1 Tesaronaika
Kua 3
1
Tee ninra nronra sato ti hitamase iyoro he tee ni saradanne tivaqa hantaranrau variate, tee hitama sato tuoro, suqema mmu vaqa, tee Aatenis hipi variare.
2
Tee teta qatavasa Timotira Kotira saiqa vaindi mmia titarao mmiva Yesusira kua qo nni sangue ama dero mmi kuava hiva nni sahaqero nne utare tina miavaqa sahaqa siari.
3
Tee hita siaro mia heqio vaindi mmo vano mmi muanranra Kotiva nni raunta timma nte na mmia.
4
Uta tuananranra, tee nivaqa varinda va'a nni timmami ita hioranae tee vaiqa muanra vararanave, vaa mmi kuara riava hiva mate ovarasisanda vaa nee hintuta siavo.
5
Mmi tuqara sara, nee Timotira titokaa ni nrai vunae. Mmo naqamave, nee mmia rapihia nare heve rapinta? Hua vainti hamatere ni hamata serantane mmia hamataraqi tumarivao nrau piri siu qumina hinrainta qasino nrave.
6
Timotiva nni horo ako hiva suqe mmasasa vaqa nriotiso hisa utave qiavavaqa vaindi vura mmia hosara vano hiso huta sagueqama vaiso. Timotiva ti timma timio hita tiso, nee tira satoantinrasu tute ti ruma akare hutunave guaqarma tevaqa nni akarentave.
7
Ata vasahasau, hita siananra ti, nee utave qiava hiva muanro hitaqi tinoma vaina timmive muanra vasoranae.
8
Nee sankue amase Nronranra utave hiana hinontao tee Nronranra qutave hiorava hiva mmanra qunra vainae.
9
Tee ninra sato tinda mmo vaqa Nronra Kotirara mmoqaro ranae, tee Nronra Kotirara suqemave qiorava hiav eqio Kotirara mmoqaro rana mmia iyo ama te nave.
10
Tee hisara henaqi Kotirara saqu vararao ti hitaru hatuaseqe nni vuri akenda nee utave tina sangue ama mmatare.
11
Kotiva ti ova nai hiva, Yesusiva nronra hiva nai ti hataru taravite ra'e horo nni aakare.
12
Sevao nronra vano nni huruma seranda nee nainra nainra mmudusavatate, tee ninra mmudusa vatora nemase nee mmosara mundusa vata.
13
Sevao nai nronra vano nni sakue ama nateranda nee tasuquse varivao he mmo kainama vanovaqa Kotira vusa vasirao Yesusiva avuavu mase varia nraaseora hambata tunuanri.