¹ Pigo Sabbath ata wagaitaga nava, Meri Madalin ge Mariya Jemis anowanpa ge Salome giva kaisa agunda yanda ikapurite igeva pigo Isu aruri watae. ² Agovima amaru yaga pavi sondara pa irosagagina kaga aruri watae. ³ Igeva uma uri ampa uri puma iyogi kasa piya utae, arurasa kavira ka yava waintipa kevaya maegai kiye ma?" ⁴ Pigo igeva maro agaetapa ka yagara ma ago yavapa maegaitagini maro agatae kana yavapa ka tave yava ta kane. ⁵ Igeva asu pai ma kana aru agepinti agataepa ka masimavi yagara e'ero ewasa kukena potate mara mitatagini aya takanti agate pami pami puwae. ⁶ Eva piya uwimitae, "Tigeva a tiyekuruva piyo. Tigeva agiyosae Nasareti isa Isu ka, U yara its atataeka. Age eva to asiwate, To eva matapa kampa mintiye. Agaiyo ama agutama waitateipa. ⁷ Piya tigeva wama kayokaya yagara wape Pita kave titate ago Galili wagasaema . Piti tigeva aepa agakive, ago ewa ugitisa puma. ⁸ Aruvintisa avei irosama karuena watae. Igeva iyekuru puma tavera puma ka kakanamapa wasanava kampa uwimitae. ⁹ Ka sondara agovinda amarusa yaga ainti ae asiti, eva ago Mariya Madalin ta avoragaite eva pinkae ago Isu wa ata awamusa maegainta. ¹⁰ Ege mitatae kina miva indara ena puma kuve ena puma mitatae gana wama uwimitae. ¹¹ Igeva avitae eva aogama mintie ma piya utaginiva igeva kampa imatitipa enava putae. ¹² Piya emana aka iva to ka yagara kanda puma tara yagara Isu kayokaya kina pisa, pigo kei wama mintiniva. ¹³ Igeva gaga wama uwimitae gaga kayokaya kina wapa igeva kampa imatiti putae tisigeva ago agasemava. ¹⁴ Isu va pita kanatae ainti kaga kayokaya kina wa yagarageva mara mintu meta, eva esegi kamana uwimitae nana viyema kampa igeva imatiti pe ema, ige intara esegi piye, kampa imatiti putae Isu purite asitagini agatae kinami utae kamanapa. ¹⁵ Eva piya uwimitae, "Tigeva wama uwimiyo aogi kamana kaga mampavinti mintae kinapa. ¹⁶ Kendo amatiti puma wani maekivi, Anutu va epa to avavikiye, to kendovaya kampa amatiti pikivipa kamanata asikie. ¹⁷ Ma kaga araenava ige imatiti pikive kinamige wakiye. Ata awamusa pa maema kaikivewe igeva Isu agera. Igeva aoso kamanapisa ikive kamanapa. ¹⁸ Igeva muyari iyapi urikive. Piya pekana kiyo ena nakivepa kampa ataenava puwita kivewe. Igeva enu kinata iya mayo ataigina aogi pikive. ¹⁹ Ainti, Tave yagara mava kamana uwimigiteva inati ima asu mara mitae Anutu aya takanti. ²⁰ Kayokaya kinami kamana maerite uma uwimitae ayama aukai, Tave yagarama igepa iyo maetagini igeva uwa ena ara enage putae.