¹ Igimam, Iyahta kam gineh ta boldaqta na teq in kam ezaqta gwatimta na agamukan araq i ne giyon a hi mar tonam. ² Na ezaqgo ne ginad tiqem hasad osiy. Iyahta taboldaqta akaman na in bilaq ne mat araq rin tonaqta na tarowab boldaqta nazaq nazaq nog iydaq. ³ Mataw bilaq daqay. bab tihiqiy bug haq daqay . I nagah araq a hi rabunad i ginad dimniysa tuqosam haq daqay. ⁴ Ari i gimaq baban,negmo teq romriqab a hi osiya.Nazaq iyan kam na bo gwahtiqsa ne a hi riten daqay,bilaq ne mat rin tonaq ta nazaq nog ne a hi riten daqay. ⁵ Ne bunmo saw anuwanib tu gwahtiqim osayta.Osad ne saw anonon mo ahol waqayta.I mataw romriqab ta a haiq.Ad i taromab saw ahol a hi waqad luwauqta nazaq i a hi emauqmo. ⁶ Nazaq iyan mataw ta asor na gime rursa usayta nazaq nogmo i hi usuq.I gime rireqeq ginad hastitaysa asuq. ⁷ Na ezaqgo mataw gime rursa usayt na in taromab mo usayta.Ad mataw yuw atoranta uluwim gifaqin hulosayta na in taromab mo yuw uluwayta. ⁸ Ari igmo on mataw zeqab ta.Nazaq iyan i ginad histitay sa osug.Ad i ginad God anan helmo haqauq ta na teq i on mataw ginan ginad bilaqaq ta na in bilaq ne tubusan ain ibta mataw gihol sihenim teq bab emayta nazaq nog i giholib usan. ⁹ God i gitowun eman i in ago agem meqniy waqgo a hi osaquta haiqgam.I gigo Iyahta Yesus Krais i gimen dante wistitayan God i gilum siheq giwaqid i in ago os dimunta waqgo tiqiyim osauqta. ¹⁰ Yesus anad i kayeqmo osad i inaq osamta haqaq.Teq in anad i moqeq in inaq tuqosammo haqaq.I in inaq nazaq tuteqmo osamta haqad in i gimen momta. ¹¹ Nazaq iyan ne an ulumsihad an zaway ugayta nazaqmo ne tuteqmo emad ne daq na hi hulosit. ¹² Ari i gimaq baban, i kazaq atoran nog ne gibilonauq.Ne gigo mataw danmebta ne gilik manib God ago kabiy emsa ne in giqez huriytiy haqauq. ¹³ Ne mataw aseseqta na gigo kabiy anadin emad ne in ginan ginad bilaqsa giwaziniy.Teq ne bunmo zib alowabmo osiy. ¹⁴ Teq i gimaq baban,i ginad awaz meqin amalib kazaqne gibilen augmo.Mataw gituw haiqta na ne ginad wastitaysa in gituw inaq iyiy haqauq. ¹⁵ Mataw daq meqinta negsa ne amenim daq meqinta hi negiy.Haiqgam.Ne an dimun tonad osad ne on mataw God ago maror asan ban osayta na bunmo gidimun toniymo. ¹⁶ Kam bunmo ne ginad dimniysa osiy. ¹⁷ Tuteqmo ne God inaq gamuk emiy. ¹⁸ Kam dimuntab teq kam meqintab inaqmo ne daq bunmo giholib gwahtiqaqta na ago ne God esey ugiy.God anad ne Krais Yesus aholib soqotim osad daq nagzaq emgo in anad bilaqaqta. ¹⁹ God ago bugaw dimunta ne gilik manib kabiy emsa ne hi wolmiyiy. ²⁰ Ad mataw God ago nantut bilaqsa ne gileh hi negiy. ²¹ Ta teq ne gamuk bunmo ulum kemad gamuk dimunta naqmo ne waziy. ²² Wazad ne daq meqinta bunmo aban diq emad pesanmo luwiy ²³ Ari ya ne gimen God kazaq bulonaiq. God haqaiq, ninmo i giqeman i gigem kiskismo usaqta haqaiq.Nazaq iyan ni teaslonaika on mataw na giqemid in ningo on mataw tawon diqta iyiy haqaiq.Ad ni in ginad teq giwitan teq ginon bunmo wamuzsa in dimunmo titnoneqmo osiy haqaiq.In nazaq ossa le i gigo Iyahta Yesus krais ta boldaqta. ²⁴ God ne gililewunta na in i gilumsihnan bilamta nazaq diq in emaqta. ²⁵ Igimaqbaban, ne i gimen God buloniymo. ²⁶ Ari God ago on mataw gigo daq titnonta na amalib ne an zeq dimun ugiy. ²⁷ Ya Iyahta abinib gamuk awaz meqin diqta kazaq ne gibilenaiq.Gamuk kawa i ne gimen mar tonta ka ne i gimaqbaban nab osayta na bunmo gibilensa in huritiy haqaiq. ²⁸ Ari, i gigo Iyahta Yesus krais agem dimunta negsa ne osiy. Nawaqmo.