¹ Sisasiva mwi mwantara mwarura pisatero , viro mwo mwata Suntiave tura siqi Sotai nramari tosani uronoe. Nraase qora aarivano mwira mwata mware vura. Nauka utinema mwisa natisira timwanira. ² Parisi mwo nra mwo vano nrima Sisasiva mwataara sirerauta mwira saparasura , " Quqave vaintivano nai nraata so tuta pisanaro?". ³ Sisasiva mwisa timwaniro, Mosesiva qimara nare tiro? ". ⁴ Mwisa mwira timwamwinta titanta, Mosesiva tiro vainti mwovano nai nraenti raaquta tisairera mwiva raaquta saini tunura qara numwa sero mwia so raaquta saanaro. ⁵ Sisasiva mwisa timwaniro," Mosesiva mwi kuamwaara qarantumwatora mwo uaraqamave, ini visosa vano kempusa qamasero mwira raaqusaniraqi mwarira. ⁶ Vuni qamasero qesa inraisa mwata mwaaqa Kotiva vaintivaqa nrase vaqa ututaira. ⁷ Mwi osaraqara vaintivano nai nrosa qose pise iro nai uraenti vaqa mwarira. ⁸ Mmwitaasiranta mwitana sia mwoqa mwoqa mwarirainta mwisa gua mwamwana qai mwarira. ⁹ Mmwitaasiraro nara inraisave Kotiva anuatanira, sia vaintivano nuvura saanaro. ¹⁰ Sisasira uraaqiara nauvuanto nramwiqi mwariqanta mwi kaurara qava sapara sura . ¹¹ Mwiva mwisa timwaniro titaro," Mwo vaintivano nai nraata raqusarera, mwi vaintiva sampi qaranira. Mwiva qaraasa nraase nraata qava mwa raivera, mwiva mwiavaqa sampi qaraa osarara utuanaro. ¹² Nraase vano nai vaati pisero mwo vainti mwarero mwivavata utuanaro". ¹³ Mwisa niari nraaqiara ntitavare Sisasiva mwisaqa sauqu mwarari tiro suvanta mwia nraaqiavavuvano mwisa raaqusara. ¹⁴ Sisasiva takuaianta nraaqiaranavu mwi osarara utuvaro mwira rara itaisara mwisa timwaniro." saivanta nraaqiara pata mwisa ne siarinani nriate, sia mwisa suvaivate, naraqamave, Kotira mwatusevano ntasave nraaqiaravano mwarianema mwariasani vasira. ¹⁵ Quqa tanara ne ri timwa mwuko nraase qoravano si nraaqiara pata voqama mwarivera mwisa siama so Kotira mwatusaqi vivara". ¹⁶ Mwiva nraaqiara pata mwisa vita tutero mwisa suqema nataira, mwisaqa sauqu mwaraira. ¹⁷ Mwiva nrai nraaqiara nramwu sampata vuvaro, vainti mwovano saneero Sisasiva sunani nruma tori santa napuntaviro mwira sapara sura, "Suqe vuaato niara vaintio,ne naantamaseve qesa ena qesa ena suqemase vai mwara quraraa mwaraanira?" ¹⁸ Sisasiva mwira timwa niro tiro,re naraqamave suqe vuaato niara vaintio tira?Sia suqe vainti mwovano mwata mwaaqa mwarira.Kotiva guava qai mwisa suqesiva. ¹⁹ Re vaa kua mwaanra napisiaaro, sia vainti rusai raro utuari, sia sampi qaraate, sia mwosa sira muanra varane,sia aairi kua sampi qamase tia,re rena nrosa qosa kua riane." ²⁰ Mwi vaintiva Sisasira mwi taaqase tiro, suqe vuaato niarao, ne pata varina qesa kuamwara vatamware vurave. ²¹ Sisasiva mwi vaintira takuero, mwirara mwanra ntiramwm mwira mwimase timwamiro titaro, "Re gua inraisarara qeqo qasiaro.Renane vira rena sina aaisara soqaranira, mwi munimara mwarasera qumina qama mwaria vainti nrahentisa nia. Re sirava aairi aisa navuni vasianira. Re ni mwata vaarera nia. ²² Mwiva mwi kuara riero, mwiva si quasarara utiro, visosa muaranero vira, mwo naraqamave mwiva aairi aisa mwataiva. ²³ Sisasiva nrai nraqiararamwu takuero timwanura, "Riaane,sia so vaintivano aairi aisa mwataariva Kotira mwatusaqi viqetanira. ²⁴ Mwisa Sisasira kua rienta isaarama vinta.Sisasiva mwisa qava timwanira, "Nraaqiaraso, sia qisaasamase Kotira mwatusaqi vivara. ²⁵ Mwia soma Kameri quaaravano vaqa iriraqi nuqiarariva vasianarove, siama so munima vaintivano Kotiva naqisi mwatusaraqi,vuanaro. ²⁶ Sisasira nraqiara ramwuvano mwi kuarara qisarama vinta niari nramwu aairi kua tinta,"mwita sirera, ntavave esaa ena esa ena suqema mwarira mwaraqura mwaranaro? " ²⁷ Sisasiva kuantaviro mwisa takuero tiro," Vainti vatamasero mwia sia soqasira Kotiravata mwira soqasira, mwo naraiqamave,sia mwo inraisavana Kotirara sia soqasianaro. ²⁸ Sisasiva mwi kuara timwasaisaro,Pitava Sisasiravata tiro, " Takuane, tire esaa tenta suna