5 ¹ Iram king bilong Taia i salim ol wok man bilong em i go long Solomom, long wanem em harim olsem ol i putim oil long het bilong em na makim em olsem king i senisim papa bilong em. Emi save laikim tumas Devit olgeta taim. ² Solomon i salim toktok i go long Iram na tok olsem, ³ Yu save olsem papa bilong mi Devit i no nap long wokim haus long nem bilong God Yawe bilong em long ol lain klostu save pait wantaim ol olgeta taim, long taim em bin stap king, God Yawe i save mekim em winim ol birua bilong em. ⁴ Tasol nau God Yawe God bilong mi i givim mi malolo long olgeta hap. Ino bin gat ol nogut o ol bagarap. ⁵ Olsem na mi tingting long wokim haus lotu bilong God Yawe bilong mi, olsem God Yawe bin tokim papa bilong mi Devit na tok olsem, 'pikinini bilong yu, husait bai senisim ples bilong yu na sindaun long sia king bai wokim haus lotu long nem bilong mi.' ⁶ Olsem na nau yu tokim ol bai katim seda bilong mi long Lebanon na wok ol wokman bilong mi bai wok bung wantaim ol man bilong yu na mi bai peim yu long ol wok man bilong yu wankain pei long olgeta wok olsem mitupela wanbel long wokim. Yupela save pinis olsem nogat wanpela namel long yumi husait save long we bilong katim ol palang olsem ol Sidon.'' ⁷ Taim Iram i harim toktok bilong Solomon, em i amamas tru na tok olsem, ''Larim God Yawe bai amamas nau long em yet i givim Devit wanpela pikinini man i gat gutpela save long lukautim ol lain manmeri em i makim.'' ⁸ Iram i salim tok igo long Solomon na em i tok, ''Mi kisim pinis toktok yu salim i kam long mi. Bai mi givim olgeta seda na sipres diwai yu laikim. ⁹ Ol wokman bilong mi bai kisim ol diwai long Lebanon igo daun long solwara na pusim antap long em igo long wanem hap yu laik bai mi i go putim. Bai mi tokim ol long brukim na yu kisim i go.Yu bai wokim wonem samting mi laikim na givim kaikai long mipela.'' ¹⁰ Olsem na Hiram givim olgeta sida palang na ol kainkain diwai palang Solomon laikim. ¹¹ Solomon givim 20,000 kilo bilong wit bilong kaikai na 20 lita hevi mak oliv oil igo long Iram. Em wok long givim Iram olgeta yia. ¹² God Yawe givim gutpela save long Solomon olsem em bin promis long givim em. Iram na Solomon ibin stap gut na tupela kamapim wanbel ¹³ King Solomon i kisim ol wok man long olgeta hap long Israel. Ol wokman nating ol bin stap olsem 30,000. ¹⁴ Em salim ol i go long Lebanon na bihain long wanpela mun 10,000 pla wokman i senis gen. Bihain long 1 mun ol wok long Lebanon na bihain long tupela mun ol bin stap long ples. Adoniram i bin lukautim ol dispela wokman nating. ¹⁵ Solomon bin gat 70,000 ol lain bilong karim ol hevi na 8,000 lain long katim ston long ol maunten. ¹⁶ Na Solomon i bin gat 3,300 ol het ofisa i lukautim olgeta wok man. ¹⁷ Bihainim toktok blong king ol i kisim aut kainkain ol gutpela ston long putim long as bilong haus lotu. ¹⁸ Olsem na ol lain wok man bilong Solomon na Iram na ol Gebalaits ol i katim palang na ston na i redi long wokim haus lotu.