9 ¹ Olsem na ol nem bilong ol lain Israel i stap bihainim tumbuna lain bilong ol. Nem bilong ol i stap insait long buk bilong ol king bilong Israel. Nem bilong ol lain Juda tasol i no stap, pasin nogut bilong ol i mekim na ol lain Babilon i kisim ol i go kalabusim ol. ² Ol namba wan lain long kam bek gen long biktaun bilong ol em ol lain Israel, ol lain pris, ol lain Livai na ol wokman bilong haus lotu. ³ Sampela ol lain tumbuna bilong Juda, Benjamin, Efraim na Manase i bin stap long Jerusalem. ⁴ Ol arapla lain manmeri we bihainim ol tu na kam wantaim em Utai, pikinini man bilong Amihud, Amihud pikinini man bilong Omri, Omri pikinini man bilong Imri, Imri pikinini man bilong Bani, Bani em wanpela bilong ol tumbuna bilong Peres pikinini man bilong Juda. ⁵ Namel long ol lain Selan, Asaia, namba wan pikinini wantaim ol pikinini man bilong em i stap. ⁶ Jeul tu bin stap namel long ol lain tumbuna bilong Sera. Ol i gat 690 tumbuna lain. ⁷ Salu bin stap namel long ol lain tumbuna bilong Benjamin. Salu em pikinini man bilong Mesulam, Mesulam em pikinini man bilong Odavia na Odavia em pikinini man bilong Asenua. ⁸ Na tu Ibnea, pikinini man bilong Jeroam bin stap, Ela em pikinini man bilong Usi, Usi em pikinini man bilong Mikri na Mesulam em pikinini man bilong Sefataia, Sefataia em pikinini man bilong Reuel na Reuel em pikinini man bilong Ibnisa. ⁹ Namba bilong ol wan lain tumbuna bilong ol i kamap olsem 965 man. Em ol hetman bilong femili bilong ol yet na ol femili lain bilong ol. ¹⁰ Ol pris em Jedaia, Jeoiarip na Jakin. ¹¹ Asaria, pikinini man bilong Hilkaia tu bin stap, Hilkaia em pikinini man bilong Mesulam, Mesulam em pikinini man bilong Sadok, Sadok em pikinini man bilong Meriot na Meriot em pikinini man bilong Aitup, wasman husait i lukautim haus bilong God. ¹² Adaia, pikinini man bilong Jeroam bin stap, Jeroam em pikinini man bilong Pasur na Pasur em pikinini man bilong Malkisa. Na tu Masai, pikinini man bilong Adiel bin stap, Adiel em pikinini man bilong Yasera, Yasera em pikinini man bilong Mesulam, Mesulam em pikinini man bilong Mesilemit na Mesilemit em pikinini man bilong Ima. ¹³ Namba bilong ol wanlain bilong ol, husait i bin kamap hetman bilong ol lain bilong ol em 1,760 man. Ol i stretpela man long wok insait long haus bilong God. ¹⁴ Semaia, pikinini man bilong Asup i bin stap namel long ol lain Livai, Asup em i pikinini man bilong Askiram na Askiram em i pikinini man bilong Asabia, namel long ol lain tumbuna bilong Merari. ¹⁵ Na tu Bakbaka, Eres, Kalal na Matania pikinini man bilong Mika bin stap, Mika em i pikinini man bilong Sikri na Sikri em i pikinini man bilong Asaf. ¹⁶ Na tu Obadia pikinini man bilong Semaia, Semaia em pikinini man bilong Kalal, Kalal em pikinini man bilong Jedutun, wantaim Berekia pikinini man bilong Asa, Asa em pikinini man bilong Elkana, husait i bin stap long ples bilong ol lain Netofa. ¹⁷ Ol wasman bilong dua em Salum, Akup, Talmon, Aiman na ol lain tumbuna bilong ol. Lida bilong ol em Salum. ¹⁸ Pastaim ol i sanap na lukautim bikpela dua bilong king long hap san kamap sait long kemp bilong ol lain tumbuna bilong Livai. ¹⁹ Salum pikinini man bilong Kore pikinini man bilong Ebiasaf, pikinini man bilong Kora na ol lain bilong papa bilong em na wan lain bilong em, ol lain Kora, ol i wok olsem wasman. Ol i