¹ Kaisa yaga wagaitaginava Isu Kepaneam watae, ayaema kinami avitawe Isu nama pindi mitae. ² Ayaema namapindi wa waya amba akiputae,namapa pumewatae Isu mono kamana uwimi tagini. ³ Kaisa kina Isu ti kanatae, ka yagara agisa aya puwanda awapumete tare tare wami wasi lite kanatae. ⁴ Igoma kina pumewa tegana namapindi kamba itae, nama anoti asu akulitama yoni wasana wasala atategana Isu agola tumitae. ⁵ Isu va tare tare wami imatiti wi igategina yoni yagaraga omitae, '' Yagarane, kaindana gape megasue.'' ⁶ Piya putagina, kaisa napi kinami indavipindi tavera napi watae, Isu utami kamana ka. ⁷ Naena agolaka pi ndagara va piya va utae? Eva Anutu akaya kamana utae! Kayagara maga kaindanava megakie. Pipa Anutu asa andoya? ⁸ Naena napi ena ikapi napitepa, Isu va awamusa pisa avaga napigasima uwimitae,'' Naena agolaka tigeva kamana kava tavera napi wae? ⁹ Agisa aya puwanda kava naena paru kamana uwimi kivene, kaindana ga megasue iki vepea, asima wo uwimi kivene? ¹⁰ Ayaema napi iyo esegi enava Anutu ndagara maga kaindanava megaikie. Agisa aya puwanda yagaraga kamana omitae, ¹¹ Naeva piya ugamue, ''Asima waegati wo,'' ¹² Ayaema kina apasa putegana asima avei tumitae. Piya putami agate Isu age asagautae, ''piyaenava kamba aga vombene'' ¹³ Isu pi kuma kaite kotuti watae. Igoma kina kanatae mono kamana avikena. ¹⁴ Isu ka yagara avatatae Alpius ndagara Livai miye mena kumata, piya omitae, '' Negaro'' Eva asima egaratae. ¹⁵ Isu va Livai damati naninda agunda kina mige yoga kina wambige natae, igoma kinake mitatae. ¹⁶ Napi kinami Isu agatae, agunda kinamige naninda namamitae. Naena agoga agunda kinamige naninda nae? ¹⁷ Piya ute Isu avite uwimitae, kendoga yoni kamba kavekanapa tusa yagarava kamba agakivene; yoni kavekana ka agakivene. Naeva agunda kina kegaikena kana tuwe kamba wa kinapie. ¹⁸ Ninda a-aouta'e Farisi kinamige Jon diya kinamige kanamigina omita'e, "Naenama ago wataka Jon eliya kinamige Farisi migeva nindara a-aoegini Isu ka eliya ka kinamira kamba akumba ninda va na'e?" ¹⁹ Isu va piyamba omita'e wama waya mekena pundaginava minda va kamba a-aoikiya igegi mindagina va? Ninda akunikena kanapa kamba'e wama waya mekena igegi minda kivipa. ²⁰ Kaisa yaga va kanakie waya wa atoke kena wagasakana, pitapa nanninda a-aoma mikiveye. ²¹ Ka yagara magava kamba kasa kautasa enava kamba avara kautasa enalapa paguniki vene.Pipa atutu pikie. ²² ka yagara magava kamba oso asa wani pa tigikivene, yamanga alivindiva. Pipa yamanga pa kamba raga puwakie. Piya pusanagava kasa yamanga aliwapi tigeno. ²³ Isu va migaraga kena yaga watae patari yugavindi. Isu yoga kina miva patari asikima natae. ²⁴ Piya putegana Parisi kinami Isu avigatae,'' Naena agolaka migarakena yagava piya enava peye? ²⁵ Isu piyae uwimitae,'' Tigeva kamba isuma agae naena Devit tige, yagara iyawake naindaga ivutagini putandanava? ²⁶ Anutu ininama pindi Davit tiva itae Abiata ininama pindi, eba yagara mitata mita, Anutu ola ininama pisa sa'a asu mema natae,pindanaba ininama tasa eba kinamiga nakenae,kamba aya ema wa waya piye,piya gana,eba ayaema agola mita kinake imitaya? ²⁷ Isu ba piyamba igomata oimitae,''Migara kena yagaba wasana mitendae, kamba wasana mitaba migara kena yaga mandabie. ²⁸ Piyamba kana Anutu dagara maba, eba migara kena yaga manda aba wambae