12 ¹ Long taim Reoboam i kamap king, em i kamap strongpela king tru na lukautim ol, olsem na em i bin lusim lo bilong God Yawe na olgeta Israel i stap wantaim em. ² Em i bin kamap long namba 5 yia bilong king Reoboam na Sisak king bilong Isip i kam na pait wantaim Jerusalem, long wanem ol manmeri i no bin stap tru long God Yawe. ³ Em i bin kam wantaim 1,200 karis bilong pait na 60,000 man bilong draivim hos. Ol soldia i no gat namba i bin kam wantaim em long ples Isip, Libya, Suk na Kus. ⁴ Em i bin winim strongpela biktaun bilong ol Juda na em i bin kam long Jerusalem. ⁵ Olsem na profet Semaia i bin kam long Reoboam na long ol lida bilong Juda, ol i bin bung long Jerusalem long wanem ol i laik stretim tok bilong Sisak. Semaia i bin tokim ol olsem, "Dispela em i tok bilong God Yawe, yupela i bin givim baksait long mi olsem na mi tu i givim yupela i go long han bilong Sisak." ⁶ Bihain king na ol pikinini man bilong ol i bin daunim ol yet na tok olsem, "God Yawe em stretpela man." ⁷ Taim God Yawe i bin lukim olsem ol i daunim ol yet, tok bilong God Yawe i bin kam long Semaia olsem, "Ol i daunim ol yet olsem na bai mi no inap long bagarapim ol. Mi bai i helpim ol long sampela kain rot na belhat bilong mi bai i no inap kamap long Jerusalem long han bilong Sisak. ⁸ Tasol maski, ol bai i kamap wokman bilong em, olsem na ol bai klia long wanem, ol bai i mekim long helpim mi na long helpim ol bikman bilong ol arapela kauntri." ⁹ Olsem na Sisak king bilong Isip i bin kam na pait wantaim Jerusalem na kisim ol gutpela samting i dia tumas long haus bilong Yawe God na ol gutpela samting i dia tumas i stap long haus bilong king. Em i bin kisim olgeta samting na tu em i bin kisim ol hap plang Solomon i bin mekim long gol. ¹⁰ King Reoboam i bin mekim ol hap plang long bras na putim insait long ples bilong en na em i putim i go long han bilong ol komada bilong wasman, husait i bin was long haus dua bilong king. ¹¹ Em i bin kamap long taim king i go insait long haus bilong God Yawe na ol wasman bai i kisim ol na bihain bai ol i bringim ol i go bek long haus bilong wasman. ¹² Taim Reoboam i daunim em yet, belhat bilong God Yawe i lusim em, olsem na em bai i no inap bagarapim em olgeta na tu i gat sampela gutpela man i stap yet long painim long Juda. ¹³ Olsem na king Reoboam i stap strongpela king long Jerusalem na long dispela rot em i bin lukautim ol. Reoboam em i kamap 41 krismas na em i bin stat long lukautim ol Jerusalem inap long 17 yia, dispela biktaun God Yawe i bin makim bilong olgeta lain bilong Israel, olsem na em bai i putim nem bilong en long dispela hap. Nama em nem bilong mama bilong em na em i meri long ples Amon. ¹⁴ Wanem pasin em i bin mekim i no stret, long wanem bel na tingting bilong en i pas na em no lukim God Yawe. ¹⁵ Tasol wanem ol arapela samting Reoboam i mekim long namba wan taim na ol samting em i bin mekim bihain, em ol i no bin raitim insait long buk bilong Semaia em profet na Ido em man i save lukim driman long ol samting bai i kamap bihain. Tasol ol i gat buk bilong famili lain wantaim stori bilong pait i save stap oltaim namel long Reoboam na Jeroboam. ¹⁶ Reoboam i bin dai wantaim ol tumbuna lain bilong en na ol i planim em long biktaun bilong Devit. Olsem na Abisa pikinini man bilong en i kamap king na senism ples bilong en.