17 ¹ Jehoshafat i kamap king bihain long papa bilong em Asa i lusim sia king. Em kisim strong long bungim Israel. ² Na em i putim ol ami long olgeta biktaun i gat strongpela banis na putim wasman long olgeta hap bilong Juda na biktaun bilong Efraem we Asa em i winim pait na kisim bek long en. ³ God Yawe i stap wantaim Jehoshafat bilong wanem em wokabaut stret olsem tumbuna bilong em Devit na em i no painim giaman god Baal. ⁴ Nogat, em i putim bel na tingting bilong em long God bilong papa bilong em na bihainim stret lo bilong Moses. Na i no bihainim ol nogut pasin bilong Israel. ⁵ God Yawe i putim lo na wokmak long han bilong Jehoshafat. Ol Juda karim planti presen i kam long Jehoshafat na em pulap long kago na biknem. ⁶ Lewa bilong em i go pas wantaim pasin bilong God Yawe na em rausim olgeta ples na pos bilong giaman god Asera insait long Juda ⁷ Insait long namba tri yia em kamap king em salim ol wokman Ben-hael, Obadia, Sakaraia, Nataniel na Mikaia long kamap tisa na skulim ol manmeri insait long biktaun bilong Juda. ⁸ Em ol lain Livai i stap wantaim ol nem bilong ol Semaia, Natanaia, Sebadia, Asahel, Semiramot, Jehonatan, Adonisa, Tobisana Tob-Adonisa wantaim tupela pris Elisama na Jehoram. ⁹ Ol skulim ol Juda manmeri long lo na pasin bilong God Yawe. Ol i wokim dispela bikpela wok long biktaun na lanim manmeri bilong olgeta hap long Juda. ¹⁰ Bikpela poret bilong God Yawe pundaun antap long olgeta kantri i stap raunim Juda na ol i no kirapim pait wantaim Jehoshafat. ¹¹ Ol sampela Filistia kisim bel isi presen na silva moni i kam givim Jehoshafat. Ol man bilong kantri Arab tu kisim ol enimol 7,700 sipsip man na 7,700 meme na givim Jehoshafat. ¹² Jehoshafat i kamap strongpela man. Em i wokim strongpela banis long ol bik taun long Juda na pulamapim ol samting long ol. ¹³ Em i gat planti samting insait long ol biktaun bilong Juda. Ol ami bilong em ol strong moa na ol man tu i gat narakain strong i stap long Jerusalem. ¹⁴ Dispela em ol buk husait ol i raitim nem bilong ol long wanwan tumbuna papa. Long Juda olgeta bosman bilong ami i gat planti tausen, makim Adna long kamap bosman bilong 300,000 man bilong pait, ¹⁵ narapela em Jehohanan em ol makim em long kamap bosman bilong 280,000 man bilong pait, ¹⁶ narapela em Amasia, pikinini bilong Sikri husait givim bel long kamap wokman bilong God Yawe na em i bosim 200,000 man bilong pait. ¹⁷ Long Benjamin ol makim Eliada wanpela strongpela bosman bilong 200,000 man bilong pait wantaim bunara na palang, ¹⁸ narapela em Seosabad em wantaim 180,000 man redi tru long pait. ¹⁹ Em ol dispela ol tok orait long sanap wantaim King, na ol bung wantaim ol pait man King putim ol long biktaun i gat strongpela banis long en insait long Juda.