35 ¹ Josaia i bin holim pasova i go long God Yawe insait long Jerusalem na ol i bin kilim pikinini sipsip bilong pasova long dei 14 long namba wan mun. ² Em i bin putim ol pris long wanwan wokmak bilong ol na strogim ol wantaim gutpela toktok long wok insait long haus bilong God Yawe. ³ Em i bin tokim ol Livai, em ol lain husait i lainim ol Israel na tu em ol lain we ol i bin makim ol olsem wokman bilong God Yawe. ''Putim dispela holi kontrak bokis insaIt long haus we Solomon pikinini man bilong Devit king bilong Israel i bin wokim na noken kalim raun moa long solda. Nau lotuim Yawe God bilong yu na lukautim Israel ol manmeri bilong em. ⁴ Bihainim ol toktok we Devit, king bilong Israel wantaim pikinini man bilong em Solomon i bin raitim na stretim yupela yet, bihainim nem bilong tumbuna na wanwan hauslain. ⁵ Sanap long holi ples na kisim mak bilong ples bilong yu wantaim ol wanwok namel long hauslain bilong ol tumbuna bilong brata bilong yu na kisim ples bilong yupela namel long hauslain bilong Livai. ⁶ Kilim ol pikinini sipsip bilong pasova na stretim yupela yet na redim ol pikinini sipsip long ol brata bilong yu tu, i bihainm tok God Yawei i bin givim long han bilong Moses.'' ⁷ Josaia i bin givim 30,000 pikinini sipsip na ol pikinini memek i go long ol manmeri long mekim ofa bilong pasova long ol lain husait i bin stap long dispela taim na em i bin givim bulmakau mak long 3000 na olgeta dispela ol samting i kam long ol kago na ol samting king i bin i gat. ⁸ Ol lida bilong em i bin givim ol hamamas ofa i go long ol manmeri, ol pris na ol livait. Hilkia, Sekaraia na Jeiel, em ol ofisa i go pas long haus bilong God Yawe na ol i bin givim mak long 2,600 ol liklik kau na 300 bulmakau i go long ol pris long ofa bilong pasova. ⁹ Wankain olsem Konaia, Sameia na Netanel, ol brata lain na Hasabaia, Jeiel na Josabad, em ol hetman bilong ol livai i bin givim 5,000 ol pikinini kau na 500 ol bulmakau i go long ol livai. ¹⁰ Nau ol i redim lotu na ol pris i sanap long wanwan ples ol i bin makim long ol wantaim ol Livai, i bihainim tok king i bin givim. ¹¹ Ol Livai i bin kilim ol pikinini sipsip bilong pasova na rausim skin na ol i bin kisim blut i kam na givim long ol pris na ol pris i putim pinga bilong ol insait long blut na tromwe nambaut nambaut long rum i holi tru. ¹² Ol i bin rausim ol ofa we ol i bin kukim pinis na givim i go long wanwan tumbuna hauslain long olgeta i ken givim ofa i go long God Yawe bihainim wanem Moses i bin raitim na ol i bin mekim wankain long ol bulma kau. ¹³ Ol i bin bihainim toktok na kukim ol pikinini sipsip bilong pasova long paia na long ol ofa we em dia tumas, ol i bin kukim long ol liklik na ol traipela sospen na hariap tru ol karim i go long ol manmeri. ¹⁴ Na bihain ol redim ofa bilong ol yet na bilong ol pris wantaim long wanem ol pris, ol tumbuna hauslain bilong Aaron i givim ofa i go inap long tudak. Olsem na ol Livait i redim ofa bilong ol yet na long ol pris em ol hauslain bilong Aaron. ¹⁵ Ol lain bilong singsing, em ol hauslain bilong Asap i kisim ples, bihainim toktok bilong Devit, Asap, Heman na Jedutun em ol lain bilong king husait i ken lukim ol samting bai kamap bihain taim na ol wasman i bin stap sambai long olgeta geit na ol i no lusim hap ol stap long en, long wanem ol brata bilong ol, ol Livait i bin redim ol ofa bilong ol wantaim. ¹⁶ Olsem na long dispela taim ol i holim lotu bilong God Yawe long tingim pasova na i givim ofa bilong kukim olgeta i go long alta bilong God Yawe wankain olsem King Josaia i bin tok. ¹⁷ Na ol manmeri bilong Israel husait i bin stap long en, i bin hoilm pasova long dispela taim na ol i bin go het na holim dei bilong tingim bret i nogat is na hamamas inap long 7-pela dei. ¹⁸ Na kain pasova hamamas i no bin kamap bipo long taim bilong profet Samuel na long ol narapela king bilong Israel wankain olsem King Josaia i bin holim wantaim ol pris, ol Livait, ol manmeri bilong Juda na Israel na ol lain bilong Jerusalem, husat i bin stap long dispela taim. ¹⁹ Ol i bin holim dispela pasova long namba 18 yia taim Josaia i bin i stap king. ²⁰ Na bihain long dispela, bihain long King Josaia i stretim tempol, Neko, king bilong Isip, i bin go antap long pait wantaim ol lain Kakemis long Eupretis Wara na Josaia i bin go antap long pait wantaim em. ²¹ Tasol Neko i salim wokman i makiim maus bilong em i go tokim em na tok, mi gat wanem samting long mekim wantaim yu, king bilong Juda? mi no kam olsem birua bilong yu long dispela dei nogat, mi birua wantaim hauslain mi kam long pait long en. God i tokim mi long hariap, olsem na yu noken pasim God, husait i stap wantaim mi, nogut em bai bagarapim yu.'' ²² Tasol Josaia i bin res long harim tok bilong em na i haitim pes long go pait wantaim em. Em i no bin halim ol toktok bilong Neko, toktok we i bin kam long maus bilong God; olsem na em i bin go long pait insait long ples daun long Megido ²³ Ol lain wantaim bunara i bin sutim em na em tokim wokboi bilong em olsem,'' kisim mi go bek long wanem mi kisim bikpela bagarap.'' ²⁴ Na ol wokboi bilong em i bin rausim em long karis na putim em long namba tu karis bilong em. Ol i bin kisim em i go long Jerusalem na em i bin dai na ol i bin planim em long matmat bilong ol tumbuna bilong em. Olgeta lain Juda na Jerusalem i bin krai long Josaia. ²⁵ Jerimaia i bin krai long Josaia na olgeta man na meri, ol lain bilong singsing i krai long Josaia i kam inap long dispela dei. Olgeta dispela song i kamap olsem kastom insait long Israel na tu ol raitim i go long ol song bilong tingim em bihain. ²⁶ Na ol narapela samting na ol gutpela pasin King Josaia i bin mekim, long bihainim wanem ol i bin raitim long lo bilong God Yawe-. ²⁷ Na olgeta gutpela pasin bilong em long stat i go inap long pinis bilong en, ol i bin raitim long buk bilong ol king bilong Israel na Juda.