11 ¹ Long taim bilong ol diwai i putim nupela lip, em taim ol king i save i go long pait, long dispela taim Devit i salim Joap na ol wokman bilong em na ol ami bilong Israel. Na ol i pait long ol ami bilong Amon na banisim taun Raba. Tasol Devit i stap long Jerusalem. ² Olsem na long apinun Devit i kirap long bet bilong em na i wokabaut long rup bilong haus king. Long antap yet em i lukim wanpela meri i waswas i stap na meri i luknais tru taim em i lukim em. ³ Olsem na Devit i salim ol man na i askim ol long husait i save long dispela meri. Wanpela i tok, ''Em dispela Batseba, em i pikinini meri bilong Eliam na meri bilong Uria bilong lain Hit?'' ⁴ Devit i salim ol wokman i go kisim dispela meri i kam long em na em i slip wantaim em, taim sik mun bilong em i pinis na em i mekim em yet i klin. Orait em i go bek long haus bilong em. ⁵ Taim meri i luksave olsem em i gat bel, em i salim tok i go long Devit olsem, ''Mi gat bel.'' ⁶ Orait Devit i salim tok long Joap na i tok, ''Salim Uria i kam long mi dispela man Hit.'' Olsem na Joap i salim Uria i go long Devit. ⁷ Taim Uria i kam kamap, Devit i askim em olsem Joap i stap olsem wanem na ol ami i stap olsem wanem na pait i go olsem wanem. ⁸ Devit i tokim Uria, ''Go daun long haus bilong yu na wasim lek bilong yu.'' Olsem na Uria i lusim haus bilong king na king i salim presen bilong Uria taim em i lusim dispela hap. ⁹ Tasol Uria i slip long dua bilong haus king wantaim olgeta wokboi bilong bikman bilong em na em i no go long haus bilong em. ¹⁰ Taim ol i tokim Devit, ''Uria i no bin go long haus bilong em,'' Devit i tokim Uria, ''Yu no wokabaut longpela hap? Bilong wanem yu no go long haus?'' ¹¹ Uria i bekim tok bilong Devit olsem, ''Bokis kontrak na ol Israel na ol Juda i stap yet long ol haus sel na bikman bilong mi Joap na ol wokboi bilong masta bilong mi i wokim kem na stap yet long ples daun. Olsem wanem bai mi go long haus bilong mi na kaikai na dring na slip wantaim meri bilong mi? Taim yu stap yet, Mi no inap mekim dispela samting.'' ¹² Olsem na Devit i tokim Uria, ''Stap hia tude na long tumoro bai mi lusim yu i go.'' Orait Uria i stap yet long Jerusalem long dispela de na narapela de moa. ¹³ Taim Devit i singautim em i kam long kaikai na dring wantaim em, Devit i mekim em i spak nogut tru. Long apinun Uria i go long slip long bet bilong em wantaim ol wokboi bilong bikman bilong em, tasol em i no go long haus bilong em. ¹⁴ Na long moning Devit i raitim pas i go long Joap, em i putim long han bilong Uria na salim em i go. ¹⁵ Devit i raitim tok long pas olsem, ''Putim Uria i go paslain long hap pait i strong tumas na lusim dispela hap na ol i ken kilim em i dai. ¹⁶ Orait taim Joap i lukim bagarap i kamap long dispela biktaun, em i makim Uria long dispela hap em i save ol soldia bilong ol birua i pait strong tru. ¹⁷ Taim ol man bilong dispela biktaun i go na i pait wantaim ol ami bilong Joap, sampela soldia bilong Devit i dai na ol i kilim Uria dispela man Hit. ¹⁸ Taim Joap i salim tok i go long Devit long olgeta samting i kamap long dispela pait, ¹⁹ em i tokim man bilong kisim tok i go long king olsem, ''Taim yupela i go tokim King long pait i kamap olsem wanem, ²⁰ nogut king bai i belhat na em bai tokim yu, ''Bilong wanem yupela i go klostu long biktaun na pait? Ating yupela i no save olsem ol bai sanap long banis na sut? ²¹ Na husait i kilim Abimelek pikinini man bilong Jerub-Beset? Ating yupela i no save olsem wanpela meri i lusim ston bilong wilwilim wit i pundaun antap long em long banis na em i dai long Tebes? Bilong wanem na yupela i go klostu long banis? Orait yu mas bekim olsem, 'Dispela man Hit wokman bilong yu Uria tu i dai." ²² Olsem na man bilong toksave i go long Devit na i tokim em long olgeta samting Joap i tok long en. ²³ Na man bilong toksave i tokim Devit olsem, ''Ol birua i strong tumas long mipela namba wan taim; ol i kam long mipela long ples daun, tasol mipela i ronim ol i go bek long maus bilong dua bilong banis. ²⁴ Na ol man bilong sut long spia i sutim ol spia i kam long ol soldia bilong yu long banis na sampela wokman bilong king i dai na wokman bilong yu Uria bilong hit i dai tu.'' ²⁵ Orait Devit i tokim man bilong toksave, ''Tokim Joap olsem, Noken larim dispela samting i daunim yu, long wanem, bainat i save bagarapim wanpela na narapela. Strongim em long dispela tok, Pait strong tru long dispela biktaun na winim." ²⁶ Taim meri bilong Uria i harim olsem man bilong em Uria i dai, em i wari na krai planti long man bilong em. ²⁷ Taim sori bilong em i pinis, Devit i salim tok na i kisim em i go long haus king na em i kamap meri bilong em na i karim pikinini man bilong em. Tasol dispela samting Devit i mekim God Yawe i no amamas.