was long dua i go insait long haus sel, olsem ol tumbuna bilong ol i save was na lukautim gut kemp bilong God Yaweh na ol was long maus rot tu. ²⁰ Finias pikinini man bilong Eliesa bin lukautim ol pastaim na God Yaweh i bin stap wantaim em. ²¹ Sekaraia pikinini man bilong Meselemaia i save was long haus dua bilong haus lotu, "haus sel bilong bung." ²² Namba bilong ol man husait ol i makim long was long bikpela dua em 212 man. Ol i raitim nem bilong ol pinis long buk insait long wanwan ples bilong ol yet. Tupela hetman bilong ol Devit na Samuel i bin givim wok we ol inap long mekim long ol pinis. ²³ Olsem na ol dispela lain wantaim ol pikinini bilong ol i was na lukautim ol bikpela dua long haus bilong God Yaweh, haus sel. ²⁴ Ol i salim ol wasman bilong bikpela dua i go kam long 4-pela hap, hap san kamap, hap san i go daun, not na saut. ²⁵ Ol brata bilong ol, husait i stap long ples, save kam senisim ol bihain long 7-pela dei. ²⁶ Tasol ol 4-pela hetman bilong ol wasman bilong bikpela dua, husait i bilong ol lain Livai, tasol bai was na lukautim ol rum na ol rum bilong putim ol kago samting bilong haus bilong God. ²⁷ Ol bai was na lukautim gut olgeta hap bilong haus bilong God long nait, em wok bilong ol olsem na ol mas lukautim gut. Olgeta moning ol i mas opim. ²⁸ Sampela i lukautim ol kago samting bilong haus lotu, ol kaunim gut olgeta samting we ol kisim kam insait na ol samtim we ol i kisim i go aut. ²⁹ Ol i makim sampela tu long lukautim ol samting we i holi, ol samting bilong wok wantaim na samting bilong lainim, wantaim gutpela flaua bilong kaikai, wain, wel na ol gutpela smel samting na ol marasin bilong mekim kaikai i swit. ³⁰ Sampela ol pikinini bilong ol pris i save wokim marasin bilong mekim kaikai i swit. ³¹ Matitia, wanpela bilong ol lain Livai, em namba wan pikinini bilong Salum long lain Kora, i was na save redim bret bilong ofa. ³² Sampela brata bilong ol, long lain tumbuna bilong Koha, i lukautim bret bilong karim i go long ples bilong God, ol i save redim long olgeta Sabat. ³³ Ol lain bilong singsing na ol lida bilong ol lain Livai tasol i save go stap insait long ol rum insait long haus lotu taim ol i no gat wok bilong ol, ol i mas wokim wok ol inap long mekim olgeta dei na nait. ³⁴ Dispela em ol lidas bilong wanwan femili namel long ol lain bilong Livai, olsem ol i stap bihainim tumbuna lain, het man. Ol i bin stap long Jerusalem. ³⁵ Papa bilong Gibion, Jeiel, nem bilong meri bilong em Maka, ol i stap long Gibion. ³⁶ Namba wan pikinini man bilong em Abdon, wantaim ol arapela pikinini man Su, Kis, Bal, Ner, Nadap, ³⁷ Gedo, Ahio, Sekaraia, na Miklot. ³⁸ Miklot em papa bilong Simeam. Ol tu stap long Jerusalem klostu long ol brata bilong ol. ³⁹ Ner em papa bilong Kis. Kis em papa bilong Sol. Sol em papa bilong Jonatan, Malki-Sua, Abinadap, na Es-Bal. ⁴⁰ Pikinini man bilong Jonatan em Merib-Bal. Merib-Bal em papa bilong Maika, ⁴¹ Ol pikinini man bilong Maika em Piton, Melek, Tarea, na Ahas. ⁴² Ahas em papa bilong Jada. Jada em papa bilong Alemet, Asmavet, na Simri. Simri em papa bilong Mosa. ⁴³ Mosa em papa bilong Binea. Binea em papa bilong Refaia. Refaia em papa bilong Eliasa. Eliasa em papa bilong Asel. ⁴⁴ 6-pela pikinini man bilong Asel em Asrikam, Bokeru, Ismael, Searia, Obadia, na Anan. Em ol pikinini man bilong Asel.