¹ Pigo Jisai'va ama kamana aaagovuluma ama kamana poilenda pitae. Akeva pila oilitae, kano yagwalama waini uga'ana pitae, akeva waini ugala kago ana potategina, waini ana pite bete vikinaga kuma ekane pitae.Akeva kanondama kitamagina waini ugala alavapikina kinambi imitae. Pila pitegina akeva kano undi watae. ² Pigo waini yokavina duga amba avolatagina, pigo akeva kano yagwala aisagatae waini ugala alava kinambitandi kaisa waini beyoma. ³ Pilamapa ikeva kwana yagwalava alugumba kano anava kamba benda uga aisagatawe. ⁴ To akeva kano eliya kinawa aisagatagina watae, iketandi, pigo ikeva talala amindo palu atamagini ugasuwa potama anali kamana otatawe. ⁵ Akeva ama yagwala aisagatagina pimba yagwalava alugukalatagana puwatae.Ikeva kambasa su anavindisa kaisamipa ugasuwa poitama ilutitawe. ⁶ Akeva kano yagwala aisagakinava bitae, pimba Anende kava avulasa avuwatae. Akeva alitalele anende iketandi aisagakinava bitae. Akeva pila itae, ikeva wama anendemba kamana avikilawe itae. ⁷ Pigo waini ugala alava pitame kinambiva ikewi kamanapa pila itawe, pila ite pimba anendebava avowambanda kogano anava bekiye ite, kanaigita akepa alugukalama bonewake kogano ana wapa beyano itawe. ⁸ Pigo akepa aitaka atamagini alugumba waini ugaoma aomati bokalatawe. ⁹ Pigo waini uga oma avowamba anaviye ikiye? Akeva pigo kanamagina waini ugala alava kinapa ugasuwa poitate gina, waini ugava bemagina amakinambi imitae. ¹⁰ Tikeva kamba enosuma agao Goti kamanakava dama kikina kinambi yavapa begalatawe, dama kikina evapa ege puwanda evane. ¹¹ pimba evape Tave yagwalamatandisa kanatae, pilamapa agakinava aogilasa puwandane. ¹² Pigo ikeva pilage pitawe Jisasi'pa igwanda amikinaga ikeva iyekulu puwatae atalukina bitameka, anaviye otamae Jisasi'va pimba amakamana olitamika. Pila pitagina pigo akeva atatagana watae. ¹³ Pigo kaisa tavepe yakolamiva Parisi kinake Heroti tukeva asisagatagina watawe aketandi, ikeva ka aogi kamana enoma atapota kina watawe . ¹⁴ Pigo ikeva kanatamepa, pila olitawe,Polenda yagolamao,takeva agobapa tagakamana una yagolagae olitawe,kake kano kinasogava kamba lasa kavugagae, kambae, kavu wanda ana wapa kogano wawaya bi aokapindi bigagae.Taga tagane kakeva Gotida agisu ana waka wawaya bi pa poileda pugagane.Sisa takisi amiknanava ago agi vikivelo kambae? Ikapikilupelo kambae? ¹⁵ Pila mape Jisasiva ivi kamana ikinapewema ago boagategina pila oilitae,anvie otama dakepa atapunatakina pewe? kano awate baevigi agano oilitae. ¹⁶ Pigo ikeva kano awate bema Jisasi amitagana. Pila oilitae,"piya awatetiva ke'amake ke'agige bindiye oilitae. ¹⁷ Pigo Jisasi'va pila oilitae, Sisa danava Sisa amiyo, itegini Goti danava Goti amiyo,"pigo ikeva kwana kamana aviteva pagula pumalatawe. ¹⁸ Alagae, Saduisi kinambiva Jisasi tandi kana tawe, pimba kina biva to asolikinanava kamba bindiye ugagame kinakuni, kanama amba avigatawe. ¹⁹ Polenda yawalamao, Mosesi've pilamba isapa kalamalatae, pigo kano anasagaba wayawa atate puwa kimipa, anende kamba atandata, pila vikimikava, unamusowamba lo bekiye. Pilavotamaginava anasa wamba amaluta anendepa avolakiye. ²⁰ pigo seveni'wa aganda mitawe, bukasa basima kano we bemalate puwatae, anende kamba atandata. ²¹ Puwataginava to inamu wamba bete anende kamba atandata akelova puwatagina,pigo akelo puwatagina ake akwalasa basima lo betamipa anende tova kamba atandata to puwatae. ²² Pilavita wama kogano seveni'wa aganda nandava pumba pagivuwatawe anende kamba atandata, kwana wepa aindi lasa bopuwatae. ²³ Pogoema kogano kanota asolikilakava kwana wepa ke we ana vikiye?Anaviye otamae, koganopa kano aganda nandama betami