2 ¹ Olsem na yupela liklik pikinini bilong mi, yupela i mas sanap strong insait long marimari bilong Krais Jisas. ² Ol samting yupela bin harim long mi namel long planti manmeri, skulim dispela ol manmeri i bilip strong inap bai ol i ken skulim ol arapela lain tu. ³ Yupela i mas karim hevi na sanap strong wantaim mi long taim nogut, olsem gutpela soldia bilong Krais Jisas. ⁴ I nogat wanpela soldia inap mekim wok soldia na mekim ol arapela wok bilong em, na bai amamasim bosman bilong em. ⁵ Na tu sapos wanpela man i ran long resis, em i no inap kisim prais inap long em i bihainim olgeta step long pinisim dispela resis. ⁶ Papa bilong gaden em i mas kisim nambawan kaikai samting em yet i bin planim long gaden bilong em. ⁷ Yupela i mas tingim wanem samting mi tok, na God Bikpela bai i givim yupela gutpela save na planti arapela samting tu. ⁸ Tingim Jisas Krais, Pikinini bilong Devit husait i bin kirap bek long matmat. Dispela em Gutnuis we mi autim. ⁹ Olsem mi stap long kalabus olsem stilman na ol i lokim mi wantaim bikpela sein, tasol tok bilong God i no inap stap kalabus. ¹⁰  Olsem na mi laikim ol dispela lain i ken kisim marimari i stap insait long Krais Jisas wantaim laip i stap gut oltaim oltaim. ¹¹  Dispela tok i tru olgeta, sapos yumi dai wantaim Krais, orait bai yumi tu bai i stap laip wantaim em. ¹²  Sapos yumi i sanap strong, bai yumi stap laip wantaim em oltaim oltaim. Tasol sapos yumi i givim baksait long em, orait em tu bai givim beksait long yumi. ¹³  Sapos mipela i no hoilim strong bilip long em, em i save stap long tok bilong em na em i no save giaman ¹⁴  Skulim ol yet long ol dispela samting, givim tok lukaut bilong God long ol bai ol i no ken tokpait. Dispela i no inap helpim spirit bilong ol, na bai givim bagarap long man i harim. ¹⁵  Yupela i mas kamap gutpela wokman long ai bilong God. God i makim yupela long kamap wokman bilong em na yupela i noken sem long tokaut long husait i skulim yupela long autim tok tru. ¹⁶  Stap longwe, bilong wanem ol lain bilong tupela maus, ol bai pulim yu i go long bihainim ol giaman god bilong ol. ¹⁷  Ol dispela kain toktok i olsem sik kensa. Namel long ol em Himenaus na Filetus. ¹⁸  Ol i lusim tok tru na bihainim narapela rot. Ol i tok olsem ol man i dai pinis ol i no inap kirap bek gen, na ol i bin bagarapim bilip bilong planti lain. ¹⁹  Olsem na tok bilong God i sanap stret na Bikpela i save long ol manmeri bilong em. Olgeta manmeri i kolim nem bilong Bikpela i mas stap longwe long pasin nogut bilong graun. ²⁰  Long bikpela haus, i gat planti spesol sospen graun i stap, sampela ol i mekim long silva, na gol, diwai na graun, sampela i gat gutpela wok,na sampela bilong ol i gat narapela wok. ²¹  Sapos wanpela i laik kamap gutpela wokman olsem, em mas klinim bel bilong em, na bai em i redi long mekim wok bilong bosman bilong em. ²²  Stap longwe long pasin nogut bilong graun, mekim stretpela pasin bilong bilip na kisim bel isi wantaim manmeri God i singaut ol long holim pasim klinpela bel. ²³  Tasol noken tok resis long tingting i no stret. Stap longwe, yupela i save olsem ol dispela tingting nogut bai kamapim tok resis. ²⁴  Wokman bilong God i no ken tok resis namel long ol yet. Ol i mas soim gutpela pasin long arapela inap long ol i lainim ol long stap isi. ²⁵  Em i mas stap isi na skulim arapela long God inap long lusim sin bilong ol na givim ol gutpela save na tok tru. ²⁶  Ol i ken kamap gutpela gen na lusim giaman trik bilong Satan, na ol i ken bihainim stretpela pasin em yet laikim bilong em.