¹ Mewoige, Anut inan uzat bian apalumeg am tan sae mon apanang, ang Anut inan kanim bangai pani woi so angnalemon. ² I kibiailak oina sain gauailon ina azu dapani, aupaseknen fallaknen sain nga o ina aupasek nga pazeidu. Nasi gazo e me ang name sain gauai, nasi, gazo e me aupaseknen sain. ³ Ge am abang aintalon ilon alan en so apaniame, inan tinin seso diblaniwoi. ⁴ Tea, abang danganlon am Anut uzat bobomi dangan uzat anau, Stamaneknen lon, bobo me dangan lon, you isanenlon, Uzutnenlon, ⁵ Ulonen lon, Tazabadanilon, Tulufuneklon, Uzat saganeklon, Kukum lon, Udiglon. ⁶ Kagin malik, Abang po ubolnen lon, Ilo dalaneknen lon, Mazozlon, Auanuzgun lon, Gadonlon, Sekoklon, tea. ⁷ Azu malik lon Anut tiwon lon tauz inan ju dazuk niman wanglon nasi. ⁸ Biang bisak pitinek inan dal lon, Uf azu lon azu gauai lon mai tamol sekok lon dipayama ge am malik. ⁹ Am fuma so dilong egin ge i dilong mok am oi, am get amat ge tea am bas amadoame, ya naun panamape am funumape egin bas amado. ¹⁰ Bubuma alan ge am umaisa , waiz egin ge anaug kuzum filiadin dangan dimadodime am waiz egin ge abang dangan amnama. ¹¹ Am ang oi auama so itau, am ang oi kibiai, am nama bubuma junisa. ¹² Am so fanatang, tea, am ang azu lon duzang. ¹³ Mewoi ge nga ai kamo egin gepaiangame ang bobome fue. ¹⁴ Ang i nadin muzuwan so yawazemon. Ang kagin salan mai tizian ta ? Salan gauai mai tizian ta ? ¹⁵ Krist gaz bobodin taimon ta ? ¹⁶ Anut kagin me gob mafuz mai fun taimon ta ? Id Anut bas dangan inan uboab Anut megin ibol, nga i lonnen amado i lon ngatoz oi. " Ang i nadin Anut mok." Ang nganad tamolpain. ¹⁷ Mewoi i langadinlon tiuz gugon Anut ibol, abang fua me so titimon, megin tap nga ang gigiliagoi. ¹⁸ Ang nga nami mam mok oi, ang nganad nanug pain gaz amadowoi, Anut tiwonzen i dangan megin ibol.