16 ¹ Nau mi laik toktok long mani ol kristen i bungim, yupela i mas mekim olsem mi bin tokim ol sios long Galesia long mekim. ² Long namba wan de bilong wik, yupela wanwan i mas putim mani yupela inap redim. Olsem na taim mi kam, yupela i no inap long bungim samting gen. ³ Long taim mi kamap, husait yupela i makim bai mi salim pas wantaim ol ofa mani i go long Jerusalem. ⁴ Tasol sapos i orait long mi go,orait ol i ken go wantaim mi. ⁵ Tasol mi bai kam long yupela, taim mi kam olsem long Masedonia. Long wanem bai mi go olsem long Mosedonia. ⁶ Ating bai mi stap wantaim yupela tu long taim bilong kol, bai yupela i ken helpim mi, taim mi laik go long arapela hap. ⁷ Long wanem mi i no laik lukim yupela nau long dispela sotpela taim tasol. Mi laik stap wantaim yupela longpela taim liklik, sapos Bikpela i tok orait. ⁸ Tasol bai mi stap long Efeses i go inap long de bilong Pentikos, ⁹ bikpela dua i op long mi, na planti birua tu i wok long kamap. ¹⁰ Taim Timoti i kam, em bai stap na em i noken pret, long wanem em i mekim wok bilong God,olsem mi mekim. ¹¹ Wanpela man i noken daunim em. Yupela i mas helpim em na salim em wantaim bel isi, i kam long mi. Mi wetim em long kam long mi wantaim ol arapela brata. ¹² Long brata bilong yumi Apolos, Mi toktok na strongim em long em i kam lukim yupela wantaim ol brata. Tasol em i no laik bilong em long kam nau. Tasol em bai kam bihain sapos ol samting i kamap orait. ¹³ Yupela was gut, sanap strong long bilip, stap olsem man, yupela strong. ¹⁴ Yupela i mas mekim olgeta samting wantaim pasin bilong laikim. ¹⁵ Yupela i save long ol lain bilong Stepenas, ol i namba wan lain bilong bilip long Akaia, na ol i givim ol yet long mekim wok bilong helpim ol arapela kristen. Nau mi tok strong long yupela ol brata, ¹⁶ yupela i mas aninit long ol kain lain olsem na ol arapela husait i save hatwok na helpim mipela. ¹⁷ Mi amamas taim Stefenas, na Fotunatus, na Akaikus. Ol i kam kamap, long ol i kisim ples bilong yupela. ¹⁸ Ol i kam na mekim spirit bilong yumi kisim nupela strong gen. Olsem na yupela mas luksave long ol kain lain olsem. ¹⁹ Ol sios long Esia i salim tok amamas long yupela. Akuila na Prisila wantaim sios i save bung long haus bilong ol i tok amamas long yupela insait long Bikpela. ²⁰ Olgeta brata i tok amamas long yupela. Yupela i mas holim pasim narapela na tok amamas long ol. ²¹ Mi Pol, mi raitim dispela tok long han bilong mi yet. ²² Sapos wanpela man ino laikim Bikpela, orait em i ken bagarap. Bikpela bilong mipela, yu kam! ²³ Marimari bilong Bikpela Jisas iken istap wantaim yupela. ²⁴ Mi laikim yupela olgeta insait long Krais Jisas.