4 ¹ Mi givim yu dispela strongpela tok long ai bilong God na long ai bilong Krais Jisas husait bai skelim ol man ol i dai pinis na ol i stap laif yet, bikos long kambek bilong em na long Kingdom bilong em. ² Autim tok bilong God na redi long gutpela taim na taim nogut wantaim. Stretim arapela na tok strong long man long lusim pasin nogut. Toktok strong long ol na givim ol gutpela toktok. Noken hariap, stap isi na weit sapos wanpela samting ino kamap we yu bin tingim long em. Skulim ol long tok bilong God. ³ Igat wanpela taim bai kam na ol manmeri bai no inap long strongim gutpela skul tok tasol ol bai i laik long kamap olsem tisa namel long ol yet na inapim laik bilong ol. Ol bai i amamas long harim ol samting ino stret. ⁴ Ol manmeri bai lusim pasin bilong harim tok tru na bai ol i harim ol giaman stori nating. ⁵ Tasol tingting bilong yu mas stap gut long olgeta samting. Karim hevi na mekim wok bilong autim tok na inapim mak bilong wok yu mekim. ⁶ Mi bin mekim wok pinis na taim bilong mi long lusim dispela ples i kamap nau. ⁷ Mi i bin ran gut tru long resis na mi pinisim olgeta resis. Na mi bin holim strong bilip mi gat long em. ⁸ Bikpela husait save skelim gut ol pasin i stret oltaim i redim na putim wanpela hat bilong king long mi long dispela de. Dispela em ino givim long mi wanpela tasol, em bai givim long ol husait i save laikim tru kambek bilong em. ⁹ Traim long mekim gutpela pasin na kambek hariap long mi. ¹⁰  Demas em i bin lusim mi pinis. Em i laikim tumas samtin bilong graun na em i go pinis long taun Tesalonaika. Kresens igo pinis long Galasia na Taitus i go pinis long Dalmasia. ¹¹  Luk em wanpela tasol i stap wantaim mi. Kisim Mak na bringim em i kam wantaim yu long wanem em i gat gutpela save long mekim wok wantaim mi. ¹²  Taikikus mi salim em i go pinis long taun Efesas. ¹³  Jaket bilong mi, mi bin lusim long Troas wantaim Kapus, kisim i kam wantaim yu taim yu laik kam. Na tu ol buk o skin bilong sipisip bilong raitim long em, mi bin lusim wantaim ol tu na yu mas karim wantaim i kam. ¹⁴   Aleksanda, man husait i save wokim kopa i putim plesklia sampela pasin nogut mi no bin wokim. Bikpela bai bekim bek wanem pasin em i bin mekim. ¹⁵  Yu tu i mas was gut long em long wanem em i save wok strong long rausim tok bilong mipela. ¹⁶  Taim mi banisim mi yet long nambawan taim, nogat wapela man i sanap wantaim mi. Olgeta lain i lusim mi tasol mi bai lusim hevi bilong ol. ¹⁷  Tasol bikpela i sanap wantaim mi na givim mi strong we mi ken inapim wok bilong autim tok i go na ol lain i no bilong Israil tu ol i ken harim. Bikpela i bin helpim mi long maus bilong laion. ¹⁸  Bikpela bai kisim mi bek long ol pasin nogut na em bai brigim mi i go inap long wokim wok insait long Kindom bilong em. Olgeta strong na bikneim i go long em tasol nau na oltaim oltaim. I tru. ¹⁹   Amamas tru long Prisila na Akwila na haus bilong Onesiporus. ²⁰  Erastus istap yet long Korin tasol Tropimus em i sik na mi lusim em long Miletus. ²¹  Painim rot bilong yu long kam hariap long taim bilong kol ino kam yet. Eubulus i save amamas long yu na Pudens, na Linus, na Klaudia na olgeta brata. ²²  Larim Bikpela i ken stap wantaim spirit bilong yu na marimari bilong God bai i stap wantaim yu.