16 ¹ Long 36 yia bilong Asa i stap olsem king, Basa, king bilong Israel em i mekim pasin nogut tru long ol Juda na em i wokim biktaun Rama long pasim ol manmeri long ol i no ken i go aut o kam insait long graun bilong king Asa, king bilong Juda. ² Na Asa i kisim ol silva na gol i kam aut long haus mani insait long haus bilong God Yawe na long haus bilong king na salim i go long Ben Adad, king bilong Aram, husait i stap long Damaskus. Em i tok, ³ Larim dispela kontrak bai kamap namel long mi na yu olsem em i bin stap namel long papa bilong mi na papa bilong yu. Lukim, mi salim pinis long yu silva na gold. Brukim kontrak bilong yu wantaim Basa, king bilong Israel na em bai i no inap mekim nambaut long mi. ⁴ Ben Adad em i harim tok bilong King Asa na em i salim ol nambawan ofisa bilong ol lain ami bilong em i go mekim nogut long ol biktaun bilong Israel. Ol i pait long Ijon, Dan, Abel Maim na long olgeta biktaun bilong Naptali, ⁵ Em i kamap olsem taim king Basa i harim dispela, em i no moa wokim Rama na larim wok bilong em i pinisking olgeta. ⁶ Na king Asa i kisim olgeta lain Juda i go wantaim em. Ol i go na kisim olgeta ston na palang bilong Rama we Basa i bin yusim long wokim biktaun bilong Rama. Na King Asa i yusim ol dispela ston na palang long wokim gen Geba na Mizpa. ⁷ Long dispela taim Hanani, husait i was man, em i go long Asa, king bilong Juda, na tokim em olsem, "Bilong wanem yu putim bilip bilong yu long king bilong Aram na yu no putim bilip long God Yawe bilong yu, ol ami bilong king bilong Aram, ol i ranawe i go pinis long han bilong yu. ⁸ Ol Kus na ol Libia, olsem wanem, ol i no gat bikpela lain ami ,wantaim planti ol karis na ol man bilong draivin hos? Tasol yu bilip long God Yawe, em i mekim yu i winim ol. ⁹ Long ai bilong God Yawe em i lukluk raun long olgeta hap bilong graun, olsem tasol na bai em i soim strong bilong em, long ol lain husait bel bilong ol i stap stret wantaim em. Tasol yu mekim pasin long dispela. Long nao na i go olsem, bai pait i bungim yu. ¹⁰ Na Asa i belhat long glasman na em i putim em long kalabus, long wanem em i belhat long em long dispela samting. Long wankain taim, Asa em i bagarapim sampela ol manmeri. ¹¹ Tasol lukim, ol wok bilong Asa, long stat na i go long pinis ol i raitim long buk bilong ol king bilong Israel na Juda. ¹² Long 39 yia bilong wok king bilong em, Asa i painim sik long lek bilong em.Dispela sik em i bikpela, tasol em i no kam painim helpim long God Yawe, tasol em i go painim helpim long ol dokta. ¹³ Na Asa em i dai na ol i planim em wantaim ol lain tumbuna bilong em, em i dai insait long 41 yia bilong em olsem king. ¹⁴ Ol i planim em insait long matmat bilong em yet, we em i bin redim bilong em yet insait long biktaun bilong Devit. Ol i putim em insait long bokis we i pulap long switpela ol smel marasin, ol save man bilong wokim ol smel maraisn i wokim long en. Na ol i mekim bikpela paia long onarim em.