19 ¹ Sol i tokim Jonatan pikinini man bilong em na ol wokboi bilong en olsem ol i mas kilim Devit i dai.Tasol Jonatan, pikinini man bilong Sol, i save laikim tumas Devit. ² Olsem na Jonatan i tokim Devit, ''Sol papa bilong mi i painim yu long kilim yu.Olsem na was gut long yu yet long moning na hait long wanpela ples. ³ Bai mi go na sanap long sait klostu long papa bilong mi long ples daun yu stap long em na bai mi toktok long papa bilong mi long yu. ⁴ Jonatan i mekim ol gutpela tok long Devit long Sol papa bilong em na i tok, ''Noken larim king i mekim sin na i birua long wokman bilong em Devit. Long wanem em i no mekim sin long yu. Na ol samting em i mekim i bringim gutpela long yu. ⁵ Long wanem em i putim laip bilong em long han bilong em na i kilim dispela man Pilistia. Yu lukim na yu bin amamas. Olsem wanem na yu laik sin long man i nogat rong na yu laik kilim Devit taim i nogat as?'' ⁶ Sol i harim toktok bilong Jonatan. Sol i promis olsem, ''Taim God Yawe i stap laip, em i no inap dai.'' ⁷ Orait Jonatan i singautim devit na Jonatan i tokim em ol dispela ol samting. Jonatan i kisim Devit i go long Sol, em i kamap long ai bilong em olsem em i save mekim bipo. ⁸ I gat pait i bin kamap ken na Devit i go na i pait long ol Pilistia na i daunim ol na kilim ol. Ol i lusim em na i ranawe. ⁹ God Yawe i larim ol spirit nogut i kam antap long Sol na em i sindaun long haus na holim spia bilong em long han bilong em, taim Devit i wok long pilai gita bilong em. ¹⁰ Sol i traim long pinim Devit long wol wantaim spia, tasol Devit i muv i go long sait tasol na Sol i tromoi spia na i kisim wol. Olsem na Devit i lusim dispela hap na ranawe long dispela nait. ¹¹ Sol i salim ol man i go long haus bilomg Devit long ol i ken was long em inap em i ken kilim em long moning. Mikal, meri bilong Devit, i tokim em, ''Sapos yu no sevim laip bilong yu long nait, tumora ol bai i kilim yu. ¹² Olsem na Mikail i lusim Devit i go aut long windo. Em i lusim dispela hap na i ranawe. ¹³ Mikal i kisim piksa ol i save lotu long em na putim em antap long bet. Orait em i putim pilo ol i bin wokim long gras bilong meme long het bilong em na em i karamapim em wantaim klos. ¹⁴ Taim Sol i salim ol man long holim Devit, em i tok, ''Em i sik.'' ¹⁵ Na Sol i salim ol man long lukim Devit; em i tok, ''Kisim em i kam antap long bet mi stap long em, inap mi ken kilim em.'' ¹⁶ Taim ol man bilong toksave i kam insait, dispela giaman god ol i wokim i slip long bet wantaim gras bilong meme i pas long pilo long het bilong em. ¹⁷ Sol i tokim Mikal, ''Bilong wanem yu giamanim mi na larim birua bilong mi na em i ranawe?'' Mikal i bekim tok bilong Sol olsem, ''Em i tokim mi olsem, 'Larim na mi go. Bilong wanem bai mi kilim yu?''' ¹⁸ Nau Devit i lusim dispela hap na ranawe na i go stap wantaim Samuel long Rama na i tokim em long olgeta samting Sol i mekim long em. Orait em wantaim Samuel tupela i go stap long Naiot. ¹⁹ Ol i tokim Sol, ol i tok, ''Lukim, Devit i stap long Naiot long Rama.'' ²⁰ Orait Sol i salim ol man i go long holim Devit. Taim ol i lukim ol lain profet i autim tok profet na Samuel i sanap namel long ol, orait spirit bilong God Yawe i kam antap long ol lain bilong Sol na ol tu i autim tok profet. ²¹ Taim ol i tokim Sol long dispela, em i salim narapela lain gen, tasol ol tu i autim tok profet. Orait Sol i salim ol arapela lain namba tri taim na ol tu i autim tok profet. ²² Na em tu i go long Rama na i go kamap long wel i daun em ples Seku. Em i askim, ''Samuel na Devit i stap we?'' Wanpela i tok, ''lukim, ol i stap long Naiot long Ramot.'' ²³ Sol i go long Naiot long Rama. Na Sprit bilong God Yawe i kam antap long em, na taim em i go em i wokim tok profet na i go kamap long Naiot long Rama. ²⁴ Em i rausim ol klos bilong em na i autim tok profet tu long ai bilong Samuel. Em i stap as nating long dispela de na nait. dispela as ol i askim, ''Ating Sol tu i wanpela bilong ol profet?''