7 ¹ Nau mi laik bekim dispela ol tok yupela i bin rait long pas. "Sapos man i no marit yet,em i gutpela moa long i stap nating". ² Long wanem, ol traim bilong mekim ol pasin pamuk i save kamap, olsem na wan wan man i mas i gat meri bilong em yet, na wan wan meri i mas i gat man bilong em yet. ³ Man i gat rait long slip wantaim meri bilong em,na meri tu i gat rait long slip wantaim man bilong em,.olsem na tupela i noken pasim bodi bilong tupela yet. ⁴ Meri i no bosim bodi bilong em yet, nogat, man bilong em i bosim.Olsem tasol, man i no bosim bodi bilong em yet, nogat, meri bilong em i bosim. ⁵ Tupela i no ken pasim bodi bilong tupela long slip wantaim, tupela i ken wanbel na i stap longwe long sampela taim, sapos tupela i wanbel na i ken kisim taim long prea. Na bihain tupela i ken bungim bodi na slip wantaim, Long wanem, Satan bai i traim yupela long stiaim laik bilong bodi bilong yupela. ⁶ Tasol dispela tok mi mekim,em i no olsem lo yupela i ken bihainim, Nogat yupela i ken bihainim laik bilong yupela yet. ⁷ Mi laik olgeta man i stap singel olsem mi. Tasol God i givim kainkain presen long olgeta wan wan man,wanpela man i kisim wanpela kain presen na long arapela man em i kisim narakain presen. ⁸ Na ol man i stap singel na ol meri man bilong ol i dai pinis mi tok olsem, em i gutpela long ol i no ken marit na i stap wankain olsem mi yet. ⁹ Sapos ol i no inap bosim gut laik bilong ol, em i gutpela long ol i ken marit, nogut bel bilong ol i skirap long mekim pasin pamuk. ¹⁰ Nau ol manmeri i marit pinis, mi givim dispela lo long yupela, i no mi, tasol Bikpela yet i tok "Meri i noken brukim marit wantaim man bilong em." ¹¹ Tasol sapos em i brukim marit wantaim man bilong en, em i noken maritim narapela man, o em i mas tok sori na go bek long man bilong en. "Man i noken rausim meri bilong em." ¹² Tasol nau mi laik tokim yupela olgeta, sapos wanpela brata i gat meri husat i no save bilip na sapos meri i amamas long i stap wantaim em, em i no ken rausim dispela meri. ¹³ Sapos wanpela meri i marit na man i no bilip long Krais, na sapos man i laik i stap wantaim merit, orait meri i noken raus man. ¹⁴ Man i no bilip, em i no pas wantaim meri bilong en,long dispela pasin em i kamap Holi,na meri i no save bilip na em i pas wantaim brata,Sapos olsem, bai ol pikinini bilong tupela bai ol i no i stap klin long ai bilong God, tasol nau ol i stap Holi. ¹⁵ Tasol sapos man o meri i no bilip long God,dispela man o meri i laik lusim na go, larim em i go. Long wanen, dispela brata o susa em i no kalabus long tok promis ol i bin mekim. God i singautim yupela long i stap gut wantaim bel isi. ¹⁶ Meri, yu save olsem wanem, bai yu helpim man bilong yu long kamap kristen o nogat? O man, yu save olsem wanem, bai yu helpim meri bilong yu, kamap kristen o nogat? ¹⁷ Larim wanwan bilong yupela i ken i stap long wanem laip Bikpela i bin makim bilong yupela, na em God i singautim yupela long en. Dispela em lo bilong mi long olgeta sios. ¹⁸ I gat wanpela man i katim skin taim God i singautim em long bilip? Em i noken traim long rausim mak bilong skin em i bin katim. I gat wanpela man i no bin katim skin taim God i bin singautim em long bilip? Em i noken katim skin bilong en. ¹⁹ Katim skin o i no katim skin dispela i no bikpela samting. Tasol pasin bilong bihainim lo bilong God em samting tru. ²⁰ Wanwan man i ken i stap long singaut, em i bin i stap taim God i bin singautim em long bilip. ²¹ Yupela i stap wokboi nating na God i singautim yupela? Noken