¹ Pila oilitae, tagataga kamana uliluwe, 1kaisa kinapa bambapa asolimba bindawe. kegakamba puwanda Goti kumayage, eseginawape agakilane. ² 6-wa duga bigalate, Jisasiva Pitana Jemisina Jonina sumba ivavite kano amukageli ulitawe. Pita imitamepa, Jisasi autapa aulo auga puma abolatagina agatawe. ³ Pigo autisanaliva pavuwama aogi autisanava w e puwama bamba bavindisa kinamba ekatovakaga besa pumave kambae. ⁴ Aindiva Ilaisage Mosasige amba abolama Jisasike kamana itawe. ⁵ Pitava Jisasikava pilae olitae, alavanembao kanamba batapa binduse, pilavimi kulo kakaga dama kikiluse. Kanope kakendae, kanope Mosasi'ndae to kanope Ilaisa'ndae. ⁶ Pilama akeva anagavala iyemaginava kamba betawe, anavie otamae tavewata iyekulu watawe. ⁷ Kano wepuwanda ilaoma amba itikambetae. Ila aguvindisa kano kamana pila itae. Piyape dake anende tavewatasa davuwagagae. Ake kamana aviyo. ⁸ Avagano ewali ewalima agatamepa, pigo kaisamava kamba agatagana Jisasi kanoso agatawe. ⁹ Pigo amukagelisa tumitamepa, Jisasiva esegi kamana oilitae.Tikeve kanao yagolagave pila ana avolagi agaune mave a oilo. Goti anende puwanda pindisa ima asolimbete avola kanakimi duga. ¹⁰ Pilama kamanapa bema kakakalatawe, pilama ikewipa atalu kamana itawe, amiwapa anavie kamanane,puwate asolinda kamanane. ¹¹ Pilama Jisasikava amakigatawe, anaviyema amiwa kamanapa pilapise kamana kalanda omave Ilaisakave kanakitayoma? ¹² Pilai oilitae, Ilaisakave ago kanama kogano ana ambema kano baluta akivotakie. Pilama amiwa kamana kalatamepa wanama anendebava tave atalu gunda bekimipa pilama ageva kamba minda yagolayema? ¹³ Pilayomepa tikega yomepa, Ilaisave ago kanagalamipa ikeva anana pikiema ike ivuwakinana pila kamana Gotiva ago ugalatae. ¹⁴ Pigo ikeva Gotida auta biyegana iyomanasuna kinambita be kanatawe, pigo ikeva kagatawe atalu wawaya akima pilavise kamana kalagagame kinambiva kano iumava kamba pinda atalu kamana itawe. ¹⁵ Avaganotasa Jisasi aola agatawe, kogano wawayambiva paguta potama avagano kamana amba agatamagini imalagu kasa otatawe. ¹⁶ Akeva auta biyegana iyomanasugagami kinawambi kava amakigatawe, anaviyema tikeva kili kamanapa otawe? ¹⁷ Kano kevala wawaya bitame kina pindisa amakiganda kamana aisa itaye,alavanembao,dakeve amana basisone avavite kanauwe. Akeva kambalaga awamusa kina bindegina kamanapa kamba aogima iye. ¹⁸ Akeva tavewata pai puma esegima asagayoma beluluma awamu wani pamba awi dama aupa aovuloto puwatae aupa esegiwagae. Dakeva kauta biyegana iyomanasugagabe kinambika kambalaga awamusa kinape beigalo olitagina, ikeva kamba agaluvatawe". ¹⁹ Akeva aisala amakigatame kamanapa olitae tike wawaya biyeme kinambitapa tikeva tiyumalipa kamba aluwage pewe, aliwa duga tikegeva bikiluwe? Aliwala avagota tikegeva aoginava pulitakiwa,avamete daketandi kano''. ²⁰ Pigo basisova abamvite kaka atawe. Pigo kambalaga awamusa Jisasi agatae, Pigo boba basisova avagno bavindi beluluma awamu wani pagitae. ²¹ Jisasiva avowambaka amakigatae, aliyawala bamba suanava piye? Pigo avowambava Jisasikava olitae, amana anende so bitamitane. ²² Atalu dugave bamba basisove asagayoma yakupindiva belulugagavelo wani daitakinanava pugagayo, pilama aliyaba pilagepene kakeva alagayoma, takepa kandalapuma takepa taopo. ²³ Jisasiva pila olitae, kava ago alagayo? Kogano anavala wanama kevala aumawa alugage pikimipa". ²⁴ Avaganotasa anedemba avawamba tavela kuweta pila ikiye, Dakeva dauma alugage puwe! Dauma aluwage pikina suana daoyasavo! ²⁵ Pigo Jisasiva agatamipa atarukina