainim olgeta tok i stap long lo na long lukluk long em. ²⁰ Em i mas mekim olsem na bel bilong em i noken i gat krangi tingting long abrusim ol brata na em i noken i stap longwe long lo, long han kais o long han sut. Long dispela as em bai i mekim laip bilong yu i stap longpela taim long kingdom, em yet wantaim ol pikinini bilong em, namel long Israel.