9 ¹ Mi lukim Bikpela i sindaun klostu long alta na em i tok olsem, "Paitim antap long het bilong pos na bai as bilong pos i guria na pundaun. Brukim ol pos i go liklik long olgeta het na mi bai kilim ol liklik lain bilong ol wantaim bainat. I no gat wanpela bilong ol bai i ranawe. ² Maski ol i digim i go daun long ples bilong dai man, tasol han bilong mi bai i kisim ol long dispela hap. Maski sapos ol i go antap long heven, long dispela hap bai mi bringim ol i kam daun. ³ Maski ol i hait antap long het bilong Kamel, bai mi painim ol long dispela hap na kisim ol. Maski ol i hait long ai bilong mi na hait aninit long solwara, long dispela hap bai mi givim wok long snek na bai snek i kaikaim ol. ⁴ Maski ol i go insait long ples kalabus, birua bilong ol i kisim ol i go insait, long dispela hap bai mi kilim ol wantaim bainat. Mi bai putim ai bilong mi long ol na bagarapim ol na bai mi no inap mekim gut long ol." ⁵ God Yawe, em i as bilong ol samting olsem na em i holim graun na i lus nabaut, olgeta manmeri husait i stap insait i krai, olgeta bai i tait olsem wara na drai gen olsem wara bilong Isip. ⁶ Long em tasol husait i mekim rot i go long skai na kamapim matmat antap long graun. Em i singautim ol wara bilong solwara na kapsaitim antap long ples graun, nem bilong em, God Yawe. ⁷ "Yu no luk olsem ol lain manmeri bilong kus long ai bilong mi, manmeri bilong Israel a? Dispela em i tok bilong God Yawe. Yu ting mi no bringim ol Israel i kam aut long graun bilong Isip, Filistia bilong Krit na Aramia bilong Ki? ⁸ Harim, ai bilong God Yawe i stap long kingdom bilong sin manmeri olsem na bai mi bagarapim na rausim ol long dispela graun, tasol bai mi no inap long bagarapim olgeta haus bilong Jekop, dispela em i tok bilong God Yawe. ⁹ Harim, bai mi givim tok orait na bai mi skelim haus bilong Israel namel long olgeta lain manmeri, olsem wanpela man i save skelim wit long waya na rausim ol pipia. Olsem na i no gat wanpela liklik hap ston bai i pundaun long graun. ¹⁰ Sapos wanpela man husait i tok olsem, "Bagarap bai i no inap winim yumi o bungim yumi.' Orait olgeta dispela sin manmeri bai i dai long bainat. ¹¹ Long dispela taim bai mi kirapim haus sel bilong Divit i bin pundaun na pasim olgeta han bilong en. Mi bai kirapim ol samting i bin bagarap na wokim gen olsem bilong bipo, ¹² Olsem na bai ol i kisim olgeta graun i stap long Idom na olgeta lain manmeri husait mi makim ol bai i save olsem dispela em tok bilong God Yawe olsem na em i mekim dispela. ¹³ Harim, taim bilong en bai i kamap, dispela em God Yawe i tokaut olsem, taim man bilong digim graun bai winim man bilong bungim kaikai na man bilong krugutim wain bai i winim em husait i planim kaikai. Ol maunten bai kamapim gutpela wain na olgeta liklik maunten bai i karim wankain kaikai. ¹⁴ Mi bai bringim bek ol manmeri bilong mi Israel long ples kalabus. Ol bai i stretim biktaun i bagarap na kisim, bai ol i planim ol diwai wain na dring wain, bai ol i mekim ol gaden na kisim kaikai bilong en. ¹⁵ Bai mi putim ol long graun bilong ol na bai ol i no inap rausim long graun mi bin givim long ol, "God Yawe em God bilong yupela i tok olsem.