¹ Kano duga wa'wayambi akima bitamepa, kano busana dakinava kamba mitae. Jisasiva auta bigagami kinambika ige uma oilitae. ² Dadalapuwe wa'waya kava anavie otamae, kakaga duga danidava kamba datawe. ³ Igavulindayaga waeili wakilamepa kaisava pagosaisalasa kanawe. ⁴ Auta bigagame kinambiva itawe, wa'waya biva aetasa bema amikilune agamavindisava. ⁵ Jisasiva ivigate, aliyawa bleti ulindawe? Pilae olitawe, daya kano embupuma to daetisa tala umema. ⁶ Balambi iyo oiltae wa'wayambikava. 7-wa bleti bemagina, Goti ka aisa kamana otate. Etamama enoma bleti epakoma imitae, autabigagami kinawa pila vitagina auta bigagami kinawabiva etamama kogano wa'waya imitawe. ⁷ Auta bigagame kinambiva kaisa kaliya pisiso ulitawe, Jisasiva Goti ka aisa otamagina auta bigagame kinawakava etamama imegini daiyo itae. ⁸ Kogano wa'wayambigeva danidava dama igae tata pitawe. Pigo atu atu danidava bema 7-wa igwale vindi yovitawe. ⁹ Pigo wa'wayambiva, kogano wa'wayape 4000-wa kinane. Jisasiva esagatagina watawe. ¹⁰ Auta bigagame kina wabige, avagano iva'va pindi palositawe. Pigo amido kumaita Dalmanuta watawe. ¹¹ Pigo pasisi kinambi kili kamana otatawe. Jisasi atapotakina to augapinda ana pu olitawe. ¹² Jisasiva tavewa asanda bewatae aumawa pindiva, anaga wa'wayambiva baba dugava aulo auga pinda anagave damakigawe. Dakeva tagakalasa uliluwe, kambalasa aulo aoga pinda anava wa'wayamitava puma avolakie bamba dugava. ¹³ Aediva, pigo wa'wayapa itategina iva'va pindi ivalositawe, kotu oma domba undi watawe. ¹⁴ Auta bigagmi kinawambiva aepiviyawatae bleti bekinagava, kano bleti solasa betae iva'va pindiva. ¹⁵ Jisasiva bemiye kamana olitae, tikelipa tiuta agima alavama biyese kamana oilitae, palisi kinambi ke Herotike isigeva. ¹⁶ Auta bigagame kinabiva ike kamanapa pilae itawe, Pila kamana itawe, anavie otamae bletilepa kambae takeva. ¹⁷ Jisasiva ago igatae ana kamanapala itamepa, anavie otamae atalu kamanapa ewe. Bleti kamba bindimikava, tikeva kamba pilagevelo kamba agao. Tikeva pilage nalipa ekuwate bidiye. ¹⁸ Tiyova bindimibapa tikeva kamba agawa.Tigenava bindimibapa tikeva kamba avewe. Kakeva kamba pilagevena. ¹⁹ 5-wa bleti epako pumagina 5000-wa wa'waya imitae, aliyawa igwalevindi bletiva atatawe. Pilae oilitae, 12-wane. ²⁰ 7-wa bleti epapakogavitae, 4000-wa kina pindi aliyawa igwalevindi bletiva atawe. Pilae oiltawe, 7-wa. ²¹ Tikeva kamba agadawa, imakigatawe. ²² Betsaidai kanatawe, Betsaidaisa kinambiva kano aolika yagwala avamete kanama Jisasi ka aisalo oilitawe. ²³ Jisasiva aolika yagwalama ayata ulitae, pigo ayata umbete kinisi watase. Aola ausa kayo putatagina pigo amakigatae, pigo kaisa anagava agakilanoma. ²⁴ Pigo inandi balo agategina itae, pigo wanave agauwe itae. pilama pimipa ya igimete atawasu piye. ²⁵ Pigo aeidiva aola aya balotatae, pigo wasanama aova episatae, pigo aova aogivitae. pila vitagina aogimalasa agatae. ²⁶ Jisasiva pigo waeili aisagategina oilitae, alesenilive a ovalalavo oilitae. ²⁷ Jisasiva auta bigagame kina wabagige Siliasa kumapindi wama gina bogana pitawe. Keti wama bitametiva, auta bigagame kina wakave imakigatae. Wa'wayambiva dakekava kegaema pilagevewe. ²⁸ Pigo Jisasi imakigatami kamanapa oilitawe. Pigo kaisamava itawe, Ilaisae itagana, kaisamava Jonie itawe. Kaisamava aidi amba puma avolakina kinane itawe.