wene. ²⁴ Pigo Jisasi'va oilitae, "tikeva pimba pilagene anava ugasuga su'ana pumamiyewe, anaviye otama tikeva kamba agadawe, Goti'nda esegi ana wapindiva umalandembe anava? ²⁵ Pigoya ikeva to ima asolikilamekava, ikeva tova kamba waya waw anava kamba pikilawe,taga kambae, ikeva inandisa Goti'nda Agaga binda kina kandama bikilawe. ²⁶ Pigo wana pulite aoga kimipa kamba ka Mosese isa pindiva enosugagawe. Kavuvindi imitami kamanapa, anaviye otamae Goti akege kamana itasimbe kamanapa, dakeva Abrahamu'ke, Aisaki'ke Jekopi'ke Goti'nae oilitae? ²⁷ "Akeva ago puwanda kinambi Goti yane kambae, take taoganda bindombe kina bitendae. Tikeva sokale kamana ugaga kina biyewe." ²⁸ Kano apise kamana kalagagami pilagena minda yagolama kanamagina kamana itamika ambima aviyavitae,pigo akeva bima aviya pitamipa kamana avigatapa aogimalasa ewalima oilitae, itaginava akeva pilamba avigatae, "Aemba pilapise kamana oma ukwandisava igasama agilasapa puwandiye?" ²⁹ Jisasi'va pila oilitae, Islaili kina bitava aviyo,"Tavelepa Goti lembae asasoye. ³⁰ Tikeva tavelimba kava tivuwama tiumaliyaga, eseginaliyaga, pilage naliyaga Goti limbakava tivuwayo. ³¹ Gotida tala pila pise kamana wapa tova kamba bindiye," ³² pila pise kamana kalagagame kina biva pila ewe , Aogi Polenda yagwala! tagamba tasa ene, Goti asasoe,tova amapa autapa kamba bindiye. ³³ Kogano kauma pindisava kavumema, kogano pilage nagayage, esegi nagayagapa keka pilage mamiyewe. Kakegaka kavume gagambesa puma kamekava kavumeyo, piya tala kamanapa tave kamana tasane, Goti amo pindi wanoma kaopugagame anava pila mayane," ³⁴ Jisasiva igatamipa aogi pilagenayaga kinanema igataye, Akeva pilamba oilitae," Tikeve Gotida inandisa kumativa pagosava kamba bindawe," Pimba avagotapa kawinava kamba kano kamanapa avigatae, Jisasi kava aekulu puwatae. ³⁵ Goti awaga una dama pindi Jisasiva wawaya poilenda ana pitae,Jisasi ike itame kamana kava pila oilitae,"Anavie otamae pilavisie kamana kalagagame kinambiva Jisasi kava Deviti anadene itawe? ³⁶ Aogi awamusa kinapa Devitige mindie itegini, Tave yakwala mava Taveleka pila oilitae, dayatasati balabiyo itae,pimbadua uvoikimitapa dakeva tikwama kina kava dagisa avendi balabi iyo oiliki luwe ³⁷ Deviti ake kanaso tavene ba,ova ugagae ,''Tave'o anavie otama akeva Deviti anende ana vapitae?''Pigo atalu Wa'waya biva imbutisa Jisasi kamanapa avi tawe. ³⁸ pigo Jisasi'va Wa'waya poilenda pite gina oilitae, tiekulu piyo pilavise kamana kalana kina bikave,kega wataya kautasana pumete wasinagava kavu gagae,pila pegana,pila pegana Wa'waya biva imbu kamana oita gagawe maketi kuma pindiva, ³⁹ Pila pegana ikeva aogi baluti balabi sanaga ivu gagae Goti awaga una dama pindiva, pigo Tave dugava ayogi baluti balam bima danidava dagagae. ⁴⁰ Pila pitagina iwae puwanda wembindava damapa ugasua pugala gagawe, pila pitegini ikeva wa'wayabi iganoma wataya pule ugagawe. Ikeva tavewa kunda bekilawe.'' ⁴¹ Pigo Jisasi'va Goti awaga una damapindi bone pogisi bitami undi balabitae, pigo akeva bone pogisi bitami undibima wa'wayambi bone bo'ata ta pitame ka agaisitae. Pigo bone kinambiva kanamagini tavepe bone beata tagana. ⁴² Pila vitaga kano awae puwanda wembava tala tete bone so tala bo'atae, pila kano awatesoe. ⁴³ Pigo Jisasi'va auta bigagame eliakina wambi kava igeuma beitamagina oilitae,'' tagakalasa uliluwe,Awae puwanda kila wembava Goti awaga una damapindi tete bone so tala bo atatamipa, kogano wa'waya igasatae. ⁴⁴ Pigo wa'wayambi atalu bone botatamepa atalu bonei bitagini pitawe. pilamava ake awae puwanda kilawe bava atalu bone wapa bogala tagina to ama bone wapa kamba bitae.