aaisara senta ri vataqi ruro. ²⁹ Sisasiva tiro, " Ne quqa kua niara tuko , vaintivano nrai nramwuve nrai qatavasa unrarasaave,nrosa qosa, nraqiara, nrai mwatave, niarava ni kuarave vuaato tirera. ³⁰ Mwiva mwi iraisara saira , nrai qaiqa 100 tianani mwaa mwataraqa mwariro mwaranarove.Mwi inraisara mwira nravue, qatavasa uranasa,nrosaqosa, nraaqiara mwatave siso, nraaseqoravano Kotirara quqave tinntamuaara varera. Mwisavata esa ena esa ena suqemase vai mwara quraa mwarevara. ³¹ Mwitaa sisaro esa vainti nraenti ntasave naantiara mwariasa vuni vivanta ntasave vuni mwariasa naantiara mwarira. ³² Naantiara Sisasira nraaqiara navuvano suqu tutase Serusaremini vuvaro Sisasiva mwisa vuni vurama. Ne takuaivanta te vurura Serusaremini vuaranta, mwisa nrima Vainti Nraaqiara tumwa renta uro saivanta Kotira saiqa mwate vaintisa mwisa vunyaa vainti nramwu vanovata kuai mwaara osara ti mwaria vaintisa vaqa mwisa mwirara ru saate tinta ni mpitaqita uro Romeni mwatanaasa sauquqi tuta saivanta ni ruse varave tiro. Mwisa nusara kua taara visanta mwira nuqutuse mwatenta mwira ru saivaro qutira,naantiara taramwo qisara mwiva qaiqa nti vuanaro. ³⁵ Semisiva Sonisa Sempentira nraaqiara tana Sisasira sapara sinta, '' Suqe vu aato nirao, tiri sasasira mwo inraisa utuanera ri sapara suro.'' ³⁶ Mwiva mwitana sapara siro,''Netana nara inraisa utu natari tintae tinta.'' ³⁷ Mwitana titanta, saiqe teetana ri vaqa tasuqiraqi mwariare,mwovano ri sauqu tuanarani mwarisaro mwovano sauqu saanaqani mwariare.'' ³⁸ Sisasiva mwisa mwitaamase timwa mwiro tiro,''Qine tana siae napisiavo mwo inraisa qini sapara siara soe ne nraani kaapura mwiqi qinetana nevara? So qinetana nramai soe ne mwarau nemase nramai mwarera?'' ³⁹ Mwitana mwia timwa nintata tinta ,''Netana sove,'' Sisasiva mwitana timwa niro, tiro.''Quqa qasirera qinitana ne nrau kapuraqi nraate, ne nraamai mwarauraqi nramai mwaraate,tura.Nivatamase mwatasa Kotira vuruqa saqu tarura mwini vatamase ni saqu saanaaqani mwarira. Sai ne sura. ⁴⁰ Ni sauqu tarura ni vaqa saana qani mwatasa mwanrira, sia nesura qini nuko,siave.mwisa ntasave mwarate tiro vaa temwa namwa taira. ⁴¹ Nraaqiara sini 10 nramwu vano mwi kuara rienta Semisisa,Sonisa qinrora sura ⁴² Sisasiva nrai nraaqiara nramwu ntunu nuka masero timwa niro titaro,qini qiata vainti takuentave ntava mwisa naqisiro mwo sia nraase qora naqisira.Mwisa nrora vainti vano naqisira. ⁴³ Qini sia mwi oosarara utuaatea, qini qintai mwo vano vutaa qa qiata vainti mwovano mwarirera mwiraa sai qini saiqa vainti mwariari. ⁴⁴ Ntavave qini qintai vuni qamase vaiso, mwiva qini saqa vainti vaiso. ⁴⁵ Vainti nraaqiara vano tukira mwiaqa sia te mwo saiqa mwara mwitaarara, sia so. Mwiva nrai mwara qura qsaara nira, saau soqa mwo qamase esaa nraase qora soqaama taira. ⁴⁶ Mwisa Seriko mwatusani uronora, Sisasiva nrai nraaqiara nramwu vaqa Seriko tutasenta vuvanta aairi nraase qora mwisa vatamware vura. vainti mwo Timiasi rave tura nraaqiara mwira utu Batimiasiva. Mwiva aara toosani mwaritaro vainti nraentira monuara sapara sira. V 47 Mwiva riai santa Sisasiva Nasaretina niare tiavaro mwiva ntiviro aasara namwasero titaro, "Sisasio re Devitira nraaqiara ve niara mpo qasiane." ⁴⁸ Mwitaa tuvanta vainti nraenti vano mwirara qao titanta qinrora sinta suvaro mwiva qaiqa nroara qamasero aasara nero titaro,"Sisaiso re Devitira nraaqiara ve niara mpo qasiane." ⁴⁹ So Sisasiva riero mwiva suvaiqiro titaro, "vu qimpai vaintira mwite nriane." Nraase qora vano mwira timwa mwinta titanta, "Re qamwanrama nti vua! Mwiva ri aaraiso." ⁵⁰ Mwiva qamwanrama sero ntiviro nrai vaaqa pisatero Sisasiva sinani sane vura. ⁵¹ Sisasiva vu qimpo vaintira sapara sira. "Ri sasa sira, nara inraai save utua nira?"Tuvaro tiro, "Nrorao,ne qava takuarerave." ⁵² Sisasiva mwira timwa mwira, "Qamwanramase mwira qava vu mpairai saro mwiva Sisasira vatamware aaraqa vira.