13 ¹ Devit i askim olgeta ol man i go pas long pait i save lukautim 1000 na bilong 100 wantaim olgeta hetman. ² Devit i tokim olgeta lain Isreal olsem, "Sapos em i orait long yupela, na sapos dispela tok i kam long God Yawe bikpela bilong yumi,Larim yumi salim ol man bilong mekim toksave i go long olgeta hap long ol lain brata husait i stap bek insait long olgeta hap graun long Israel,na ol lain pris na ol lain Livai husait i stap insait long bik taun bilong ol.Larim ol i ken tokim ol long bihainim yumi. ³ Larim yumi kisim kontrak bokis bilong God bilong yumi kam bek gen long haus bilong yumi Israel, long wanem yumi no painim laik bilong God taim Saul i lukautim long en. ⁴ Nau olgeta manmeri i wanbel long bihainim dispela tingting, Long wanem ol i tingim olsem em i stret long ai bilong olgeta manmeri. ⁵ Olsem na Devit bungim olgeta manmeri bilong Israel,statim long Sior Wara insait long Isip i go inap long Lebo Hama,long kisim kontrak bokis bilong God i go long Kiriat Jarim. ⁶ Devit wantaim ol lain Israel ol i go antap long Bala,dispela em,Kiriat Jerim, em bilong ol Juda, long kisim long hap dispela bokis kontrak bilong God.Em bilong kolim Nem bilong God Yawe, God Yawe husait sindaun antap long 2pela samting i gat piksa bilong ensel i stap long en. ⁷ Na ol bin i putim kontrak bokis bilong God antap long nupela karis.Ol i kisim i kam autsait long haus bilong Abinanab.Usa na Aio i lukautim karis. ⁸ Devit wantaim ol lain manmeri bilong Israel i liptimapim nem bilong God waintaim olgeta strong bilong ol.Ol i singim song na paitim kundu, paitim tambarin,winim bugel ol samting. ⁹ Taim ol i bin kam klostu long wanpela hap we ples daun long en Kido, Usa i putim han bilong en aut long holim bokis kontrak,long wanem bulmakaul i laik go pundaun long graun. ¹⁰ Bihain belat bilong God Yawe i kam antap long Usa, na God Yawe i kilim em long wanem Usa i putim han bilong em i go aut na traim long holim kontrak bokis. Em i dai sem taim long ai bilong God. ¹¹ Devit em i belhat long wanem God Yawe i bin bagarapim Usa.Dispela ples ol i kolim Pere Usa i kam inap nau. ¹² Devit i bin pret long God long dispela de.Em i tok,"olsem wanem na mi inap kisim kontrak bokis bilong God i kam bek long haus bilong mi?" ¹³ Olsem na Deivit i no kisim Kontrak bokis i go long taun bilong em, tasol putim i stap insait long haus biong Obet Edom long ples Get. ¹⁴ Kontrak bokis bilong God i stap long haus bilong Obet Edom long tri-pela mun,olsem na God Yawe i bin blesim haus bilong em wantaim olgeta ol wok em i mekim kamap strongpela na i gat namba.