¹ Ari Yesus uliq na hulosim inmo ago uliq diq Nasaret-ib lehsa in ago disaipel muzin inaq tilehiy. ² Sabat akamnib Yesus le Judah humab wolim lotu emaitab gwatiqim in mataw God ago gamuk tigibilenyaq. Gibilensa mataw kabemmo Yesus ago gamuk huritad in gihol turu nemsa bilaq yaqay, mat ko gamuk bilaqaq na in idob diq wam? Haq yaqay. In anad usaqta ko izaq diq in wam? Haq yaqay. In izaq diq tonim anad emsamo nagah gwahtiqaq? Haq yaqay. In izaq diq tonim anad emsamo naga gwahtiqaq? Haq yaqay. ³ Mat ko in igmo gisenlul araq haq yaqay. In bitmo emaqta atatin araqta haq yaqay. In anen mariya teq Judas teq Saimon kawa osay haq yaqay. Teq ahihan kawa i ninaq osauqmo haq yaqay. In nazaq haqad Yesus anan gigem timeqniy yaqay. ⁴ Gigem meqnyisa Yesus gibilan, mat God ago nantut bilaqaqta na abin uliq bunmo usata ham. Ari inmo ago uliqab teq in asen lulib teq in ago bitabmo diq in ahol abin haiqta ham. ⁵ Nazaq iyan in daq azawayin inaqta araq diq uliq na a hi emyaq. In mataw gigo moq inaqta naqmo amilik-amilik mo giholib aben emim giwazsa in dimniy yaqay. ⁶ Teq mataw uliq nabta na in anan helmo a hi haqsa iyan in anadnad emyaq. Ari Yesus saw nab uliq-uliqgo luwad in God ago gamuk on mataw tigibilenyaq. ⁷ In nazaqmo emad luwim kam nab in ago disaipel twelf na gibilenan boliy. Bolan inmo ahol abinib bugaw miqinta gimuzgo azawayin in negim teq in giqeman giger giger tilehiy. ⁸ Lesha in gibilan, ne lehad es araq waqeq ad hi lehiy ham. Ne katekmo wazeq ulum ugeq a lehiy ham. Teq ne ziy araq es sihengo hi waqiy ham. Ad didaq araq neqgota a hi lehiymo ham. Teq mani araq ne giholib hi usanmo ham. ⁹ Ne gigo gisen dugan gisenab tigiem daqay ham. Teq ne tubusan gigermo gihol siheneq ni lehiy ham. ¹⁰ Haqad in gibilan, ne uliq araqab le tugwatiqeq bitbitmo leheq hi osiy ham. Bit amilikmo ne os daqayta nabmo ne osiy ham. Oseq teq ne era uliq araqab lehiy ham. ¹¹ Ari ne le uliq araqab gwatiqid mataw uliq nabta na in ne gibaymuzad gigo gamuk a hi hurit sa teq ne uliq na huloseq uliq ta araqab lehiy ham. Lehad ne gisen aqogin uliq nab wolhamid woqan ham. Woqid teq mataw na in gigo daq na anadin tiqem daqay ham. ¹² Haqan disaipel lehim on mataw gibileneq bilaq yaqay, ne ginad biliyeq gigo daq miqinta gileh ugiy haq yaqay. ¹³ Haqad in bugaw miqinta kabemmo gimuzad teq in mataw gigo moq inaqta na giholib masil emad giwastitay yaqay. ¹⁴ mataw saw nabta gigo King Herot in Yesus abin tuhusit. Na izaqgo Yesus abin saw bunmo lenim ayah tiyiy bug. An mataw asor in anan bilaq yaqay, Jon mataw huz negyaqta na moqan God hodhod ab wazan ta iram haq yaqay. Nazaq iyan in aholib zaway ayah mo usaqta haq yaqay. ¹⁵ Mataw asor bilaqiy, ko Eliza haqiy. Ta mataw asor bilaqiy, ko profet araq kazimo ta daqaq. ¹⁶ Teq Herot huritim in bilam, ya Jon mataw guhuz nega ta anat urot na ta iram daqaq ham. ¹⁷ Herot in mataw gieman leh Jon matawon guhuz nega wazim a leh kalabus-ib emiy. Na izaqgo, in Herodias waqgo, aw na in amaqbab Pilip ago aw. ¹⁸ Jon in Herot bulon,na in daq dimun haiq ham.Ni nima bab ago aw waqgo. ¹⁹ Ta teq Herodias in agem meqin diqan Jon ago-ib iyan in ahol wolqem go, ta teq in a hi am. ²⁰ Herot in Jon go-ib in rab.In ago hurit diq kam,Jon in mat araq dumun diq ta. Nago Herot in aninonmo waqmuz yaq.Kam Herot in Jon ago gamuk in huritim in agem diq meqniy.Teq in agem kiskis ta in ago gamuk tuhurit yaq. ²¹ Ari abeb king Herot anen amta na akamun tugwahtian in ago ofisa teq soldia gigo kapten teq mataw aseseta uliq Galili-ib ta bolan in giyon tamaz tuwaz nag. ²² Herodias ago amunaw mo bolim in mataw na gimeb dor.In Herot teq mataw tamaz nab boliy na gilauwun yaq.An herot bulon, ni nagah go sisumun yagdaq naya nigdaqay. ²³ Herot in inaq gunun tiam.Ni nagah ago sisumun yaqdaqna ya nigdaiq.Ni yago maror ago sisumun daiq na ya nigdaiq mo. ²⁴ Ari in asanib lehim in an en bulon,"ya nagah diq ago king sisumun ugdaiq?" anen bilam," Jon mataw on guhuznegaq na afaqingo susumunug ham. ²⁵ Hidmo in king go-ib lehim in bulon, "ne Jon mataw on guhuznega na afaqin deg arab emeq abo yag ham. ^{27 28 26} Teq in ago gamuk muzim, nago in inaq gunun teq mataw in tamaz-ib boliy na gimeb in bilam.Naqgo in soldia araq bulonan le Jon afaqin waq abol go bilam.Ari soldia na in lehim Jon afaqin kalabus-ib tuqurotiy. Jon afaqin in deg araq ayahta emim a bo Herodias ago amun aw ugan in a leh anen tuqug. ²⁹ ago disaipel in huritim bo asan na leh hodhod-ab tiqemiy. ³⁰ Ari aposel bunmo mileqim Yesu ago-ib lehim wagam bulonad teq on mataw suleqnegiy na inaq mo. ³¹ Ari abeb Yesus bilam, "I leh saw mataw-un haiq tab leh ginamur asitmo waquq ham." Izaq go on mataw kabemo bolsaq i ginamur asit a hi emqay. ³² Naza iyan in kamis-ib mui tab gwalim in saw amataw-un haiq tab lehiy. ³³ Teq in lehan on mataw kabemo in gigo tuhurytiy ham. ³⁴ Kam in yuq adekib lehan, Yesus in on mataw kebemo diq Humab wolim osaq in gibiy. Yesus in gibiyim in anad diq meqniy. Nagago? In gibiy na bilaqne sipsip amam haiqta ginog iyan nagah kabemo ago suleq tinag. ³⁵ Kam zeq woleqsa Yesus ago disaipel bolim tubuloniy, "uliq ka amataw-un kabemo hibolsa mo tarow tiyiya." ³⁶ "Gimuzid in taun araq gigo uliq adeqkib lehe teq ingimo didaq naguneq neqdaiq." ³⁷ Te Yesus gibilenim bilam, ne gigo nagah araq negid in neq-iy ham. An in bulonim bilaiqiy, " I leh bret tu handret silva koin go zaiqe negan eh haiqiy?" ³⁸ Ari Yesus sisummunim bilam. " Ne bret ganim wazai ham?" Ne le gibiyi ham. Kam in nabiq waqim in buloniy, " I gigo bret abainagin teq nabiq giger usa haiqiy ham." ³⁹ In gibilan, ne humab amikamik emiy ham. ⁴⁰ In handred teq fifti naza in humab araqab os yaqay. ⁴¹ Yesus in bret abainagin te nabiq giger waqim ameq ulilib hevenib gwalehsa in bulauton. In bret horaiyim ago disaipel negid eq onmataw negqdaiqai. Nazamo in nabiq giger nab am mo. ⁴² Onmataw bunmo in neqim in giyunin. ⁴³ Disaipel in dadaq abeqyan na humab wolan twelf kuram iy. Nazamo in nabiq goib emiymo. ⁴⁴ Mataw faif tausand nazaq in didaq na neqiy. ⁴⁵ Hidmo Yesus in ago disaipel gieman kamisib mui tab gwalim taun Betsaida asorgerban lehiy. Abeb teq in on mataw gieman haresmo tilehiy. ⁴⁶ Kam in tilehbugan, ari in garahab gwalehim in beten tiam. ⁴⁷ Tarom tigisihan teq ingigo kamisib mui na in kamis ameq aliab tu-us. Ari Yesus amomoq in garahab in os. ⁴⁸ Yesus in gibiy na in gigo kamisib mui na muz go gigo zawai haiq diq. Nagah go, tim iyahta iraqim gigo mui wolhasa iyan. Ari kam tarow tiqigan tonsa in iraqim yuqmeq amalib tubol. ⁴⁹ Ari kam in Yesus yuqmeb bolsa in ahol waqad in ginad emiy. Ko gises bugau ag haqad in lilay-yaiq. ⁵⁰ Nagah go, in ahol waqim in bunmo rabiy. Ad hidmo Yesus in kazaq gibilan, " gigem kiskis iyam!" Ka yamo! ne hiy rabiy ham!" ⁵¹ Yesus in gigo mui aduganim gwati an mo tim midem tuwon. Disaipel in aholim in gihol truh nam. ⁵² Disaipel in bret ago a hi husit kemiy. Naza iyan in gigem in atoran diq. ⁵³ Kam in yaq akuroran na urotim tilehan, ari in bo og araq anan Genasaret haqai-tab in gigo mui ale yuq adeqkib emiy. ⁵⁴ Kam in mui asanib gwatismo mataw bunmo gigo tuhuritiy. ⁵⁵ Ad in iraq sibim sau binmo lehad mataw gigo maq inaq na giwaqim giad Yesus agerab tuboliy. ⁵⁶ Nagah sau-nib in lehad uliq o taun o kantri-ib, mataw ib, mataw gigo moq naq gieman maket emaiq ta nab osaq teq in Yesus sissumun ugid in gihilosid in ago tubusan waz go. Naza iyan mataw gigo moq inaq na kabemo tidimniy.