¹ Pigo tala nuga bigalateginava. Tave kina akima Goti iyombetamika bo pilagema beleti dakina kuna. Pigo amindo yakwalamage, pilavise kamana ala kagagame kina bigeva, Jisasi alutikinaga yoke kamana uma bitawe. ² Ikeva pila itawe, pimba ana tave akinalapa kamba puma avolakiye, anaviye otamae, wa'wayambiva kili uma akemba anava ikewi avakwapa, kamba puna avola iyoma. ³ Pigo Jisasi'va Betanisa Saimoni dama pindi umi tamipa kogano Saimoni'va alepa ana puwanda yagwalaye.Pilama bitameta kano wemba aogi aindu'vinda ana basawe amindoti amba etevatae. ⁴ Pila vitaginava kaokaisa kinambiva iupuwama, ikewipa pila itawe. Ana oma amitaka aogi aindu pinda anava, ugambapa etevae? ⁵ Piya aogi aindu anava aisamba 300 silva bone bema wa'waya kevala kotawa kamba binda kina imikinae. Pigo pila umagini kwana wepa aomana sitawe. ⁶ Pila vitagana Jisasi'va oilitae,"Tikeva agagalaiyo, anaviye otama bamba wekava otama biyewe? Akeva aogina punatae oilitae. ⁷ Pigo kogana dugava kotawa kamba binda wa'waya kava tikege bigagawe. Aliyandugaga pila kinapa iyombema aogi poitakilawe, pila pimikuna kogano dugava dakegeva kamba mitawe. ⁸ Bamba wemba anavala pimi anava, pavigo pikinana viye dauti aindu vinda ana paindatamipa, pulikina anaomaka bo'ala pitae. ⁹ Taga kamana ulilikina vuwa aviyo, kogano bavindi aogi kamana pagu uma oilikilame pindiva, bamba wemba pindi anagavala pagusama oiliteginava bo'pilage pikilawe olitae. ¹⁰ Aindiva Judasi Iskerioti'va, 12 wa kina auta bima eliya pugagame kina pindisava kano ikuna, pigo akeva Jisasi'pa akewa amitegina, amindo yagwalama tandi wamagina, Jisasi'pa iyapindi boitatae. ¹¹ Pigo Judasi itami kamana aviteginiva, amindo yakwalamiva ibu puwamagini, pigo bone'pa kamikilunema b o'ege potatawe. Pigo Judasi'va aepasama bitae, pigo kano aogi nugava pigo Jisasi'pa avama iyapindi boita kiluwema itae. ¹² Pigo baleti dagagame amalusa dugawa amba avolatagina, pigo sipsipi awalo yakupama, Goti eliya pugagame kina wambiva, Jisasi kava pila olitawe. Takeva aeta wamagita, daninda dakina balupa uma yoke potasune? ¹³ Pigo Jisasi'va auta bima eliya pugagame kina pindisa talagava pila oisilitae, "Pigo tisikeva tave kumapindi wama, kono yagwalamava tave wani ka'yage aesaga bete kana kimi uma palikilase. Tisikeva alambete waiso. ¹⁴ Aemba dama pindivala kwana yagwala ivalalo pekinapa, pigo tisikeva alambete uluma dama oma avowambage kamana ima iso. Pigo Tisa'va pila iye, Dakenda balupa aeta bindiye, dauta bima eliya pugagame kinambige, Goti iyombetami dugaga bo pilagema danindava dakilombekae? ¹⁵ Kwana yagwalamava tavewa balu tisilasikiye, ago aogi potanda tisilasikiye, inatasa dama pindiye. ¹⁶ Pigo autambima eliya pugagame kinambiva, tavemala wama gini pigo Jisasi itami sapuma kogano anava uma aga tawe, pigo Goti iyombeta mika pilagema dakina danindava uma yoke pitawe. ¹⁷ Pigo pa'oma tu pai wataginava,pigo Jisasi'va 12wa eliya kina wambi geva kanatawe. ¹⁸ Pigo yalage ana potandati balambimagini danindava datawe, pigo Jisasi'va pila oilitae, "Taga kamana ulilikina puwa aviyo, daninda dama biyombe pindisa kawi nama gava davama dagwama kinambi iyapindi bondata kilawe oilitae. ¹⁹ Pigo kogano indala puwama autasa eliya kina wambiva, olitawe, pilage pombepa dakeyane?" ²⁰ Pigo Jisasi'va ikekava pila oilitae, 12wa dauta bima eliya pugagame pindisava kano winamagae, akeva beleti va igwale vindi dakege bo atakiye. ²¹ Pigo Wama Anendepa avama agwama kinambi iya pindi bo'amitae, anaviye otamae, Goti kamana oma itamisapuma. pila vikimi yagwalamava tavela dau potauwe, anaviye otamae. WAma Anendepa avama agwama kinamba aya pindi bo atakilameka. Tagamba tasa aogi puwakiye, piyamba yagwalava anowamba kamba yakwalai potakimipa. ²² Pigo daninda damamitagana. Pigo Jisasi'va kano bleti bema pule otama gina, epako magina auta bima eli pugagame kinawa imitae. Pigo Jisasi'va pila oilitae, "Beiyo bape dake dauno. ²³ Pigo akeva kapu bema Goti'ka aisa otamagina autasa eliya kina wambipa imitae. ²⁴ Jisasi'va pila oilitae, bamba kula omava dakenda asa'sa eliya pikinae, pimba kula tumikimipa kogano wa'wayambindae. ²⁵ Tagamba kamana tasa tikegava uliluwa aviyo, Dakeva tova kamba danda bitawama, pigo asasa waini Goti'da aogi kumawati ima dakilawe. ²⁶ Pigo kano ini ugalateginiva, pigo ikeva Olivei'sa amukage vindi ulitawe. ²⁷ Jisasi'va pila oilitae, "Tikeva kogano dakepa itaunata kilawe, anaviye otamae, kamana wa pindiva bindiye. Pigo alava pikina yagwala alugu kalakinava, sipsipi'pa kogano undi aluvala wakiye. ²⁸ Pila vikimi kuna, aindi asolikilometapa dakeva pali wama Galili wakiluwe. ²⁹ Pita'va Jisasi kava pila olitae, kakwaisa miva itaugata kilamepa dakeva kamba itaugata kiluwe. ³⁰ Jisasi'va Pita'kava pila olitae, tagamba kamana tasa ugaluwe, pimba asekwapa kokole oma tala'la agaekinapa pila ikilane olitae. ³¹ Pigo Pita'va pila itae,pigo kakeva puwakina anava, dakeva kamba kaganduwema ikiluwe. "Pigo ikeva koganopa kanokanabana Jisasi kava olitawe.