¹ Isu va pikuma kaite'e eva Judia kumapi watae to mara Jodani waniama atati, wa waya egaratae gina to awame puma iyakitae. ² Farasi kinami egasama kamana Isu avigatae. ''mapa tagana'a wama waya kaikivipa? ³ Isu omitae. Mosese va nanae urimitae. ⁴ Piya uramitae Mosese va utae piya puma ka yagara ma waya agaruwa kivemipa eva kadongia awaena kaima agaruwata kana wakia'' ⁵ Isu maya utae Mosese dongia kasa kamana kaitae naena gae utitanava agewa wayati aga ruwakenava. ⁶ Piya puma mampavi agovima Anutu wa waya pumaratae. ⁷ Pina agora ka wama ano ava kaite tokumata waya mema mikie. ⁸ Piya puma isigeva kaisuta mikivese tova isigeva tara tara kampa pikivese kampae isigeva ka isuta mikivese. ⁹ Piya vekina Anutu maema akuni kivipa ka yagara ma kampa akayukie. ¹⁰ Pigo ema namapi mitate kana kayokaya yagara mi toge toge avigatae. ¹¹ Eva uwimitae, '' Ka yagara ma waya aga ruwakinipa pintagarama ago menkuena pugasae to pinta garama to we mekivipa eva to pinkama ge menkuena bese. ¹² Wayama wagaite oso wa mekivipa agegeva menkuena pie.'' ¹³ Pigo ema amana yagaran toto ivavute nunumu ra Isu ti kanate gana kayokaya yagara mi igaruwatae. ¹⁴ Isu kayokaya yagara mi pintana pugatae pa Isu anta asu guputakina uwimitae a tigina yakaran donto kana iyo tigeva a igaruwiyo nanagae Anutu ta mamta kumapa piya yakaran donto ganda kinamintae. ¹⁵ Taga taga naeva urimue, kevaya yakaran donto kanda kampa puma mikivepe kampa Anutu manda kumati wakive'e. ¹⁶ Isu amana yakaran donto iyata uma asimu imitae piya puma aya inota atama nunumu uwitatae. ¹⁷ Isu agovima eriya yagara mige watae ka yagara ma karu ena kanama Isu agisavi arakavima avigatae aogi eriya yagara neva nana pikena aogi numa mema mita mita wagakena nauma mekuwe'e. ¹⁸ Isu va awevuma omitae nanaga aogi eriya yagara ema unamene ka yagara ma mampavi pa kampa aogi yagara mimtiye. Anutu e aogi yagara va mimtiye. ¹⁹ Kaeva ago avintano tongia kasa, a wasana eguma apuro a menkuena po a wasanamata kundanaena apo a ataena puma kampari kasa wasana omo, tigeva tinogi tivagi kamana aviyo. ²⁰ Pintan garama Isu omitae, ''eriya yagara naeva yagaran do mitato ago pai tongia kasa egaranduwe.'' ²¹ Isu va kana yagaraga avugatagina omitae kaenaga kaipinti kampa wintiye, togaiva wama ayama enaga mema isama mone awate mema kusi wa waya kina imo pigo ema kaiva manda kumatisa uwoma ena mekivene, ampa naegaro. ²² Eva pigasa avima ata puta puta watae naenagae eva uwena kuta atanta yagara e. ²³ Isu igama kayokaya yagara uwimitae. ''avio, kayokaya yagara va kota uwena atanta kivemina va eva ake puma manda Anutu kumam pinti va wakiye. ²⁴ Pikasa Isu kayokaya yagara mi avitaepa, pamivuta Isu to uwimitae, to yagaran donto igeva akivuma mandari Anutu kumapinti wakive. ²⁵ Akapulu yagamava anagi puma uwenaki antovinti pasikiye piya vekana kevaya kota mone yagara mava akepuma, mantari Anutu kumapinti wakiye. ²⁶ Piya utagina kayokaya yagara mi igeva ivakapi uma mota mata putae, piya vekina kegivaya iyuma mema miyava miyava pikie. ²⁷ Isu va awepuma wasana agama uwimitae yasanageva kampa aogivikie kampae, Anutu pintiva kanara pikiye nanagae ka enava Anutu pintiva kaeva kanara pikivene. ²⁸ Isu kamana ugitagina, Pita omitae, Isu o ago tageva ayama enare kaite kae kaegarune. ²⁹ I su oimitae, neva taga urimue, kevaya nawa'e na , akantowampa, amanana, awawampana, amowampana, yakarandoto wampana mawa kaite' negaragivipa, naena nappima kamanante, egarakivepa. ³⁰ Ago pinpatana kaite va eva meikiye eva 100 tiwata amato amato meikiye, pigo ema nanaena mampavi kaintitana amanana, avawampana, anowampana yakaran dontowana mawanpana to wa waya kevaya amatiti enaraka kundaena Anutu kasaraka meitepa, igeva mema miyava miyava kumata mikive'e. ³¹ Pigo piya puma kevaya wa waya aikana kivinava eva amaru wakie amaru wakivinava aikanakie. ³² Isu e'ena kayokaya yagara mi Jerusalemi watae, Isu ago amaru umitata kina kayokaya yagara mi Isu agama pamiputae, wa waya watae kinami agama iyekuru putae, Isu 12 wa kayokaya yagara wa ivavute wasana kampa mitatae kumati watae. ³³ Tigeva agaiyo Jerusalemi kumati ikuvom pepa wasanami kanama, wamam dagara ayata arakuma tongiaya kamana kinami iyapi imikiye, igeva aeguma apurikena kamana uma iyogi pikive'e, to igeva epa avavuma toginami iyapi atakina eguma apurikive'e. ³⁴ Igeva akayakasa uma kaisa potama eguma apurikive to kakaga yagama akai asikiye. ³⁵ Jemisi, Joni, Sepedi dagarara Isu avigatase eriya yagara mao tasigeva kavigakena puse, kaeva tasige ugamukuvon dana purasito. ³⁶ Tisige va iso nanaena purisita suwe. ³⁷ Isigeva utase, ewasa enakapinti kaya takanti kaya kemanti puma miyeso. ³⁸ Piya putagina Isu uwisimitae, tisigeva kampa napiesa nanaga navigamepa, tisigeva kanara nae nakuvo kapuvisa va nakivesa? tisigeva kanara mono wanika pasi kuvotapa pasi kivesa. ³⁹ Isigeva omitase tasigeva kanara nantara pasintara pukuse, Isu owisimitae, tisigeva kanara nae nakuvo kapuvisa nakivesa, kanara nepasikuvo wanipi pasikivesa to isigeva Isu ewasa enavinti ayatakanti ayakemanti mikenaga emepa, pipa nae eriyapa kampae. ⁴⁰ Pigo ema nayatakanti nayakemanti puma mikena va nae eriyapa kampaga kampa tisumu kuwe kampae, pigo ema pipa kevaya yoke yoke putakivinava mekiye. ⁴¹ To teniwa kayokaya yagara mi avima utae, Jemisi ke Joni ke inta isimima kaiviratase. ⁴² To Isu kayokaya yagara akivuitama uwimitae to pintana apiyo, tigeva agaiyo ka yagara ma wa waya kavi itakivipa, to ka anon dagarama to epa esekipuma kavitakiye. ⁴³ To piya puma pintanava apiyo, to kevaya anondagara tivakapi pikivipa, aeva tige ena eriya yagara miyeno. ⁴⁴ To piya puma tige anondagara mikenava aeva tige ena eriya yagara miyeno. ⁴⁵ Waman dagarama va, eva, tumitipa ena kampa aewa omekena va tumitae, eva tumiyipa auma ayaema wa waya imikena mandara tumitae. ⁴⁶ To igeva Jeriko kumapinti kanatae Isu ge kayokaya yagara mige Jeriko kuma kaite watae, pigo wa waya mi iyegaurite watae, ka orika Batamiyus Timasi dagara eva paitaka ke awara mima wa waya mitisa mone megavemim dagara. ⁴⁷ Ava avitae Isu Nasareti yagara ma eva asima kegae utae, Isu, Deviti dagara, kaeva kandara ena punato. ⁴⁸ Pigo wa waya kegeuma ka aviratae eva to kegeuma utae, ''Deviti dagara kandara punato.'' ⁴⁹ Pigo kamana Isu ante awepuma uwimitae avavute aurika yagara naeti kaniyo. Wa waya miva omitae kaeva asima wo kaeka kegeiya. ⁵⁰ Eva asima sagetiwa akuvugate karu ena Isu ti watae. ⁵¹ Pigo Isu va orika yagara avigatae.'' kaeva nana pugatasuwe?'' Orika yagara mava utae. Tave nempao naeva no apisama agakena vue.'' ⁵² Isu omitae, ''Kama titi ena kampa kaomeyae. Eva avaga aogatae pigo eva Isu aegaurite watae.