4 ¹ Taim Isboset, pikinini bilong Sol, i harim olsem Abna i dai pinis long Hebron, olgeta strong bilong em i pinis, dispela i givim hevi long olgeta hap bilong Israel. ² Nau pikinini bilong sol igat tupela man husait istap kepten bilong ol ami. Nem bilong tupela em Bana na Rekab, tupela i pikinini bilong Rimon bilong ples Berot long lain Bensamin ol Berot em ol lain Bensamin, ³ na ol Berot i ranawe igo long ples Gitaim na ol i stap long hap inap long nau. ⁴ Na Jonatan, pikinini bilong Sol i gat wanpela pikinini man na em lek nogut. Em i gat 5pela kismas taim em i harim stori bilong Sol na Jonatan long ol lain Jesril. Meri i save lukautim em i apim em na i laik ranawe. tasol taim em i ranawe, pikinini bilong Jonatan i pundaun long han bilong em na stap lek nogut olgeta. Nem bilong em Isboset. ⁵ Olsem na ol pikinini bilong Rimon bilong ples Berot, em Rekab na Bana, i bin wokabaut taim san i hat tumas long dispela de na ol i kamap long haus bilong Isboset, taim em i malolo istap long apinun. ⁶ Meri i save was long dua i slip i dai tru bihain long em i bin rausim skin bilong wit, Rekap na Bana i wokabaut isi tru na abrusim em. ⁷ Taim ol i go insait long haus, ol i go holim em na kilim em taim em i slip long bet long rum bilong em. Na ol i katim het bilong em na karim igo, long dispela nait yet ol i bihanim rot i go na kamap long Araba. ⁸ Na ol i kisim het bilong Isboset i go long Devit long Hebron na tokim king olsem, ''Lukim, dispela em het bilong Isboset pikinini bilong Sol, birua bilong yu, husait i save mekim nogut long yu. Nau long dispela de God Yawe i mekim bosman bilong mipela dispela king long daunim Sol wantaim ol tumbuna bilong em.'' ⁹ Devit i bekim tok bilong Rekab na Bana brata bilong em, ol pikinini bilong Rimon bilong ples Berot; em i tok olsem long ol, God Yawe husait i save stap laip, i helpim mi na rausim mi long planti hevi, ¹⁰ taim ol man i tokim mi, 'Lukim, Sol i dai pinis,' em i ting olsem em i bringim gutpela nius, mi bin holim em na kilim em long Siklak. Mi bekim dispela pei long em taim mi harim dispela stori ¹¹ Hamas taim moa, ol man bilong mekim pasin nogut i kilim man i nogat rong i slip long haus bilong em, mi no inap tingim blut bilong em i bin pundaun antap long han bilong yu na bai mi rausim yu long dispela graun?'' ¹² Na Devit i givim oda long ol yangpela man na ol i kilim dispela tupela man na katim han na lek bilong ol na i hangamapim ol arere long raun wara Hebron. Tasol ol i kisim het bilong Isboset na planim em long matmat bilong Abna long Hebron.