¹ Yesusiva mvatusa Judia nrambu Jodani mvia tosa'i vinave,visanda nrase ora va'aravano ava mvia nraini nrinda kuaira sianave.Hiva ena Kotira kua mvisa timvamvinave,hiva iyo Kotiva tinemaso hutine. ² Kua hosara rapihia vaindisa mvia raini nrinda mvia hamatenda kua tune,''Kuavano tiso,iyove vaindi mvovano nai nrata mvia ra'uno?'' ³ Yesusiva titotiso,Mosesiva nahinraindave ninra hutuatera tine? ⁴ Mvisa iyavo ,''Mosesiva tiso,vaindi mvovano nai nrata ra'uano mvia,kua sangue mvo tanusano ramvando mvia nai nrata mvia ra'uarive.'' ⁵ ''Mia ni-na mvundusa sangue mvianra rio mvii kuara ramvadenave,''Yesusiva mvisara tunave. ⁶ ''Kotiva iyo hesana hinrainda hutusero vato,ora va'a nraseva'a su'emadenave. ⁷ 'Hitavaiso oravano nai nrosa o'sa piko horo nai nrata va'a kuairasio varianove. ⁸ Va'ana mvisa gua mmvamvana tuevave.'Hitama vaisanta mmitana he va'a tarama varivave,va'a nkua varivave. ⁹ Hitama vaisaro,''Kotiva kuairama ntena mmia he qio vainti mmovano ntuasianove.'' ¹⁰ Hisa horo nrau'i kuaira sinta,sai'avainti mmsa ava mmi kuarara Yesusira sapara sapararuanave. ¹¹ Hiva mmisara tiso,''Tavaintivave nai Nrata ra'usero,nrase mmo varariva,hiva Kotira kua rekasero,mmia horo orasai'a hutisa.'' ¹² ''Nrasemmovano nai ntora piko horo ora mmo varariva hiva Kotira kua rekaso mmia horo orasai'a hutiso.'' ¹³ Hisa horo neri nra'inra mvisa vitenda Yesusira nrai nriani, nriavanda Yesusira sai'a vaindi misa hisa ra'uane. ¹⁴ Sai'a vaindi mvisa mvita siavo Yesusiva hisara nranranutuo misara tiso, ''sevanda nra'inra misa ni nraini nriate, he ne misa ra'uate, Kotira matusavano nra'inra hisara va'a vaiso. ¹⁵ Yesusiva tiso,''Ne uta amaseni timamioko,nrase ora movano re he nra'inra hasa votima varirava ,here iyo ningora Kotira mvtusa'i vinave.'' ¹⁶ Yesusiva nra'inra mvisa vitaso hisa iyetasa sa'u vato puretio hisa suemamvtonave. ¹⁷ Yesusiva visaro,vaindi mvovano nruma mia su'u'i tori hapundo mia saparario tiso,timaminra vaindio'neva'a na hinraindave hutusenave va'ara nrau varia,varirara mia varanave?'' ¹⁸ Yesusiva mianra tiso,re datama vaisarave nienra timamvinravaindi suevao iyaro? He vaindi mvovano suevave ,nronra Kotiva guava suevave. ¹⁹ Ree vaa kuamanra mia rapiaravave,he vaindi ru'utinda,hee nrase oranasinda,hee muanra hutinda,he hunrakua tinda,hee va'ara kua iate,nena nrosa,oosa vesahu matate.'' ²⁰ Vaindi hiva dioso tiso,''Timaninra vaindio,nee nena patasano mvikuasa vatavarena nrina nronratuoko.'' ²¹ Yesusiva mvianra tiso,nee riara mundusa ruoko.Yesusiva mianra tiso,''Ree vmo hinrainda mvonra ee'o'asie mia ,horo hesa rerasiara hinraindasa sariamase ,munima misa varera horo ma'u vaindi hisa mvitera mia ree va'a naunri va'ara hinrainda varenave.Hitasera mia ree nree nii vatane. ²² Hiva mvii kuara rio mvia nronra'amaso vura muanraro hororio vinave.Na'amave hiva va'ara hinrainda va'a sivaindivave. ²³ Yesusiva tu'anda nai sai'a vaindi hisa aako mvisa timvamvio tiso,''Riate,va'ara hinrainda va'a sia nrase orasa hee naunri nigora mvatusa'i vivave. ²⁴ Yesusira sai'a vaindi hisa mii kuara rienda mvisa oramasenda nrisara sianava.Avaa Yesusiva hisara tiso,nra'inra hasa'o,Kotira mvatusa'i virava nronra amaso virivarima vaiso. ²⁵ Iyove Kamerivano vu'a hanra'i kuano,hitavaiso va'ara hinrainda va'a siari vaindiva hee iyo naunri Kotira matusa'i kuanove.'' ²⁶ Yesusira sai'a vaindimvisa mvikuara rienda oramase nrisara sinda orama neri hutasa va'ara kuatinda iyavo,''Hita siranda vai'a dasavanove hesananrau varia varirara mia varanove." ²⁷ Yesusiva enaa hisa timvamvio tiso,"Vaindi va'a mvia heiyove ,na'amave ,Kotirava'a mvia iyove,Kotiva iyo hesana sai'a mia hutuanove." ²⁸ Pitava Yesusirava'a kuatio tiso,"Akane tee hesanasa tetasiora