31 ¹ Nau ol Israel i pait wantaim ol Filistia na ol man Israel i bilong i go na ol Filistia ronim ol na kilim ol long Gilboa maunten. ² Ol Filistia i kam klostu tru long Sol wantaim ol pikinini bilong em . Ol Filistia i kilim Jonatan, Abinadab na Malki-Sua ol pikinini bilong Sol. ³ I bin gat bikpela pait wantaim Sol na ol lain save gut long pait wantaim bunara i winim em. Em i bin stap long bikpela pein long wanem long ol dispela lain. ⁴ Na Sol i tok long soldia bilong em man i bin karim kolos pait olsem, ''Kisim bainat na sutim mi long em. Nogut ol dispela lain kok skin bilong ol ino kat bai kam na bagarapim mi.'' Tasol man i karim kolos pait i no inap long mekim bilong wanem em i bin pret nogut tru. Olsem na Sol i kisim bainat bilong em yet na kilim em. ⁵ Taim man karim kolos bilong pait i lukim olsem Sol i bin dai. Wankain tasol em pundaun antap long bainat bilong em na dai wantaim em. ⁶ Olsem na Sol i dai, wantaim 3-pela pikinini man bilong em na man karim kolos pait bilong em, olgeta dai wantaim long dispela dei tasol. ⁷ Taim ol man long Israel husait ol stap long narapela sait long ples daun na ol lain abrusim Jodan na i go stap,ol i lukim ol lain bilong Israel i ranawe na Sol wantem ol pikinini man bilong em i dai, ol i lusim biktaun bilong ol na ranawe na ol Filistia kam na stap long ol dispela hap. ⁸ Long narapela dei, taim ol Fililstia kam long rausim ol dai man long klinim ples na ol lukim Sol wantaim ol tri-pela pikinini man bilong em dai long Maunten Gilboa. ⁹ Ol katim het bilong em, rausim pait kolos bilong em na salim ol man bilong karim toktok i go long ples bilong ol Filistia, long olgeta hap ol karim toktok i go long ol haus lotu bilong giaman god na long ol manmeri. ¹⁰ Ol putim kolos pait bilong em long haus lotu bilong Astorets na ol taitim bodi bilong em long bikpela banis bilong biktaun. ¹¹ Taim ol lain stap long Jabes Gilied harim wonem ol Filistia i bin mekim long Sol, ¹² olgeta man bilong pait kirap na long nait yet ol igo na kisim bodi bilong Sol na ol bodi bilong pikinini man bilong em long bikpela banis long Bet San. Ol i go long Jabes na kukim ol long hap. ¹³ Orait ol i kisim ol bun bilong ol na planim aninit long tamarisk diwai long Jebes na ol i bin lusim kaikai na beten long 7-pela dei.