16 ¹ Lukim dispela mun long Abib, lukautim na tingim Dei God i bin mekim gut long yupela, long God Yawe God bilong yupela long mun bilong Aviv God Yawe em God bilong yupela i kisim yupela long nait i kam aut long Isip. ² Yupela bai givim ofa na tingim Dei God Yawe God bilong yupela wantaim sampela sipsip na bulmakau long ples we God Yawe bin makim olsem ples Holi bilong em yet. ³ Yupela bai ino inap kaikai bret igat yis wantaim, na long 7pela dei yupela bai kaikai bret ino gat yis wantaim tu, na bret bilong tingim hevi yupela bin kisim taim yupela bin hariap long lusim Isip na kam aut. Mekim ol dispela long olgeta taim bilong yupela na long tingim ol dei yupela bin kam aut long graun bilong Isip. ⁴ No ken larim ol yis namel long yupela insait long boda long 7pela dei na tu no ken larim sampela mit we yupela bin mekim ofa long apinun long nambawan dei bai stap i go inap long moning. ⁵ Yupela i no inap mekim ofa bilong tingim Dei God i bin mekim gut long yupela namel long arapela dua bilong biktaun Yawe em God bilong yupela i givim long yupela. ⁶ Mekim ofa long ples we God Yawe em God bilong yupela i makim olsem ples holi bilong em yet. Nau yupela bai wokim ofa long tingim Dei God i bin mekim gut long yupela long apinun i go inap long san i go daun, long dispela taim long yia yupela i kam aut long Isip. ⁷ Yupela i mas kukim na kaikai long ples God Yawe em God bilong yupela bai makim long en, na yupela bai i go bek long haus sel bilong yupela long moning. ⁸ Long 6pela dei yupela bai kaikai bret ino gat yis, na long dei namba 7 yupela bai i gat bikpela dei bilong bung long God Yawe God bilong yupela na long dispela dei yupela i no ken mekim wok. ⁹ Yupela bai kaunim 7pela wik bilong yupela yet, long dispela taim yupela bai stat long katim wit wantaim naip na yupela mas stat long kaunim 7pela wik. ¹⁰ Yupela i mas lukautim wik bilong amamas long God Yawe God bilong yupela na bungim takis wanem God i givim ofa long han bilong yupela, inap long God Yawe i bin givim yupela. ¹¹ Yupela bai amamas long ai bilong God Yawe God bilong yupela, yupela yet na ol pikinini man bilong yupela, ol pikinini meri bilong yupela na ol wokman bilong yupela, ol wokmeri bilong yupela na wanpela Livai husait i stap wantaim yupela insait long dua bilong biktaun na ol man bilong narapela hap, ol pikinini i no gat papa na ol meri man bilong ol i dai pinis i stap wantaim yupela, em long ples we God Yawe God bilong yupela bai makim long ples holi bilong em yet. ¹² Yupela bai tingim i go bek taim yupela i bin stap kalabus long Isip. Yupela mas lukim na bihainim ol dispela toktok. ¹³ Yupela i mas lukautim ol dei bilong kaikai na amamas na long tingim haus sel insait long 7pela dei, bihain long yupela i bungim ol wit yupela rausim skin na ol wain yupela krungutim long en. ¹⁴ Yupela bai amamas long taim bilong kaikai- yupela yet, ol pikinini man bilong yupela na ol pikinini meri bilong yupela, ol wok man bilong yupela na ol wok meri bilong yupela, ol Livai na ol man long narapela ples i kam stap wantaim yupela na ol pikinini papa i dai pinis na ol meri man bilong ol i dai pinis husait ol i save stap wantaim yupela insait long banis i gat dua. ¹⁵ Long 7pela dei yupela i mas sindaun long amamas kaikai wantaim God Yawe God bilong yupela long ples God Yawe bai makim long en, bilong wanem, God Yawe God bilong yupela bai mekim i go planti long taim bilong kisim kaikai na ol wok yupela mekim long han bilong yupela, na oltaim yupela i mas amamas long em. ¹⁶ Tripela taim long wanpela yia yupela i mas kisim ol pikinini man bilong yupela i kam long ples God Yawe God bilong yupela em yet bai makim long en, long amamas kaikai bilong bret ino gat yis, na long amamas kaikai bilong wik na long amamas kaikai bilong tingim haus sel. Ino gat wanpela man bai kam nating long ai bilong God Yawe. ¹⁷ Olgeta man i mas givim long mak bilong yupela na yupela inap save long gutpela samting God Yawe God bilong yupela i bin givim yupela. ¹⁸ Yupela i mas makim ol jas na ol opisa insait long yupela long olgeta dua bilong biktaun God Yawe God bilong yupela i givim long yupela, yupela bai kisim wanwan long ol lain tumbuna bilong yupela na ol i mas skelim ol manmeri wantaim stretpela pasin bilong kot. ¹⁹ Yupela i noken rausim strepela pasin wantaim strong bilong yupela, yupela mas noken gat tupela tingting na kisim samting long narapela man , long ol man i save gat tupela tingting na kisim ol samting long narapela man i save pasim ai bilong man i gat gutpela tingting na i save rausim toktok bilong stretpela man. ²⁰ Yupela i mas bihainim stretpela pasin, na stretpela pasin tasol, olsem na yupela bai stap na kisim graun God Yawe God bilong yupela i givim yupela. ²¹ Yupela i no ken mekim Asera na sampela kain longpela klostu long alta bilong God Yawe God bilong yupela. ²² Yupela i noken sanapim ston em i tambu, we God Yawe God bilong yupela ino laikim.