¹ Taig gaz, gazo e apaiang pa along oi, Anut inan ilo panek me, ubou pite Masedonia nen me foandin lak ien ime. ² Me muzuan batenaek ilon nen jaugjaug inan ilo panek, ge waiz ilonen, idu panek filian me itase. ³ Kagin abang te i nadin nauknauk lon me ngabol itase, imugse inadin uzat me dinek uzat denau. ⁴ I tan saek azu gauz dipaiama i am aauama dingaleg aupasek depasi, kagin inan suzuzum oi Kris gaz oi. ⁵ Uzat denau lak me, am so kankan megin itasawoi, imug ge sebadin tinidin me ja nauk egin ujanzen depani, megin mon am mai depenama me Anut ilon ibol lak lon. ⁶ Mewoi am Titus azu lon astamani, i kagin me get inau ilo panek inan dal,uzat me ang lengami lon lon mai inau woi. ⁷ Ge o kagin me dangan lon madoime, ilo malik lon, azu lon, mangau inan lon mai, tinin lon meg uz lon, am nama ilo panek o woi. ⁸ Nga azu e kibieg ta so ngenau, o geg ta mai tea , e me kin oina betek egin oina ilo panek me ilonnen tat woi. ⁹ O ulong ilo panek, id inad ujanzen Jesus Kristus i id ja lak waiz inau i ja lak waiz inaulak, elon id filiad dangan. ¹⁰ Nga inag kankan me ngepani, uzat e me subungan dangan , oina umaz e lon uzat fun ngenau oi ngabol, ge kankan ngenau woi. ¹¹ Megin pe ang lami ibolge ukume lak egin ang nami abang ienime menen gazomnen ningonta anup idasawoi. ¹² Ta inan ilon ibolmap jes ienime paninen me iduse, inan abandoi aben so kudemon. ¹³ Aenta tinidin pasaibol, ge ang muzuan funangoi so ngbol. ¹⁴ Tea zazep ienoi, saen elon nami supungan ilap waizgaz dingalewoi, meginpe nadin subungan ang amade map i didnangoi, ienoilakoi. ¹⁵ Gazek lak egin , me i gauz ingalelak i subungan tea, ikin mon ingalelak me mai waiz tea. ¹⁶ Ge Anut pez panipe Titus inaug i nga egin angoi jaundangange madoime . ¹⁷ I nama gading mon uziwoi so ibol, tea, i jaun isag siben ibol maig ziminen ilaime. ¹⁸ I maig am nama tima ta i madaengmedaeng totol gamun ibolnen gamun ifuime me anaug maig diladime. ¹⁹ Ge me mon tea, tea medaengmedaeng i dipilianig i am maip lo uzat e woi atozoi me am ujanzen inan binganoi id inad lo bengten itaswoi mai anauame. ²⁰ Am mewoi dab anauame, tata i lo zen me id tenau tame mewoi so petenganadoi. ²¹ Am sizlon kagin gauai kankan angaleame, Ujanzen naunen, tamolpain noadin nen mai tiduklak me. ²² I maig nama tima ta anauame me saen kin kuzum ikibianilak, abang kuzum lon jaundang uzat mai inaulak, ge gazo inan jaun mug ujan, i ang gauz inau panangimelakoi. ²³ Me Titus i inag dinek, angoi inag uzat bi mai, me timagaz i medaeng nadin sigianek, Kristus inan kubel. ²⁴ Mewoi medaeng medaeng meladinlon nami ilo panek nama fuzoznen ang oi me mai ningon bengten anup tamolpain me denasiwoi.