26 ¹ Em ol lain bilong was long get. Long Koriait, Mesalemia piknini bilong Kore, tumbuna bilong Asaf. ² Meselemia i gat ol pikinini, Sekaraia em namba wan, Jediael em namba tu, Sebadia em namba tri, Jatniel em namba 4, ³ Elam em namba 5, Jehoanan em namba 6, Elioenai em namba 7. ⁴ Obet Idom i gat ol pikinini; Shemaia em namba wan, Jehosabat em namba tu, Joa em namba tri, Sakar em namba 4 na Nataniel em namba 5, ⁵ Amiel em namba 6, Isakar em namba 7, Peuletai em namba 8, God i blesim Obet Idom. ⁶ Na Semaia pikinini bilong em i kamap het bilong ol femeli; em ol gutpela man long mekim planti wok. ⁷ Na pikinini bilong Semaia em Otni, Refael, Obet na Elsabat. Ol wantok bilong en Eliu na Semakia ol tu i gutpela man long mekim planti wok. ⁸ Em ol tumbuna bilong Obet Idom. Ol yet wantaim ol pikinini bilong ol na wantok bilong ol inap long mekim ol wok long haus lotu. Em ol 62 lain i stap klostu long Obet Idom. ⁹ Mesalemia i gat ol piknini na ol wantok, 18 em ol fitman long wok. ¹⁰ Hosa em tumbuna bilong ol Merari, em i gat ol pikinini; Simri i stap lida ( maski em i no namba wan pikinini, tasol papa i mekim em i kamap lida ), ¹¹ Hikia em namba tu, Tabalia em namba tri, Sekaraia em namba 4. Ol pikinini bilong Hosa na ol man bilong famali bilong en wantaim i 13 man olgeta. ¹² Dispela grup bilong was long get, ol i bung wantaim ol lida, na ol wantok bilong ol long mekim wok insait long haus bilong God Yawe. ¹³ Ol i tromoi lot long painim aut insait long femeli, ol yangpela na lapun husait bai i stap long olgeta get. ¹⁴ Taim lot i makim i go long get i stap long hap san kamap, Shelemia i lus. Orait ol i tromoi lot bilong Sekaraia pikinini man bilong em, man bilong givim gutpela tingting na lot i kam aut long not get. ¹⁵ Ol i makim Obet Idom long saut get na ol i makim pikinini bilong em long haus bilong putim ol samting. ¹⁶ Supim na Hosa ol i makim long get i stap long hap san i go daun wantaim get bilong Saleket, long antap rot. Wanwan famali i stat lukautim. ¹⁷ Long hap san kamap i stap ol 6-pela Livai, long not 4-pela long wanpela de, long saut 4-pela long wanpela de na antap long haus bilong putim samting em 4-pela.. ¹⁸ Klostu long tawa i go long hap san i go daun i gat 4pela taun i stap klostu long rot na tupela i stap klostu long tawa. ¹⁹ Dispela em ples bilong ol lain i save was long get. Ol i pulap wantaim ol tumbuna bilong Kora na Merari. ²⁰ Namel long ol Livai, Ahija i lukautim mani bilong haus bilong God, na olgeta mani samting em bilong God Yawe. ²¹ Ol tumbuna bilong Ladan i kam long Gerson long em tasol na nau ol lida bilong femeli bilong Ladan long lain Geson em ol Jehieli, ²² Ol pikinini bilong Jehieli, Setam na Joel brata bilong en. Ol i lukautim haus bilong putim samting long haus bilong God Yawe. ²³ Ol lain bilong Amram, ol lain bilong Ishar, ol lain bilong Hebron na ol lain bilong Usiel, ²⁴ Subael pikinini man bilong Gesom em i piknini man bilong Moses, em i kamap man bilong lukautim haus bilong putim ol samting. ²⁵ Ol wantok bilong em long lain bilong Elieser em papa bilong Rehabia, Rehabia em i papa bilong Jeshaia, Jeshaia em papa bilong Joram, Joram em papa bilong Sikri na Sikri em papa bilong Selomit. ²⁶ Selomit wantaim ol wantok bilong en i lukautim olgeta samting bilong God Yawe long haus bilong putim ol samting, olsem King Devit, ol hetman bilong femeli, ol ofisa i save lukautim tausen na handret na ol ofisa bilong ol soldia i skelim. ²⁷ Ol i skelim ol gutpela samting ol i winim long pait na hap ol i putim long haus bilong God Yawe. ²⁸ Na ol tu i lukautim dispela samting na skelim long God Yawe bilong profet Samuel, Sol pikinini bilong Kis, Abna pikinini bilong Ner na Joab pikinini bilong Seruia. Olgeta samting ol i skelim long God Yawe em i stap aninit long lukautim bilong Selomit na ol wantok bilong en, ²⁹ Long tumbuna bilong Isar, Kenania na ol pikinini man bilong en i lukautim ol hevi bilong ol ami bilong Israel. Em ol i stap ofisa na jas bilong ol. ³⁰ Long tumbuna bilong Hebron, Hasabia na ol brata bilong em, 1,700 em ol strongpela man bilong lukautim wok bilong God Yawe na wok bilong king. Ol i stap long hap san i go daun bilong Jordan. ³¹ Long ol tumbuna bilong Hebron, Jeria i stap hetman bilong ol, ol i kauntim insait long femali. Insait long 4o yia bilong Devit i stap king, ol i wok painim aut olsem namel long ol em ol man inap long mekim olgeta wok insait long Jaser bilong Gileat. ³² Jeria i gat 2,700 ol wantok, em ol stongpela lain ol femeli lida. Devit i kisim ol long lain bilong Ruben, Gat na sampela bilong lain Manase, long olgeta wok bilong God, na wok bilong king wantaim.