14 ¹ King Abiya i dai na ol i planim em long taun bilong Devit. Na pikinini man bilong en, Asa, i kisim ples bilong em na kamap king. Long graun bilong em yet taim Asa i bosim kantri Juda i no gat pait i kamap inap long 10-pela yia. ² Asa i mekim gutpela na strepela pasin long ai bilong God Yawe, Bikpela bilong en, ³ long wanem, em i rausim ol alta bilong ol god giaman bilong arapela kantri antap long ol ples maunten. Na tu em i bagarapim ol ples bilong lotu long ol giaman god na em i brukim ol pos ston i gat piksa bilong giaman god na em i katim ol pos diwai i gat piksa bilong god meri Asera. ⁴ Em i tokim ol Juda long ol i mas strong tru long bihainim laik bilong God Yawe, Bikpela bilong tumbuna bilong ol na bihainim olgeta lo na tok bilong en. ⁵ Long olgeta bikaun bilong Juda em rausim ol ples bilong lotu long ol giaman god na ol alta bilong kukim paura bilong kamapim smok i gat gutpela smel. Em i bosim ol kantri gut na no gat pait i kamap. ⁶ Em i wokim ol stronpela banis i raunim ol biktaun bilong Juda, long wanem graun i stap nating na em i no bin pait long dispela yia, long wanem God Yawe i givim em bel isi. ⁷ Asa i tok long Juda, mipela wokim dispela taun na wokim banis raunim ol taua, geit na ain long graun em i bilong mipela yet bilong wanem mipela i save singaut long, Yawe God bilong mipela. Mipela i save singautim em na em i save givim mipela bel isi long olgeta samting. Na ol i wokim na pinisim. ⁸ Asa i gat ol ami holim hap plang na spia na long Juda em gat 300,000 man na bilong Bensamin, 280,000 man husat i save karim hap plang na kam klostu, em ol strongpela man. ⁹ Sera bilong lain Kus i kam pait long ol wantaim 1 000 000 soldia na 300 karis na em i kam olsem long Maresa. ¹⁰ Nau Asa i go autsait long bungim em na ol salim ol man bilong pait long lain i redi long ples stret bilong Sefata long Maresah. ¹¹ Asa i krai long God Yawe, God bilong em na i tok, "God Yawe, i no gat wanpela i olsem yu, tasol yu save mipela i no gat strong taim mipela lukim planti ami. Helpim mipela, God Yawe God bilong mipela, mipela weit long yu. Long nem bilong yu mipela i kam bilong daunim dispela bikpela namba. God Yawe, yu God bilong mipela, yu no ken larim ol man i daunim yu.'' ¹² Olsem na God Yawe i daunim ol lain Kus long ai bilong Asa na Juda na ol dispela lain Kus i ranawe. ¹³ Asa wantaim ol Ami bilong ol i ronim ol i go inap long Gera na kilim dai planti soldia tru. Planti lain long Kus i kisim bikpela bagarap long han bilong God yaweh na ami bilong em. Ol ami i kisim planti samting long ol lain ol i bin winim na go. ¹⁴ Ol ami i bagarapim olgeta ples raunim Gera na bikpela pret tru long God Yawe i karamapim olgeta manmeri. Ol ami i bagarapim olgeta ples na mekim nogut tru long ol. ¹⁵ Na ol ami i bagrapim tu ol haus sel bilong ol wasman bilong sipsip na karim ol sipsip na kemol bilong ol i go long Jerusalem.