tingting tumas long dispela. Tasol sapos yu inap kamap fri, orait mekim olsem. ²² Long man husat Bikpela i singautim em olsem wokboi nating, em i fri man bilong Bikpela. Olsem tasol, dispela fri man taim em i harim singaut na bilip, nau em i kmap wokboi nating bilong Krais. ²³ God i bin baim yupela pinis wantaim bikpela pei, olsem na yupela i noken kamap wokboi nating bilong ol man. ²⁴ Ol brata na susa, wanem kain laip wan wan bilong yumi i bin i stap na, God i bin singaut long bihainim em, yumi mas i stap long dispela kain laip wantaim God. ²⁵ Na long toktok bilong ol lain husat i no marit yet, Bikpela i no givim tok long mi, tasol mi givim tingting bilong mi long marimari bilong Bikpela, olsem ol tok, mi autim em i tru. ²⁶ Mi ting olsem, long wanem, long ol hevi i wok long kam, em i gutpela long man i ken i stap olsem em i stap nau. ²⁷ Sapos yu i bin marit pinis, yu i noken panim rot long lusim meri ?. Yu i stap fri long meri o yu no marit yet?. Noken painim meri long maritim. ²⁸ Sapos yu marit, yu no mekim sin. Na sapos meri i no marit yet na i marit, em i no mekim sin. Tasol ol lain husat i marit bai i gat planti kain kain hevi taim ol i stap laip, mi laik helpim yupela. ²⁹ Tasol mi mekim dispela tok, Taim em i sot pinis long dispela taim i go, ol lain i gat meri i ken i stap olsem ol i no gat wanpela. ³⁰ Ol lain husait i krai i ken i stap olsem ol i no krai, ol lain husait i amamas, i ken stap olsem ol i no amamas, na ol lain husait i kisim samting i kam, i ken i stap olsem ol i no gat ol samting. ³¹ Na ol lain husait i pasim tok wantaim ol manmeri long graun, i ken i stap olsem ol i no bin pasim tok wantaim ol, long wanem pasin bilong dispela graun i wok long kam arere. ³² Mi laik yupela i stap fri long pasin bilong wari na tingting planti. Man i no bin marit em save amamas tru long mekim ol wok bilong Bikpela, long wanem wanpela samting bai i no inap pasim em long bihainim God. ³³ Tasol marit man i save wari na tingting planti long ol samting bilong graun,long wanem, em i wari na tingting planti long lukautim meri piknini bilong em ³⁴ na tingting em i bruk long tupela hap. Olsem na meri i no marit em i save amamas long bihainim God,na en bai i stap Holi long bodi na spirit long lotuim God, Tasol marit meri i save wari long samting bilong graun, olsem wanem na em inap lukautim wok bilong man bilong em. ³⁵ Mi mekim ol dispela tok long helpim yupela, na mi no laik putim hevi long yupela, long wanem samting em i stret. Olsem na yupela i ken i stap stret long ai bilong Bikpela, na wanpela samting i no ken pulim tingting bilong yupela. ³⁶ Tasol wanpela man i ting olsem em i no mekim gut long pikinini meri em promis long maritim wantaim gutpela pasin, long wanem, bel bilong en i kirap strong tru, larim em i ken marit olsem em i laik. Em i no sin. ³⁷ Tasol sapos em i pasim tingting long em i no ken marit na nogat wanpela samting i pasim em, na sapos em inap long stiaim gut laik bilong bodi, em bai gutpela sapos em i no maritim dispela meri. ³⁸ Sapos wanpela man i maritim meri em i promis long maritim, em i mekim gut, na sapos man i pasim tingting long em i no ken marit, em mekim gutpela pasin tu. ³⁹ Wanpela meri i pas long man bilong em taim em i stap laip long dispela graun.Tasol sapos man bilong em i dai, em i fri long maritim husat em i laik long maritim, tasol em i mas i stap insait long Bikpela. ⁴⁰ Tasol taim mi skelim, em bai stap amamas sapos em i stap olsem em i stap nau. Na mi ting olsem mi gat Spirit bilong God.