hinraindasa pikenda nrinda rii vatoro." ²⁹ Yesusiva riso,nee uta'amasena ritimvamvioko ,davave nai nraupiko,nai atavasa piko nai mvata piko,nianra va'a Kotira kuarave. ³⁰ Hiva nai nanasena Kotiva 100 nrau mia suema matanove,dasave Kotira kuasandai muanra varesa misava'a Kotiva suemamvato,hesana nrau vai mvanra unrara misa mianove. ³¹ " Vaindi nrase ora va'aravano torua variasa nrandara varivanda,nrandara nrandara variasa toruavarivave." ³² Yesusiva vato vaindisa Jerusarem iara kuavaro, Tesusiva hisa toruari vinave. Yesusira vato vaindisa nrisara siavaro, nrase ora misa vatosa oramasenda satu sianove. Nrandara Yesusiva nai disaiperi 12 misa vito horo mata vaindi hevarianasa vato misava-a kuatio nahinraindave nrandara ovara sinanra kuatinave. ³³ "Teva'a Jerusalemuniara kuaranda va'a Kotira mvapu mia tusevainda vitenda horo iyeta vaindi mvivanda, va'a hisavano mia ru'utusevave. ³⁴ Hisa va'a miasa kuanu vihinda, minra kua mvo ana tivave, mia ru'utinda mia ru'utu sevave. Mia ru'utusevo va'a tiripara hisara mvo anando va'a hiva avana dio kuanove.'' ³⁵ Zebedira mvapu,Jemsisa,Jonisatana nruma Yesusira sapara sinda iyavo,''timamvinra'o,iyove tetana rii sapara ruora hinraindara mia hutinave. ³⁶ Iyavo hiva ava mvitana saparario tiso."Nahinraindave nitana mundusavaina nivano hutuariverave iyavo?" ³⁷ Mitanasa iyavo,seraenda tee horo risuera mia'i variare,mvovano hinai sandodanai variro,mvovano hinai sana anai variarive. ³⁸ Yesusiva hitana tivmamio tiso,"Netana nii sapararuana mia netana herapiavo,iyove nrambu nee nrona mia netanava'a nrevavesiso? Iyove nee nrambu varona mia indai netanava'a nrambu varevave. ³⁹ Mitana ava Yesusira timvaminda iyavo."Tetana iyo vararave ."Yesusiva ava mvitana timvamio tiso,"Iyo uta' amase,nrambu nee nronaindai nrenda nee nrambu varonaindai varate.Kotira suera,mia sa'u hinai hinai varira mia heni sai'a vainave. ⁴⁰ Kotira atsuina mia sa'u hinai hinai hinai varira miaheni saiavainave.A'o mia nai Kotiva vaindi nrase ora teramadesa varevave." ⁴¹ Hinri 10 vaindi hisa mvikuara rienda oramasenda Jemsisa Jonisatana mvisa nranra nrutuane. ⁴² Yesusiva misara maee timvaso mvisa timvamio tiso,nee akavanda nrase orasa hinatua vaindisa mvisa avamisa iyeta vaindi mvisa orama senda hisasano hinatuanave. ⁴³ Nevano hee mvitasiate,nina hutasando vaindi mvovano hitasianomvia mia hiva va'ana nii sai'a vaindiama varianove. ⁴⁴ Davave toruariama variano mia,hiva nii sai'a vaindi varianove. ⁴⁵ Kotira mvapuvano hee matahano vaii sai'a mvo sahoano tuninave.A'o, hiva mvata hano hesana nrase ora variasara mvanra unra mia soavoti piko hisa sahoano tuninave. ⁴⁶ Yesusivava'a mia vato vaindisa mvata Jerikori rnianave.Hisa mvata Jeriko mia pikenda kuavanda nrase ora va'aravano mvisa vatone.Vuara vaindi Batimiasiva,Timeasira mvapuvano,hesananrau hatoru tosasano vario munimanra nase ora misara sapara rivave. ⁴⁷ Hiva riesanda iyavo Yesusira vaindi nasaretinava iyavo, hiva nrisarasio nronra a-maso hasararo tiso, ''Yesusio Devitira mapuo rennieara mbo asiane.'' ⁴⁸ Nrase oravano mia hinronrasinda iyavo he re hitasiane iyavo hiva ava hasararo tiso,'' Yesusio Devitira mapuo nianra mbo asiane. ⁴⁹ Yesusiva rio mia horo vario tiso,'' vuara vaindi mia vitenda ninraini niate.'' Nrase oravano mianra iyavo, amanrama diesera kuane riera hasarareso.'' ⁵⁰ Hiva amanrama dioso nai burua'a vapa mia piko Yesusira nraini vine. ⁵¹ Visaro Yesusiva vuara vaindi mia saparario tiso, ''Ree iyane nee va'a naa hinaindave risahu tuane? ' Tisaro hiva tito tiso. ''Timaninraho ne vuakanenave. ⁵² "Yesusiva miana tiso, Kuane. Rira utave tirava ri sahoanove, Yesusiva hita tisaro mia vuvano bairesaro vu ako yano Yesusira vatavaro vinave.