¹ Farasi gina isuge akivunta'e, tonkiya kamana kaekena gina yaga Jerusalem mekanatama. ² Agatagini kaisa isunda eliya kinamiva naninda nata'e iningiyetasa, nanavika'e, igewa iyapa kamba waninganda nata'e. ³ (Farasi mive jumive nanindava kamba nanda iyapa waningegasimagane. Igeva atawimba kamana pa alaku - ulinda'e. ⁴ Farasi ginami aisanakumatisa mekanamdiniva, nanindava kamba nanda wani paiuri tegane. Togaisanava igeva kamba akayunda igeva ogima aegala'e, mayama kangaveve magavuve waningama, kaisana yavatasa pumalanda malamikenanave.) ⁵ Farasi mige tonkiya gamanda amanda napiyena kaekena kinami Isu avigata'e, ayavikaga eli yakinakambiva alalembagi taveginambi umalandaenava kamba alaketamapa aegala'e, nanavika'e igeva iya kamba waniganda naninda na'e? ⁶ Aeya piya uwimita'e, Aisaia kamana avolama usitaye tigeva kumbali kinata'e, piyamba kamana kaemalata'e, pi wa waya pa iwamutasa kamanau gasa'e, intave napiyenawipa naetasava pagasala wintiye. ⁷ Igeva uinasuwama naetakaya imatitienava vewe, igeva wasanama iumagama kamanaka na'e anutunda kamanane yewe. ⁸ Ka'eva Anutunda tonkiya kamanapa megasima atagambandana tonkiya kamanawa alaku - ulene. ⁹ Aeva iye, tigeva wawayapa atana pundini Anutunda tonkiya kamanakaya tikasiyavuma kamba aegaradini atarimbandana alakumaminda'e. ¹⁰ Moses va iye, tigeva tigeti tinogi tivagi kamana ama amendapindi mindini, aendagavarama anoke avake kavirakivi nava purikiye. ¹¹ Ivemipa kaeva yo, pigo kayagarama avakao anokao piyaikiye. Nana kaomaekenana naetisa maeyembepa pipa Anutu tisa amikenana maeyene, pipa piya iye, Anutu amo. ¹² Piyambakana kaeva atagana tomatomandana avantanave anontanave pikiye. ¹³ Anutunda tonkiyaenawa pundana atagindanava kasagana tuminano. Ivekana tomatomandana pikivene. ¹⁴ Wawaya uwaena gina to kegaema piya uwimitae. Ogima urimo kamana avivo, tageva ayama napiyenalipi atiyo. ¹⁵ Kamba ka aveisaenamava wasanama agupindiva asu inindana pikiye. Paisaina ogiyenama to ganama agakuvakiye. ¹⁶ (undefine). ¹⁷ Ivando isuva wawayapa itate namapindi asuvasita'e, eliya kinawambi avigata'e awame kamana ukamenema. ¹⁸ Isuva utaye, tigeva kangogi napiyena yaga kinakanda vewa? Ava kamba agawe nanavaya avei windimindanama wasanama agupindiva kamba asu inindanavikiye. ¹⁹ Nanavikawe pi windanamava agupindiva kamba ikiye, pi inindanamava wasana agupindisava aidiva iyegi - i wagikiye. Pikamanatasa isuva ayama nanindava kanala nakivene iye. ²⁰ Aeva iye, nanavaya wasana agupindisa nanavaya ilosamindanama windanava piye. ²¹ Piyavegina pindagarama agupindisa nanavaya ilosamindanava, ata napiyena, menguyena, kundagara, wasana alaegutakena, ²² Towinangaetiga pikena o towaema awaetiga pikena, towinandanaga kaoigana pikena, kagovindana, kumbari kamana ikena, akaya sikena, kavirakena, kaeka kage maeteikena, ivonavo ena pikena. ²³ Ayama pindanama wasanava inindanavapotaye. ²⁴ Pitaiva atategina aeva Taire ge Sidon mali wataye. Wasanami nagasanagava kamba naviyema aeva ka namapindi mitata'e. Ivemipa aeya kakakenava kunda potata'e. ²⁵ Piyavutagina ata awamusa ulindi aragandoma anowamba wasanami uta kamana piyama Isu ambindiyema avitegina avaga Isu agisavi amba alakavitae. ²⁶ Eva Grik waene fonisia lupisa. Aeya Isu avigatae ata awamusa amana alagando wamba tindisa agaruwa kasanema. ²⁷ Isu va omitae,'' atagana yagaran tomiva nanintava nagasigitao. Nanavikae yagarami naninta maema kalami amukunombepa kamba ogipikie''. ²⁸ Pinkaemava Isu piyae uwimitae, Tagane, Tavema aivemipa kalaomava yavama amenda pindi yakarami nagasagana ininga tumemipa navewe. ²⁹ Aeva omitae, '' Pimba ugasane, asoyama wagasa. pi atawamisapa aragantova kaitegina wagasae.'' ³⁰ Namangati uma agatipa alagantowapa malungata waitamitae, ata awamusa kamba epipa mitatae. ³¹ Isu irosama Taire ginami bali Sidon, Galili wanita Decapoli ulosatae. ³² Ageve awamupe akuwinda yagara avavute aeta kanatame, amba egama avitae aya aeta atanema. ³³ Isu avavute wanayami atuti isisa umitama, aeva aya age pindi mayo tandana, kaisa ayata potandana, andemula aisagaya putae. ³⁴ Isu va mandali mayo agalindana, tave imu mesu melindana piya utae,'' Kaeya awiye!'' ³⁵ Isu va ageya anitatagina avitae, ivutagina nanamavaya antemula alakulitana wagitagina pavigo kamanapa alaketama utae. ³⁶ Kaisa kinapa anguwimoyoma uwimitae. ³⁷ Igeya pamindami pundini utae, aeva igomandana ogiye namanapie . Ae pegina age kunindanamava avegina awamu akunindanamava kamanapa to iye.