10 ¹ Nau ol Filistia pait wantaim ol Israel na ol Israel ranowe long ol Filistia. Ol Filistia kilim ol long Maunten Gilboa. ² Ol Filistia bihainim Sol wantaim ol pikinini bilong em. Na ol Filistia i kilim Jonatan, Abinadab na Milki Sua, em ol pikinin man bilong Sol. ³ Na pait i kamap strong olgeta wantaim Sol na ol man bilong pait long bunara bilong Filistia i sutim Sol na em kisim bagarap. ⁴ Na Sol tokim wasman bilong em "Kisim bainat bilong yu na sutim mi i dai nogut ol birua husait i no katim skin bai bagarapim bodi bilong mi." Tasol wasman i no inap na em i poret. Olsem na Sol em pundaun antap long bainat bilong em na kilim em yet i dai. ⁵ Taim wasman bilong holim spia bilong King lukim Sol kilim em yet i dai, wasman tu pundaun antap long bainat bilong em na i dai wantaim. ⁶ Olsem na Sol i dai wantaim tripela pikinini man bilong em,. Olgeta famili bilong Sol olgeta i dai wantaim. ⁷ Taim ol Israel lukim olgeta man poret na ranawe na Sol wantaim ol tripela pikinini i dai pinis ol lusim biktaun na olgeta i ranawe. Na ol Filistia ol i kam insait long biktaun bilong ol na kisim ples. ⁸ Long narapela dei ol Filistia i kam sekim na rausim ol klos bilong ol dai man, ol i lukim Sol wantaim tripela pikinini bilong em ol pundaun na i dai antap long Maunten Gilboa. ⁹ Ol Filistia i kam rausim klos bilong Sol na katim het bilong em. Ol salim man bilong salim tok i go long ol giaman god bilong ol na olgeta manmeri bilong Filistia. ¹⁰ Ol putim bainat bilong Sol long haus lotu bilong god giaman, na pasim het bilong Sol long haus lotu bilong giaman god Dagon. ¹¹ Taim Jabes Gilad harim wanem samting ol Filistia wokim long Sol, ¹² Olgeta man bilong pait i go antap na kisim bodi bilong Sol na ol pikinini man bilong em na karim i kam long Jabes. Na ol karim bun bilong ol i kam daun na planim long as bilong diwai oak long Jabes na ol lusim kaikai na sore long 7pela dei. ¹³ Olsem na Sol i dai bilong wanem em i no wokabaut stret wantaim pasin bilong God Yawe. Sol sakim tok bilong God Yawe. Sol abrus na kisim tingting bilong man husait i save toktok wantaim ol i dai man. ¹⁴ Sol i no painim helpim long God Yawe olsem na God Yawe kilim em i dai na givim Kingdom bilong em i go long Devit pikinini bilong Jesi.