bekanatagina pila olita'e kambalaga awamusa kava avuwama pila olitaye. Kakeva kambalaga awamusa kinambiva, kamana bema bogalate igenava ekukalane dakeve esegi kamana ugaluwe, anamali ilosowama tove a ivailese olitaye. ²⁶ Akeva tavewata aleugalama basisomapa pagula analatali atao tatamine pilavitagina kuwana mbasisova puwanda kina kanda watamine, pigo wa' wayambiva itaoe, " Agopuwae " ²⁷ Pilavitagina Jisasi'va ayataumba ima asoli atatagina mbi tuluma asolitae. ²⁸ Pigo Jisasi dama pindi ivalalopitamipa, pigo autasa eliya kinawambiva ikewi imata balambi mema avigatawe, " Anaviye otama takeva kamba aogi awamusa kinapa alakalakilune, wagalanomava"? ²⁹ Pila oilitamine" Pilavindapa kamba agaluva siyavikiye, pigoema puletasa uga agaluva kalakiluwe." ³⁰ Patasava itaotate Galili watae. Akeva wa' wayambige anendesoso migeva kamba igaiyoma aetapala bindawemava. ³¹ Anaviye otamae auta dasina kinawa poilenda, ana pitamine. Akeva pila oilitamine, " Ikeva Wama anedepa wanami iyapindi ataigini alugu kalaigina puwakiye. Pigoya alugukalaiginava, kakaga nuga oma akuwaiva, toima asolikiye". ³² Pilavitamipa ake itami kamanapa kamba betegini amakiga kamanapa iyekuluma kamba amakigatawe. ³³ Kapaneamui kanatawe. Waivindi ivaimba iminda ginava, akeva imakigatae, " Keti kanametiva anae ewe?" ³⁴ Kamanapa kamba itawe. Pigoya ikeva taveva ke'ema kili ita kanatamene. Keti kanatametiva. ³⁵ Kogano ivama balambi itama oilitamine, " Pigoya kevala tave bikinava koganomba akuwai bima eliya kina bikiye kogano bitinda." ³⁶ Kaliya anendeso avama bitamepindi avakwa atatamine. Pigo ayapindi aepamamima oilitamina. ³⁷ Kevala dake ndage vindili mala anendeso avavikimipa, piyapa dakeke davavikiye, pigo ndaketo davavikinipa, dakemanaya davavikiye kambaya, dakeke kevala daisagatami tasinakowa tasivavikiye" ³⁸ Joni'va olitamine, " Polenda, takeva agombepa kaokuwandisa kinambiva kake kagevindili kambalaga awamusa kina awavumba agaluvamepa eku itaune, anaviye otamae takegeva kamba dasigagawe. ³⁹ Pila pitagina Jisasi'va itae, " A ekuniyoma, kano yagwalamava tave eliyapa kamba vikiye to aindiva ugasuga kamanapa unatakiye. ⁴⁰ Kevala takega ayanda ana kamba pikinipa tao tuva tasane. ⁴¹ Kevala wanika ndoma kamikimipa ana viye otamae kakeva Jisasi ndagae, tagatagamba ugaluwe, alavivima ape wape mbe kiye. ⁴² Kevala kaliya kinaso poitagagami, kevala kunda'ana nduga auma alugage daketi pikimipa, kamba uma tula wakiye, pavilama kamba puma kano yagwalama tavewa yeva kano yagwalama anambi ugu atama kayo wanipindi boe pugala kiye. ⁴³ Kaya oma kamba aogi anavindi kavamete wakinapa, agilisakalama mboe galo. Goti kumati kano kae yaga wasanava kanamba anaye. Talayaga kae oma pikimi anaoma ayugu yaku pindi kaetumba bima unda unda puwanda pindiye. ⁴⁴ .... ⁴⁵ Tolo kano kagisa oma kunda anavidi kavaimete wakinapa, agilisamba mboegalo. Goti kumati kano kagisa yaga wakilambepa kanamba puwakiye, ayugu talayaga kagisa oma vekina yaku'pindi wakilane. ⁴⁶ undefine ⁴⁷ Ago kao oma ugasuwa anavindi kavamete wakinapa, igimba mboe galo, kano kauyaga Goti kumapindi wasanava kanamba anaye. Ayugu talayaga kaoyaga yakupindi wakilane. ⁴⁸ Bamba bavindisa kuva omage yaku omageva kamba pagiwanda pindi. ⁴⁹ Anaviye otamae, kogano kinapa yaku oma kaopikiye busanali kayo pailembesapuma. ⁵⁰ kayova kanamba anae pilavimi mbapa kanasigi anawa tula wakimipa. Aliyama kanasigi anawapa avosipikilane? Tikeva kayo'gandama bikilawe, kanamba tiuma tikepindiva biyekina to kaukwaisa miva pala vikinae.